Minn din il-harga bdejt sistema gdida ta' tqassim u ppruvajt nilhaq bilanc bejn semplicita` u profondita` biex nilhaq iz-zewg tipi ta' qarrejja. Ghalhekk, filwaqt li t-test sa jinzamm semplici kemm jista jkun, hsibijiet li japprofondixxu jew jiccaraw dak li jkun qed jinghad tistghu taqrawhom billi zzommu l-mouse pointer ghal ftit sekondi fuq il-lapes Il-lapes jimmarka test ta' zjieda jew test bi sfond griz.
 
(part 3 of 3)

Minorità

B’liema mod kien minuri Ġesù?

Ġesù li kien Alla qatt ma fittex li jkun daqs Alla iżda libes il-libsa ta’ bniedem biex ikun bħall-bniedem. B’ħajtu għex il-ġest tal-ħasil tar-riġlejn u jsib il-konferma tiegħu fi kliemu stess: "Jekk xi ħadd irid ikun l-ewwel wieħed, għandu joqgħod wara kulħadd u jkun qaddej ta’ kulħadd" Mk 9:35. Kien jagħmilha mal-prostituti, sajjieda, bdiewa, għorrief, rumani…kull min ried jiltaqà miegħu u qatt u bl-ebda mod ma impona ruħu fuq xi ħadd. Qatt ma fittex li jkun superjuri, tant li meta għaraf li riedu jagħmluh sultan, warrab minn ħdejhom

L-ironija tal-ħajja...

Is-soċjetà tinkoraġġixxi lil min jagħmel karriera u tħeġġeġ biex kulħadd jagħti s-sehem tiegħu fis-soċjetà "Ħadd mhu għar-rimi, kulħadd huwa bżonjuż". Dan tagħmlu għax tfittex li tissaħħaħ hi. Mad-daqqa t’għajn jidher li jagħmel sens…iżda jmur kontra l-ispirtu tal-minorità…mela x’inhi l-verità biex issaħħah is-soċjetà?.

Bi ftit riflessjoni tagħrfu li s-soċjetà qed tkisser lilha nnifisha b’din il-mentalità. Fil-fatt hekk qed jiġri, u hekk jiġri lil min ifittex l-interessi tiegħu, ikisser lil ta’ madwaru biex jistagħna hu iżda mbagħad jitkisser hu minħabba li jkun għarraq l-ambjent li jgħix fih ħarsu lejn l-ambejnt, sfruttajnih biex ‘iggwadanjajna’...issa fl-aħħar qed nindunaw li fil-fatt huwa aħna li qed inbagħtu!. Dan huwa l-effett ta’ l-egoiżmu, li inti tnaqqas lil ħaddieħor biex tikber int. Fl-aħħar mill-aħħar l-egoiżmu jispiċċa jkisser lil min hu egoist stess! L-egoiżmu fil-bniedem jiżdied b’mod mgħaġġel għax il-bniedem jibda jitkisser minn ġewwa u dejjem ifittex li jerġa jimtela bħal Lord Voldemort f’Harry Potter and the philosopher’s stone li jibda jgħix fuq id-demm ta’ l-unikorni, itawwal ħajtu bi drieh wieħed iżda iktar ma jixrob, iktar ikollu bżonnu.

Iktar ma bniedem jiġbed lejh jibda jitlef il-kapaċità li jibni relazzjonijiet sodi man-nies li jgħixu miegħu. Il-bniedem soċjali jgħib u jispiċċa waħdu, f’dinja għalih...Imma kulħadd jaqbel li “no man is an island”. U hawn niġu għall-verità…“Jekk xi ħadd irid ikun l-ewwel wieħed, għandu joqgħod wara kulħadd u jkun qaddej ta’ kulħadd” Mk 9:35.

Kristu huwa tassew it-triq il-verità u l-ħajja