My 2001 Review~

1月:
都係日日返學囉, 返學同geo, gary, micheal 佢地玩
放學就同Joey 傾電話, 夜晚都係~放假就同佢出街玩, 都幾開心架o個時

2月:
月頭就同一月差唔多啦, 不過月中Joey 就成日溫書, 無乜同我傾, 到月尾就拒絕左我....o個時都喊左好耐丫~
學都差唔多返完......不過都唔多關我事, 哈!~

3月:
已經開始唔洗返學lu~咪成日o係屋企打下機有時得閒出下街咁囉
完全無溫過書...唔~

4月:
考緊A-Level, 不過我既生活如同暑假一樣
報左校草啦, 應該已經入埋圍, 識到劉明慧佢地班人

5月:
考完A-Level(都係唔係好關我事), 再次見返成三個月無見既Joey(不過已經幾生疏下)
做G2000 Sales

6月:
無做份G2000
校草決賽(o個晚講真幾開心)
同Talent Bang 簽約
識到好多女仔(最重要係識左Jenny)

7月:
月頭就同Jenny + 其他女仔成日講電話, 同唔同既女仔出街
同Joey 去Camp
月中無理其他女仔lu~淨係同Jenny 好好咁每日每晚都傾.....
同華哥一齊做創藝Waiter

8月:
不知何解Jenny 開始唔理我
無做創藝份工
衰運既開始.....

9月:
無所事事咁過左一個月
呢個月又無工返又無收入, 又無識到女仔, 又無人搵我傾電話
只係每星期同三華班人出一至兩次街

10月:
亦都係無所事事
月中搵左馬會part time
同個阿蚊......都唔知算唔算拍拖
月尾生日, Joey 都有陪我過
同o個個阿蚊.......都唔知算唔算分手
開始好窮

11月:
一個星期返一至兩次馬會
月中開始返AMI
睇流星雨(不過只係見到幾粒)
開始識返多D 女仔, 不過無乜心機同佢地傾電話......
極窮~

12月:
繼續咁返馬會
AMI 話無job 所以無叫我返工
TVB 藝訓班面試
Jenny 事件

一年咁就過去, 希望2002年會更好啦~~~
　

12月31日(除夕)

今日心情指數: 80
今日洗費: ~ 150

2001年最後一日喇
希望今年既唔好運衰野全部走哂, 黎緊新一年乜都好好, 心想事成啦!

今朝就同江振同嘉豪去左neway k lunch, 之後就上左cyber cafe 打左陣機
打完就join 埋七哥同佢女朋友一齊行下影下相食下野咁
到八點左右就去times 等倒數

雖然一開始都好悶, 但係之後有edison, joey, kelly, 千嬅, 方力申, bobo, 陳司翰, 都幾好睇丫~

最後倒數.......3, 2, 1......
2002年黎左喇.....
希望會心想事成
樣樣都順順利利
Jenny 會理返我咁就好lu~

倒數完同佢地食埋野咁就返屋企~
企左咁耐好累丫~

12月30日

今日心情指數: 60
今日洗費: ~ 10

今日同屋企人去左工展會, 都無乜野睇無乜野玩既~幾無聊下......

今日同樣係一日好無聊既一日啦
新一年就到喇......希望下年會好運好多啦....唔~

12月29日

今日心情指數: 55
今日洗費: ~ 0

尋晚江振講左個故事比我聽, 我諗通左喇, 個故事如下:

男主角係個好有錢o既人..佢鍾意左個女仔..但係個女仔唔鍾意佢..不過個女仔知道佢好有錢..仲知佢有個夾萬..而個夾萬o既password係個男主角o既一句「我愛你」
個女仔無左要個夾萬d錢..佢就假裝like條個男主角..後來個男主知道左個女仔同佢一齊只係為個password.佢好傷心,不過佢無嬲
佢送左個筆型錄音機俾個女仔.�堶捫�左佢一句「我愛你」叫個女仔去夾萬拎錢
仲同個女仔講:「只要妳開心咩都可以俾妳」

所以.....我都決定, 就算佢真係呃我都好啦~我都鐘意佢既, 咁咪算囉~係咪?yeah~

好似好傻咁呀可?
唔知呀....當自已諗通囉~

今朝起身睇NBA
之後一直都上網囉~

12月28日

今日心情指數: 50
今日洗費: ~ 0

Joey 尋晚我臨訓竟然打比我...
不過我尋晚都好早, 亦都訓到今日成4點先起身

今日淨係o係屋企睇電視同打機囉
無乜特別.......唔~

12月27日

今日心情指數: 40
今日洗費: ~ 80

今朝比七哥Morning Call 去唱k lunch
尋晚已經夜訓, 累到死...
約人12點半自已又遲到
而最後既結果都係K Lunch 滿哂, 無得唱.....

