Hello :o), Ghal dawn il-ftit hargiet li jmiss (probabbli 3) sa naqbad t-tema ta' vokazzjoni u nmiss xi punti li jidhruli mportanti ghall-hajjet kull bniedem.

 

 

Din il-kelma twila xi tfisser? Il-vokazzjoni ta' persuna hija dik ix-"xi ħaġa", dak l-istil ta' ħajja, li permezz tagħha persuna tħossa kuntenta f'ħajjitha. Jiġifieri kull persuna li tgħix kuntenta u fil-paċi magħha nnifisa sabet il-vokazzjoni tagħha, u jekk INT trid li tkun kuntent f'ħajtek, għandek tipprova tara l-vokazzjoni tiegħek x'inhi.

 

Kienet it-tema ta' ħajti b'mod speċjali matul dawn l-aħħar xhur, pero` l-importanza ta' din it-tema tixduha intom stess. Kull ma trid tħares ftit madwarek u tara nies ifitxu. U jfitxu għalfejn? Għax għadhom ma sabux! U x’qed ifittxu? Ħafna ma jafux; u anqas jien! Allura kif sa tinduna li tkun sibt dak li tixtieq jekk ma tafx x’qed tfittex? Ma nafx eżatt, iżda għandi ‘gut feeling’ li la nsib dak li nixtieq ninduna.

          Nimmaġinani f’librerija qed infittex ktieb. Ma nafx x’inhu dan il-ktieb, pero` għandi ‘gut feeling’ li meta nkun sibtu ngħid ‘Iva, dan hu!’. S’issa, bħal ħafna minnkom, għadni ma sibtx dak li nixtieq, u għalhekk għadni nfittex...

U fejn sa nfittex?
          Fuq kollox għandek tfittex fik innifsek. Għandek issaqsi l-mistoqsija "Jien min jien?". X’talenti għandi? Liema stil ta’ ħajja l-iktar jogħġobi? X’ħolm għandi? L-ewwel ħaġa li trid tagħmel biex tagħraf il-vokazzjoni tiegħek hi li ssir taf lilek innifsek minn ġewwa (sew). Għal min irid hawn ftit mistoqsijiet biex jgħinukom taħsbu:

1. X’valuri jolqtuk f’dawn ir-rwoli? (Għalliem/a, tabib/a, nurse, counsellors, qassis, youth workers, eċċ) Liema valuri huma mportanti għalik?
2. X’ħolm għandek? Kemm lest li tirriskja biex tagħmel dan il-ħolm tiegħek realta?
3. Kif tista tasal għal dan il-ħolm tiegħek bit-talenti li għandek? X’talenti għandek?
4. X’għenek tiskopri dawn it-talenti li hemm fik? Jew kif tista tiskopri t-talenti li hemm fik?

          Biex issir taf min int trid tfittex barra minnek u tesperjenza l-ħajja. Kif tista` tiddeċiedi jekk taf naħa waħda biss? Għalhekk hemm bżonn li tiltaqa` man-nies u tagħmel esperjenzi differenti. Kunu dinamiċi bħal ma hi n-natura. In-natura tista` tgħallimna ħafna affarijiet, wara kollox aħna parti minna ukoll! It-talenti u l-ħolm li għandek jistgħu jagħtuk ħjiel tal-vokazzjoni tiegħek, agħti kashom! F’liema ambjent l-iktar li tħossok komda?

          Jekk qed tfittex imma tħoss li l-vojt għadu hemm jew anka forsi qed jikber, mela għandek bżonn re-focusing (terga tiffoka ftit). Is-suġġeriment tiegħi hu li tinqata` ftit minn dak l-ambjent u tfittex x’imkien ieħor. U fejn sa tiffoka? fejn sa tfittex?...fejn ghandek ma fittixtx!