阿
K
Cherry
Cooby
大
Nat
Carol
Mavis
Lavin
阿筑
阿剛
阿葵
阿
峰
阿
俊
Free Web Counter
MC Goal 峰 我地既努力係冇白費駕 ~~~~~~~~~~~~~~~~~~~~~~~~~~~~~~~~~~~~~~~~~~~~~~ MC Goal J 我雖然忙，但我很快樂！ ~~~~~~~~~~~~~~~~~~~~~~~~~~~~~~~~~~~~~~~~~~~~~~ MC Goal Lavin 平反平反平反呀!!! Jay既留言竟然係覺得xanga既我比現實既我純 其實我平時都唔係咁衰姐...... 我心地都唔錯呀..... 真係呀.... Jay... 你應該把握我係xanga寫既野了解我多d啦... 哈哈哈哈 umum.... 首先多謝Jay送給我既文章, 睇完之後我自己都諗左好多野, 我覺得... 愛一個人既時候, 的確係由冇理由開始! 如果因為個個人既某一種條件而去愛, 咁其實又唔算真係愛~ 因為如果當個個人冇左個樣曾經吸引過你既野既時候... 你就會覺得呢個人一d好處都冇~ 不過我覺得... 愛同現實生活始終有關係既~ 我會冇理由地愛上一個人, 但畢竟生活了一段時間之後, 大家都會睇到有唔夾既地方, 大家做事既方式亦都有唔一樣, 因為我地始終係唔同既環境長大, 對人對事既睇法的確會唔同~ 一齊之後... 女仔始終都會比較挑剔, 男生們... 請你地唔好見怪, 無論有幾愛, 我地始終要面對生活, 生活係唔會因為我地偉大既愛而遷就我地.... 只有我地去迎合呢個世界既要求, right? 我覺得... 相愛唔難, 最難係相處... 尤其係同你相愛既人相處. 因為你點樣都會對相愛既人要求高d, 要求高d都係因為希望佢可以做得更好, 希望佢成功! 難道我要care 坐我隔離個個唔識既同學? 定係去鼓勵賣衫俾我既sales, 叫佢努力工作, 要做到supervisor? 我care既... 當然係我身邊自己好愛好愛個位啦. 所以... 我會有好多要求. 可能有時候我既要求過份左... umum... 我會control 下既... ~~~~~~~~~~~~~~~~~~~~~~~~~~~~~~~~~~~~~~~~~~~~~~ MC Goal Cherry 今日突然諗通左好多野...... 令個人變得輕鬆得多...!!每每事後發覺到自己幼稚既一面...係時間要學識點樣去睇一件事.... 好似用唔同角度.....懂得體諒係一件好開心既事........ 明天就是到了完成intern既第5個星期了.......在這數星期中.............每天下了班也是帶在疲勞的身軀，沈重的步伐，矛盾的心情去想來想去．．也許這是一個上天的安排，亦是對我的考驗．．．但現在的我卻有一點兒的迷失．．． ~~~~~~~~~~~~~~~~~~~~~~~~~~~~~~~~~~~~~~~~~~~~~~ MC Goal 阿筑 剛剛睇完由P峰剪製成既MC GOAL片段~~好感動…..睇到我眼濕濕添…..^^”一邊睇, 一邊令我諗番起好多片段~依一年雖然真係好忙, 當中我地亦都為過各活動各持己見, 弄成過彊局, 不過無論發生過咩事, 依D片段都令人好感動~13個人可以一條心為同一個目標, 個種精神, 我諗無論幾時再回味番既時候, 都能感動人心呢~~ 這三年的大學生活, 不經不覺己過了2年, 這段路或許不算什麼難行, 但好像越讀越思路迷亂咁….或許是越來越接近現實的原因吧!!很想努力令自己做得更好, 但偏偏就好像怎也做不好的那樣…..