之後都係去食下野打下機, 又去左cyber cafe 睇漫畫同打機囉
後來七哥又要返工華哥又要搵女
我同江振就上左何文田打波
好鬼累...尋晚又唔夠訓, 打波就更累
散哂咁滯

始終都係繼續諗緊o個單野
到依家都諗唔通

Joey 今日生日, 但係佢無搵我出去囉
我亦都無主動打比佢問佢去邊...
回想起上年今日就係我開始鐘意Joey 之時
不知不覺都已經一年.....
呢一年間大大少少都發生左好多事
31日既日記我會寫返上年大概發生D咩事

Joey 生日快樂~

12月26日

今日心情指數: 35
今日洗費: ~ 60

今朝一早要返馬會, 好累囉...不過有得搵錢, 都算好既~
放工返黎都夜晚, 食完飯睇電視都無乜野搞

本來好累想早訓, 但係Joey 生日所以想到12點打電話比佢
點知就咁岩個人繼續同我講Jenny D 野, 搞到我四點幾五點先有得訓
其實我都唔知信唔信佢好.....
佢又鐘意佢既.....我真係唔知.....好煩, 好似個個都唔可信咁.......唉~
以佢咁講, Jenny 覺得我好多缺點囉.....唉~

睇返原來呢件事都係發生左兩日
但係點解我覺得好似好耐好耐咁呢?
定係我呢兩日係諗得太多野?

我都想比個機會自已休息下......但.......唔知喇~

PS: 我既經常比人誤會既, 同埋我自已既自辯:

1)花心
講真我一D都唔覺得自已花心喎, 起碼我唔係咁容易鐘意人囉
說真的我鐘意既女仔有幾多丫?
我自已數都數得出黎
最鐘意既咪Joey 囉..
之後都到Jenny 喇, 你話, 我可以有幾花心?
係, 我認我平時會口花花成日同D女仔講笑, 都係為左�晉\地開心之嘛
亦係, 我成日叫人介紹靚女既朋友比我識, 咁識多D朋友都唔係為媾架啦, 只不過去識之嘛.....

2)無上進
D人覺得我無上進, 大部份都係因為認為我讀到書既又唔去讀大學
我唔知佢地咩諗法....唔通讀大學就係有上進?
好多人入大學都唔知自已為乜啦
我自已就有個目標, 我真係想入TVB藝訓班
咁呢D唔算上進?
不斷向自已目標進法呢D唔係叫上進咩?

3)幼稚
可能我外表比較細個, 所以好多人都以為我細路仔, 會覺得我比同年紀既人幼稚
但我其實唔係咁架喎, 我個人認為自已都算識諗, 有好多時好多人都搵我解決問題
甚至好多時我爸我媽都搵我傾佢地既問題, 唔通咁都幼稚?
有時我的確會講D低能野做D白痴野
但呢D我好多部份原因都係想令個氣氛好D, 令其他人會開心D, 咁都唔得?

4)以為自已靚仔
講真, 我又唔係真係覺得自已好好囉, 只不過我會覺得自已唔差
江振今日講, 可能我好貪靚, 所以D人咪會覺得我認為自已好靚仔囉
貪靚我認既, 好多人都貪靚架啦?
我就覺得貪靚同以為自已好靚仔無乜關係囉.......

5)串同cool
呢d 要睇下對咩人, 如果我成日都好串好cool 咁對你, 你要自已諗下點解
可能我對我鐘意既女仔會cool D, 係我有時唔知講乜好
我唔係想扮cool架......所以.....如果JOEY 睇到既話, 我想講聲對唔住
我唔係特登唔出聲搞到妳覺得我好唔開心咁...
我都係好識去面對妳囉.....

