My Poems

A Song

Upar upar pani chalta hai
Niche niche sagar bahta hai
Sab thare hain kaise
Sab simte hain kaise
Thum jana ae vakt tum yadon mein koi aata hai

Upar upar pani chalta hai ..

Rimjhim ankhe jharti jati hain
Aansu ki lakirein banti jati hain
Un lakiron se ho ke aana, aana tum

Ankho mein jhilmil se sapne
Sanjoein hain thore se lamhe

Ajnabi lagta hai hur chehra Hur jagaha aub to
Dhuan dhuan sa dikhta hai.

Upar upar pani chalta hai....

Talash

Kaun janta hai
Kitna intajaar hai yahan,
Raushini ki talash jaari hai
kise pata hai
Kitna andhakar hai yahan.


Tukre tukre mein milta hai sab kuch
Tukre tukre pe palta hai Insaan
Tukra -tukra dhuup
Tukra tukra bhagvaan


Kuch khone ka gum hai
To kuch pane ki khushi bhi hai,
Sacch to hai koi cheez appni nahi hai.


Hum sabhi mein ek aina hai
Jhank kar dekhe kahin hum hi to nahi
Jise hume talaash hai.