male ne female ko
E-mail se kiya pyar ka izhaar
bola yaar
mere dil ki hard disk ke c drive(c:\)mein
pyar ke virus apna tambu taan chuke hain
aur hum to mann hi mann
tumhein apna maan chuke hain
to aao aur sama jao mere dil ke recycle bin mein
aur chha jao internet explorer ki tarah
o! meri chat ki file
mein tumhein kab se search kar raha hoon
yeh baat alag hai
ki anya files par bhi research kar raha hoon.
O! mere pyar ke italic font
meri zindagi ke format mein
apne pyar ka paragraph
set kar lo is tarah,
print lene se pehle
page mein margin set hota hai jis tarah.
mere microsoft excel
yun to mere jeevan mein pyaar ka column
hide ho gaya hai
par tumse milte hi mera future
kuchh bright ho gaya hai
mann hai ki aankhon ki floppy mein
copy karke
tumhein read karta rahoon
aur apna sampoorna data
tummein feed karta rahoon
waise bhi mann ki screen par
tumhari picture paste ho gayi hai
aur search engine par
tumhari search mein
meri aadhi umar waste ho gayee hai.
aur dimag ki window mein
tumhara hi print preview hai
mein nahin janta ki tumhara
mere prati kya view hai
par ab main tumhare bina
login hona nahin chahta
aur kisi site par khona nahin chahta
to is se pehle ki mere sapno ka computer
shut-down ho jaye
mujhe reset kar do
aur password wale column mein
apna naam bhar do
suno! mein tumhare trace-box mein nahin
inbox mein rehna chahta hoon
aur compose karta hua
tumse yehi kehna chahta hoon
ki tumhare paas
yun to kai options honge
par kabhi mujhe signout mat karna
aur mujhse nahin to kam se kam
computer banane walon se darna
aur mera folder kholne se pehle
mujhe select all kar lena
phir kalpana ke paint brush se
jo chaho rang bhar lena
aur ek hidayat ye hai
ki mere character ke
spell zaroor check kar lena
phir chahe mujhe jaise marzi edit karna
par edit karte karte
kahin delete mat kar dena
aur meri bachi huee sanse
complete mat kar dena
sach kahoon to tum hi
meri attachment aur browse ho
chahta hoon ki tumhare haathon mein hi
meri kismat ka mouse ho
aur samay ke printer par
tum print hoti rahi is tarah
download ho gaye hain
aasmaan mein chaand taarey jis tarah
to sochta hoon
is sadi mein
internet ki nadi mein
muskurahaton ki naiya kheta rahoon
hansi baantu ,khushiya deta rahoon
usi bhawna ke sath
sambhawna ke sath
mujhe mehsoos karna
ab to main bhi seekh gaya hoon
computer use karna.
|