6)神經質
可能我有時喜怒變化會大D
亦因為好多時我太執著想知道某D野
我都唔鐘意收收埋埋, 我會乜都表現哂o係我既語氣同我個樣度
我會乜都拿出黎講, 有咩想知我會用盡方法去得到個答案
呢D我諗都係令人話我神經質既原因囉.....

12月25日

今日心情指數: 45
今日洗費: 0

今日都訓到成三點幾先起身
因為Joey 個電話嘈醒我想叫我今晚出去玩
不過因為聽日要返工, 又無錢, 所以我都決定唔去

想知多D 關於Jenny 件事, 但始終都仲未可以
佢今次連敷洐都唔想敷洐咁....

我好希望可以查個水落石出
究竟佢地四個人之間既關係, 目的同動機係乜?

點解係要搞著我黎玩?

12月24日(平安夜)

今日心情指數: 30
今日洗費: ~200

今日知道左d 唔知應唔應該知既野, 亦都唔知呢d 係真定係假(好矛盾呢?)
就係原來Jenny 係玩我架囉.....
我都唔知點解自已咁多人玩
乜我好好玩咩?
都唔係第一次......有好幾個人都玩弄過我感情
我突然間發覺原來Joey 真係好好
佢唔鐘意我都拿個真心出黎想同我做朋友
我一定會好好珍惜呢個朋友.....

知道左o個個消息之後勁無奈勁唔開心
Iris 打比我搵我去睇戲我都講左一句就收左佢線
不過之後我都打返電話比佢
亦都同佢出左去睇2002~好好睇~
霆鋒真係好型囉, 如果我可以好似佢咁你話幾好呢?

夜晚就出左去尖咀
咁岩撞到Philhp , 佢話我知Joey o係文化中心賣野
於是我地就不繼咁搵左佢好多次
可惜都係搵唔到佢地囉

再夜D 強哥同華哥都要陪女
我同Penny 就去左Cyber Cafe 打機
打到三點幾就返屋企lu~

今期Yes 我D 相影得幾靚丫~好滿意~

林思欣同劉明慧又打電話比我
唔知佢地又有咩陰謀......

銀包D 錢又無喇......
唔通我真係黑住D 錢, D 錢一入我銀包就要洗於非命?

12月23日

訓到都差唔多點幾先起身
同華哥同江振佢地去左飲茶
飲完都係上返佢屋企打機

好無聊咁打完又返屋企食飯, 咁就一日lu~

聽日就平安夜, 唔知可以去邊呢??

12月22日

今朝起身睇左NBA 睇到十一點之後, 就訓訓訓到成七點先起身食飯
食完飯就出左去尖沙咀話睇燈飾喎
但結果都係無睇到

之後就左去cyber cafe
好無聊咁o係度玩ICQ 同玩R6
ICQ Jenny 又勁敷洐我咁囉, 同江振傾都唔理下我......點解要咁呢?

夜晚好唔想返屋企於是去左華哥屋企訓lu~

12月21日

今日去左TVB 面試啦, 睇黎都係無乜機.......咁多人...

尋晚send 左個電話msg 比Jenny
估唔到佢會覆返我囉......呵~

12月20日

今日同神仙補祝生日, 點知Joey 無到囉, 好無奈
只係後來落酒吧佢先黎.....我又要早走喎
見得佢一陣......>.<

好掛住佢......
不過好彩都有同佢影左張相, hehe~

就黎無哂錢喇.........點算???

12月19日

今日收到TVB 寄比我既信丫, 藝訓班叫我星期五去面試......好開心~~~

夜晚同七哥強哥嘉豪佢地去打邊爐
其實有佢地一班好朋友真係好難得
無一齊讀書都已經咁多年, 仲係咁好朋友
第時出黎做野放工有時出黎食下飯吹下水咁都好......
起碼好多人都可能無真心既朋友, 我都算幾好啦~

12月18日

今日去海洋公園影相.......好凍好凍呀~~~~~
又落雨喎...真係凍到呢..~

記得上次去海洋公園都係農歷新年同Joey去
今日影相同Toby好似好恩愛咁
但如果係同Joey 真係咁就好喇.....

可惜丫.....

