SAAM 91

Chransliet frahn di Baibl, King Jiems Verjan
by Larans Chang, 1999

  1. Im we tan iina di siicrit plies a di Muos Ai wi lib aanda di sheda a di Almaiti.
  2. Mi wi se bout di Laad, Im a mi refiuj ahn mi faachris, mi Gad, mi wi chos iina Im.
  3. Fi sertn Ihn wi kip yu frahn di calaban, ahn frahn di naizi pestilens.
  4. Ihn wi kiba yu wid Ihn fedadem, ahn aanda Ihn wingdem yu wi chos. Ihn chuut a go bi yu shiil ahn bokla.
  5. Yu naa fried fi di tera bai nait; naar fi di haro we flai bai die;
  6. Naar fi di pestilens we waak iina daaknis; naar fi di dischokshan we com a migl die.
  7. Wan touzan wi jrap a yu said, ahn ten touzan pahn yu rait an, bot i naa kech yu.
  8. Ongl wid yu yaidem yu wi nuotis ahn si di riwaad a di wikid.
  9. Far bicaazn yu tek di Laad, we a mi refiuj, iibn di Muos Ai, fi yu yaad.
  10. No hiivl kiaahn kech yu, niida heni plieg com nier yu yaad.
  11. Far Ihn wi put Ihn ienjeldem in chaaj uoba yu, fi si yu chruu aal di wie.
  12. Dehn wi lif yu op iina dehn andem, enda yu frahn likop likop yu fut gens raktuon.
  13. Yu wi tep pan di laian ahn di galawas: di yong laian ahn di jragan yu wi mash wid yu fut.
  14. Bicaazn ihn set ihn lub pahn Mi, Mi wi sieb im: Mi wi set im op ai, far ihn nuo Mi niem.
  15. Ihn wi caal Mi ahn Mi wi hansa: Mi wi de wid im iina chobl; Mi wi sieb im ahn ana im.
  16. Mi wi satisfai im wid lang laif ahn shuo im Mi salvieshan.

© 1999 nitaino@oocities.com