很討厭這樣的感覺….. 究竟是從那時開始, 自信在不知不覺間溜走呢?? ~~~~~~~~~~~~~~~~~~~~~~~~~~~~~~~~~~~~~~~~~~~~~~ MC Goal 阿K K少---係我0係大學最好既朋友 佢係一個好靚仔又醒目既男仔,而且竟然心地善良^^! 冇錯,佢就係我覺得好完美既男仔, 我地係0係迎新營識架, 佢同我同組,都係<反黑組>既<新義安胎>! 第一次見呢個人已經有一種好親切既感覺, 而且佢份人好玩得,唔怕做蝕低既野, 要佢扮女人,帶胸罩跳舞, 佢都得, 佢認為玩既時候,就要投入去玩...呢點係我永遠都比唔上既! 熟左之後,我地好左好多, 但都唔係咁了解大家, 直至到我地決定上莊之後, 佢係一個好有理念既人, 曾經做過學生會既幹事, 處事認真,開會永遠都係第一個到! 同剩係做過社長既我比起上黎, 上莊對我黎講只係我認為係必然要做既事情, 點解要上莊,上莊為乜,我都依家都講唔清!! 上莊期間發生左好多事情, 莊員既友情受到極大既考驗, 期間,我同k少既關係反而一日比一日好, 深厚既感情由此而生... 到後期言少係唯一一個非核心莊員而擁有地位既人, (當然我地成班莊員依家既關係已經好左好多!) K少係一個未定性既人, 每次經過某些事情之後,佢都會有一d新既睇法, 而我就係去肯定同否定佢所謂既最新睇法既最佳人選, 同佢大講人生道理既時候好開心架, 我地互相將我地對事情既見解拎出黎傾, 有陣時會講下莊員既關係,有陣時會講下愛情, 有陣時會講下過去,現在,將來...冇所不談, 友誼發展到呢個地步,我唔認佢做老死都唔得喇^^ o係我缺乏愛情滋潤既呢段時間, k少呢個朋友同我分享, 分擔左大部分既喜與怒,哀與樂 我由衷咁感謝佢...我相信我地黎緊兩年會更加fd^^ 我好高興認識呢個不折不扣的大好人!! (K既回應) 俾晒咁多人一次過知道晒我既野添......我會怕羞架...... 但係呢......其實睇完你寫0既野之後 你知唔知我真係好開心 一生得一知己死而無憾, 開頭我真係冇想像過自己會0係大學度搵到知己架......開頭我地0係細 0 度,我覺得你有點靜，但係玩落又幾玩得喎~同組既男仔都玩得好?，多得細0，我地既感情都開始萌生。 你知唔知呀~0個時未上到莊我地咪成日去美景既! 我覺得0個時真係發生左好多野架......你唔想俾媽知你上莊，所以要早點返屋企。莊員唔體諒，怪你......有一日我地0係間房到織手繩，我、你、好似仲有唔知邊個...我地講話車利子覺得你抽佢水(我而家諗返大笑中) 跟住你好無奈......又有一次我同你同粥0係小巴站吹水，你話當時你咁幫阿粥講野, 佢而家反而唔幫妳......我地一齊剪咭紙，你話我知你做人緟意諗一些方法去令一件事快點做完，哩句話我畢生受用，仲令我覺得你係一個好另既人。 做得朋友，我為你當時既唔開心而唔開心，就好似而家你為我既開心而開心咁......幾好呀! 我而家可以叫你一聲軍師J，你係我傾偈既對象(之一)。0係你身上面我都學到好多野架! 你唔好講到我咁好啦~其實0係我心目中你都係好好架 信我喇! (我既回應) 寫得咁令人感慨!! 人生得一知己死而無憾,呢句不嬲都係我既左右銘! 其實上莊既事情講一個晚上都講唔完, 開心既,唔開心既都已成過去,變成回憶! 慶幸既係我竟可以執到你呢件大好人黎做我朋友! 有賺有賺! ~~~~~~~~~~~~~~~~~~~~~~~~~~~~~~~~~~~~~~~~~~~~~~ MC Goal 葵 別人說我太瘋癲，我笑他人看不穿！