12月17日

唉, AMI 仲未出糧丫, 窮死喇!!
今日出左去睇千與千尋, 好耐未試過o係戲院睇卡通片喇, 哈哈~

今日成日都o係度諗, 聽日神仙生日Joey 會唔會搵我呢?
結果佢真係搵我星期四出去食飯......
雖然係好窮, 不過都要去架啦~

Jenny 呢排心情好似幾好咁
問佢點解之前唔理我, 原來係因為話心情唔好喎......哈
咁希望佢以後心情都咁好會同我傾啦~

聽日去海洋公園影相.........嗯~

12月16日

今日成日都無乜做過野添..
咪又係打下機上下網咁......都幾無聊~~

12月15日

尋晚為左畫jenny 個guestbook 到成四點先訓丫

今日夜晚去左姑姐屋企打邊爐囉~
返到黎竟然jenny 同我o係icq 可以傾咁耐咁多野
好耐未試過.......

12月14日

夜晚同左佢地去觀塘打波吹水, 幾開心丫.....

果然如我所料啦, 佢唔會同我睇演唱會.......唉~

12月13日

凍左好多呀今日, 不過凍唔凍我都係無女朋友比我攬架啦
江振一早打比我叫我去唱k
就同左佢出去唱k lunch 囉......
之後打左陣機就去灣仔影相
本來以為佢會出糧比我架, 點知只係出........一次咁大把, 唉~

今日我化左妝又幾靚仔喎, 哈哈

Gigi 演唱會加場呀......好想約佢地去睇
不過佢地都實唔去架啦...........唉!!!!!!!

12月12日

今日返馬會丫.....無乜特別
不過一定返工一直好肚餓~

12月11日

好耐無唱過k 喇, 今日終於同七哥去左唱k......yeah~

12月10日

心情繼續唔係咁好...........唔.

12月9日

今日心情唔好.....
感覺人生好空虛......唉~

12月8日

好累呀, 今朝要一早起身返工喎
勁眼訓勁頭痛!

放工之後就走�鬙h華哥屋企食晚飯, 之後出去同celia sandy 等一干人等飲野

唔知係我好彩定唔好彩
�鶖伈�諗過呢個問題
點解d 人失戀呀, 有咩秘密呀, 都會搵我講架喎
(註:我都唔算係好守得秘密, 當然d 重要野唔會講出去)

試過好多次d 人打電話比我o係個電話度喊, 我真係唔係好識講乜好架
又怕自已講錯野令人更唔開心喎
又怕敷洐佢得失左個朋友

好彩今晚阿ivy 姐都算識諗, 一陣間就無事.....
好似上次cherry 咁就死, 真係成晚唔洗訓囉.....

比我就唔會打電話o係度喊喇
自已一個閉門喊完哂先算啦......無謂哭於人前嘛~

12月7日

今日去左睇拳神, Gigi 好靚女呀!!

夜晚同老鼠同七哥出�鬙h吹水
講�鬫n多話題啦
聽七哥講都覺得佢幾慘既.....

當真有又煩無又煩
不過就黎聖誕, 真係想搵個女陪下自已囉......

又或者今年聖誕又同Joey 佢地出去?

講真, 唔知點解依家我好似唔係好敢去接近Joey
或者係因為大家耐無搵少見��
我唔清楚佢生活圈子

又或者.......

唉, 唔知喇~

12月6日

今日比我逃工一日......唔返AMI , yeah~

不過好激氣囉, 再次見返佢比佢激親
個個女仔都係咁, 鐘意順口開河之後講過唔算反口........

12月5日

好累丫......又要返馬會....好累好累~

12月4日

無無聊聊咁又一日囉
不過AIM 又開始打新job 又係難打左...唉~

馬會終於出左糧, 不過得o個少少錢, 都唔知夠邊度.....唉~

12月3日

抖左咁多日今日終於要再返工啦~
返工勁好運喎, 好快就打到成5份, yeah~

呢排開始又識左好多新既女仔
點解次次既周期都係咁?
一係就無, 一係就幾個咁.....

不過次次都無好野次次最後都搞到唔開心囉~
究竟今次係好事定壞事?

唔理喇, 第時既野第時先算!

