Jharna

Ahmed Qasim's latest Urdu poetry book Jharna is now available with us. Following is a selection of some ghazals from Jharna.

Mile jo zeest maiN do pal khooshi ke
Ata karda haiN Qasim yeh usi ke

Nah kar aah o faghaN khamosh hoja
NaheeN rone se ghut te gham kisi ke

NashaH ik mai ka hai, ik zindigi ka
Woh pee key must haiN hum jee ke

ApnooN se bateN karta hoN
GhairooN se bateN karta hoN

Dhoke maiN tere na jane maiN
KitnooN se bateN karta hoN

Chup Chup hooN us but ke age
AuroN se bateN karta hoN

Ati hai teri yad agar
PhooloN se bateN karta hoN

Jab teri aNkheN yad aiN
JheeloN se bateN karta hoN

Kehne ko pas naheeN kuch bhee
LogoN se bateN karta hoN

Jab khana ho ik zakham naya
ApnoN se bateN karta hoN

Ho pass na gar too chand mere
KirnoN se bateN karta hoN

Jab bhi JaoN kohsaroN par
JharnoN se bateN karta hoN

Ghir kar toofanoN maiN Qasim
MaujoN se bateN karta hoN

Tobah jo kar rahe haiN kisi ki wafa se ham
Shaiad ke ashna naheeN joro jafa se ham

Wuh shaks mangta hai dua ghair ke leye
Lekin usi ko mang rahe haiN khuda se ham

Hai dard ka ilaj usi chara gar ke pas
Acche na ho skaiN ge kisi ki dwa se ham

Phaila rahe haiN hath sitam gar ke samne
Phir kyooN na ham kaheN ke haiN behter gada se ham

Aisa dara dya hai muhabbat ke khail ne
Bacch ke rahaiN ge ainda aisi bala se ham

Zeest se aiyse dar raha hoN maiN
Jee raha hoN na mar raha hoN maiN

Bat puNhche gi phir jawani tak
Kufar ka ziker kar raha hoN maiN

Tum urate ho khak kyoN meri
Khud azal se bikhar raha hoN maiN

Jan jati hai jan jane do
aa bhi jao ke mar raha hoN maiN

AaNkh tujh se mili to yoN jana
Jheel dul maiN utar raha hoN maiN

Too tasavar maiN hai to phir Qasim
Jan se kyoN guzar rha hoN maiN

Click to go home.