12月2日

都無乜特別事發生, 繼續休養

12月1日

今日病到就黎死囉
起身同馬會請左假, 之後成日都o係屋企休養~

11月30日

終於可以休息返一日喇
起身無耐就去左強哥屋企
之後同佢走左去打波啦
打完波就走出旺角度傾計

我都諗清楚架喇, 無謂再浪費時間精神o係d 唔鐘意我既女仔身上啦.......
不過好難做得到既.......唉~

11月29日

今日都係仲病緊囉, 又係要返工
好彩都算做到三份, 算係咁啦~

11月28日

今日病病地添, 但仲要返馬會囉, 好辛苦
好彩都有返d 收鑊, 以平價入到精神食糧, 呵~

11月27日

今日AMI 打新job, 難打左囉, 好長囉......成半個鐘先做得完一份, 今日又係做得兩份

唉~

11月26日

起身就同爸媽去�鰶摩飌�, 之後都係要返AMI, 不過打左兩份就完左份job 收工
同Eric 食野打機

夜晚見到Joey 上網
同佢傾�魖漭y佢就訓覺
之後我自已睇返history, 由佢岩岩add 我開始睇到尾
越睇真係好想好想喊, 雖然無真係喊出黎, 但係都已經眼濕濕囉

睇返history 原來係上年11月尾, 我只係無聊咁叫佢介紹女仔比我識
跟住佢話介紹自已比我識喎, 咁咪約左佢去街囉
估唔到就係呢一句開始, 我開始同佢熟左, 亦開始鐘意左佢................

睇到有一句, 我真係好想喊 :
我覺得如果你真係鐘意左我,只係一時感覺......而無特別意思

可能o個一刻的確係咁, 但係我依家可以好肯定咁講一句
我真係好鐘意佢........好鐘意好鐘意......

11月25日

無出過街無乜事發生過~

11月24日

好眼訓啦, 起身食完飯都差唔到要返工
返工仲要遲到添~
上半日做得兩份
好彩做完dinner 之後努力咁做到5份, 都總算無白費時間

藝訓班又招生喇
我都快d 要影d 相寄去, 希望佢收我啦!

11月23日

尋晚發�鱄蚢琝r, 係講話我�雁蜀�, 之後撞�彏{, 得我一個人生還, 然後我自已返香港
好多人訪問我點逃生.......哈哈

都係返AMI 啦, 今日仲衰, 做得�鶪T份
不過對比起我附近�鶢潃茩馴晡G都算好�豲漊

夜晚放工就同江振出�鬙h打機食�炩��洇j水
等到嘉豪哥好大牌咁要等到12點半先肯出黎
後來去�躗yber cafe 打機啦

走�鶖扦雃磾礸�171撘小巴
點知過到香港仔又無車撘返�遽{
於是就要自已慢慢行囉.....

四點幾返到就訓�鑇u~

11月22日

今日都無乜做�炾給L啦, 係返AMI, 不過做得�鶗|份, 得百幾蚊, 唉~

返工之前�飆imes 見到謝霆鋒......好多好多人......

11月21日

今日返馬會啦, 好累.......唉

見到有人講起唔見哂D e-mail 好慘
我就諗返起我唔見哂之前同jenny 傾計�髇 icq db 呀.....唉
我平時都有backup 架嘛, 但係�鶢潃茪諵S要返工又忙選校草喎, 咪無backup 到囉
點知竟然死左.....
就係同佢傾得最多最多好多開心���鶢潃茪賵N乜都無哂
仲記得�鶖氻@路同佢傾電話一路玩icq
因為佢話要破同我傾得最多�黻O錄嘛
對比起依家...........唉~

再諗返起, 其實都有少少後悔以前無寫日記��
好多�洏H為自已實會記得
但係原來時間日子慢慢咁過去, 好多�炴N只係有個印象�鰜�
其他�鼤虒`內容就乜都唔記得lu~

真係好掛住好掛住以前同佢地咁開心�鴾擗l丫........

11月20日

今日起身都成12點幾, 打左陣機同小妹妹講�鱁}電話, 之後就食冕同睇返尋晚�鼢M秦記
之後又繼續打機直至6點返工囉!

今日返AIM 都算唔錯
一個鐘都做到兩份問卷
睇黎香港都有唔少好人喎~

希望聽日可以做多D搵多D錢錢啦~

11月19日

今日搵��Eric 出去食冕, 之後就去�魖�AIM 電話訪問員, 仲train 埋添
聽日就開始返工喇
睇黎應該唔易做囉, 一份問卷都唔短下架, 我覺得好難搵到人答架喎
不過聽日先算!

話就話想唔睬佢, 始終咪又係搵返佢傾, 又比佢敷衍過囉............

11月18日

尋晚去�戃賑y星雨, 係去西貢海灣酒店�鶩茖F灘仔度睇
去到西貢, 就令我諗返起上一次同一個我最心愛既女仔去過o個度游水, BBQ, 仲�鶳W酒店住�髐@晚
雖然唔係只係我地兩個去, 但係已經足以令我好難忘

特別係o係o個個沙灘之上
o個晚見到佢同其他人玩得好開心, 而我自已見到佢, 有好多好多野想同佢講
但係都講唔出口, 於是我自已一個走落去個沙灘度, 望住個海, 望住天上既星星

突然間, 佢企���鬺盚j離, 望住我
而我, 將個頭拎向右手面, 眼向下同佢四目交頭�髐T至五秒
我唔敢再繼續望落去, 就問佢一聲:「做咩呀?」佢笑一笑, 搖搖頭話:「無呀!」

於是我就唔再望佢, 繼續望個海
我同佢大家都一直無郁咁企�鰣茖F灘度, 我唔知佢�齔蠸u望邊度, 更加唔知佢心入面諗乜��

我諗�鼢N只係一樣�� -- 究竟我仲係咪鐘意佢呢?
答案我諗係肯定��

大約一分鐘之後, 我就好似好瀟灑咁向左手邊行, 行到個沙灘�嚘劦Y, 坐低
而佢, 就叫�魖銗L既朋友落��, 佢地就HeHeHaHa 咁o係個沙灘度玩
我就一個人坐�鰜蚼僩�, 望住佢地�鰜蛌�

當其時我真係好想好想攬住佢, 同佢講聲我真係好鐘意佢
但係我無咁既勇氣, 我做唔到

尋晚再重臨舊地, 又令我再次諗返起呢件事........

11月17日

今日又比人敷洐黎囉, 勁無奈
等我試下唔睬佢一頭半個月睇下點先!

走左去睇所謂既流星雨, 都無既~不過見左一兩粒都算啦
希望個願望會實現啦~

11月16日

其實唔知點解每次知道佢唔開心, 我就都會唔開心, 好想佢開心返
但當知道佢開心既時候, 我就更加唔開心..........唔講喇

做過d 乜?
今日夜晚出左去同嘉豪同強哥吹水, 不過好早返啦~

11月15日

我可能就快會返工lu~
去我二叔間disco 度做個waiter 或者水吧掛

不過到時先算啦~

11月14日

嘩~今日好凍好凍喎~
真係唔願起身呀! 好彩返馬會都會返5點幾

冬天又黎喇, 真係好想有個女朋友可以拖下手, 溫暖下
可惜丫, 唔知過左個冬天都有無咁既機會!

11月12日

今日出左去尖咀金星同強哥同嘉豪佢地試KOF 2001
感覺都唔既, 不過以我呢d 窮人短期內都唔會練得熟架喇
都係o係屋企net play kof2000 算數!

11月9日

有人問我點解幾日都唔寫日記......
因為我實在係太無聊
又無錢出街喎, 咁就淨係o係屋企打機睇電視講電話.......都真係好悶囉~

11月6日

今日要返馬會, 好累好累.....
有kof2000 玩lu, yeah~

11月5日

今日夜晚出左去同kevin 補祝生日, 之後就同penny , partick, celia 同埋sandy o係度玩個講心事問問題遊戲(可惜遊戲內容不能公開), 今日幾開心, 嗯~

11月4日

好似無乜做過野喎.......唔記得lu~

11月3日

今日去同yes o係前衛影相喎, 唉, 不過真係唔好啦今日
首先去到就發覺比人老點左, 叫我兩點去, 原來係四點半先開始影
o係度睇d 人唱歌睇幾個鐘.......

到真正影喇, 又比人話我唔掂喎, 又話我笑得唔自然什麼什麼........唉

11月2日

今日又好無乜做過野喎...

食晚飯時又比屋企人煩完, 都廢事同佢地嘈, 於是走左出去同penny 及kevin 打機吹水

又過一日

11月1日

昏睡左成16個鐘, 5點幾先起身
淨係成日睇電視打機icq

諗諗下其實今次都唔知算唔算拍過拖添
如果要我決定既我會話未囉
不過算啦, 都過去左

如果算既都係得12日時間, 呵........不過都係決定唔算

所以都係要繼續搵我既初戀女友, 呵呵呵~

10月31日

今朝睇左jordan 同kobe 打波喎, 勁累, 之後又要返馬會
放工返黎都唔想郁喇, 訓覺先......

10月30日

今日分左手lu.....

無野好講

10月29日（19歲喇）

今朝一早就媽咪叫醒左我去拜神，途中我買左張六合彩（希望中啦）
之後出左旺角同Penny及Kevin 打機
到五點半左右，我諗住打比阿蚊問佢去邊
點知佢話佢�鬗j埔行街，要我等佢等到七點左右先得
後來入左沙田等佢，都要等到七點幾（破左我等人紀錄）
不過算啦，最唔開心既係，佢竟然只係陪我食餐飯，就話約左其他人去尖沙咀睇戲！
嘩，本來話出旺角都話遠唔想出喎，人地一叫佢出尖咀就即刻去，咁即係點先？
我等既時間加埋撘車仲可以多過見面既時間囉
我唔係要求Ｄ咩，不過咁樣會唔會過份左呢？

我又唔想開聲話佢，更加無可能出聲留住佢耐Ｄ
我咪唔講野一直陪佢撘車去到尖沙咀囉
我唔知佢點諗，亦唔知佢知唔知我諗乜

撘到去金鐘後，我打返電話比Send Msg 比我既人
之後就上左去海怡搵佢傾左陣計，返到屋企打左陣機（三國志八玩唔到！！！）睇埋電視就訓Lu~

10月28日

今日成日都o係屋企打完R6，打到四點幾五點，Joey 打黎問我想今日出定聽日出喎
我話今日好Ｄ啦，原來佢係同ERIC講話我會聽邊個話多Ｄ
Joey 就係想今日出既，咁咪今日出囉
本來約左八點，點知就等到佢八點四十分先黎到
出黎既有Idy，神仙，盧文啦，Eric 就後來先黎
我地去左澳門茶餐廳食飯後，就走左去唱ｋ
好開心啦，原本只係諗住同佢食餐食，結果可以見多佢幾個鐘去唱ｋ既
到岩岩十二點正，阿蚊就打左個電話黎同我講生日快樂
呢個都係我預料之外，雖然我之前都想佢會打個電話黎，但我估佢唔會打
點知佢打左啦，o個時都幾開心架
後來一直唱到三點左右就各自歸家
我岩岩返到屋企，Joey 就打電話黎
我本來想同佢講好多謝佢今日陪我，但我始終都無講到
希望下年仲有咁既機會啦！

10月27日

今日再開始寫呢個公開日記比大家睇啦~

尋晚去左尖東海傍飲酒，同班朋友傾左好多事
原來發覺，呢幾個月黎都發生左好多事
唔開心既竟然佔大多數
好彩有班好朋友啦，我都諗通左喇
希望過兩日我生日會開開心心啦！

今朝就10點幾Joey打電話黎嘈醒左我，只係訓得３個幾鐘咋，慘∼
三點幾鐘就出左去同佢買衫
唔經唔覺都成３個月無見過佢，今次再見返佢，我都真係唔係好識佢面對佢囉
結果又一次比佢話我Cool 啦∼
不過我又唔係特登話扮Cool 既，事實上我係唔知同佢講乜好
我諗左好耐好耐，怕左好耐先敢約佢過兩日（我生日）出去食飯
雖然我好想只係同佢一個食餐飯，但我知無可能啦
果然如我所料，佢話佢約人出去
不過都好既，起碼佢抽時間出去丫
希望到時會開心啦！

4月29日

由於尋晚(定係今朝？)睇NBA，今日三點先起身，一直上網上到六點，呵∼途中又見到佢，不過佢又係唔理我，唉∼！

4月28日

兩點鐘先起身．無出過街，成日都留o係屋企，上網見到佢，但係佢又唔理我，好心痛好心淡，唉，都唔知自已衰乜，好無奈囉！
咁既然佢唔理我，我上網都無謂啦，就Offline，又訓覺，五點訓到九點，起身食飯，食完就無無謂謂咁睇左陣電視，好似做咩<<野獸刑警>>，之後就返左房上網，到點幾鐘啦，就寫左陣小說，再打陣機，三點就出去睇NBA，小牛對爵士，睇完就訓lu~