Dearest My Friends...
以下內容，全屬雲妮o既真心話，無呃你地架！
Michelle
我有個好朋友，叫Michelle，不過我鍾意叫佢個中文名，因為由細叫到大，慣左lu~我同佢係由小學識到依家，大家好小同一班，但係我地o既友誼從未改變．佢係一個好需要人地關心既女仔，我地好o岩傾，以前成日一齊去大家屋企住，有一次，佢去左我屋企訓，果晚大家超驚，驚到訓唔著，以為係７月１４，點知原來唔係；仲有一次，我地一齊食左水泡餅加益力多，夜晚大家一齊嘔，好難忘...到左今日，佢要去第二間中學讀書lu，我地再唔可以一齊食lunch，上PE堂，去sports day，不過，我地一齊玩o既時光，我永遠都唔會忘記...
Hilda
又有一個好朋友，叫Hilda，佢一講野就好難叫佢停架喇，哈哈∼我同佢o岩o岩識果時，發生左個誤會，又因此做左好朋友．佢都係一個同我好o岩傾o岩玩o既人，而且又不拘小節，又係傻下傻下o果種人（跟得我多，邊個唔傻o丫），講Hilda，又點少得佢老公仔虎爪呢？佢地一齊，經歷過不少風風雨雨，我o係度祝福佢地可以長長久久，永遠都咁開心啦！
放榜前o果晚，我去左佢屋企，我知道佢好擔心，但係我又掛住訓wor，sorry! 雖然成績唔係咁理想，不過我知你係貪玩，懶D唶，下年等你好消息o架！唔好令關心你o既我失望呀！
Wah
有一個好朋友，同我一樣咁鍾意畫畫，煮野食，佢就係亞華喇∼同佢由毫不認識，同傾心事又一齊玩，只不過係短短兩年．我地之間好多o野人地唔知，不過大家心照啦！我同佢一齊學畫 (一齊走堂^o^)，去義工，好好好多o野都一齊玩，間中會有誤會，但分開左先知道，大家都係對方o既知己．佢一個人去左Denmark，人生路不熟，我都知好難過，但每次收到佢o既E-mail，我都會好擔心佢，不過我知道佢係一個好堅強o既女仔，好快就會無事o既！因為我對佢有信心！仲有，其實有好多人支持緊佢，亦希望佢可以開開心心咁過呢一年!
Renee
又有一個好朋友，好奇怪，識左佢五年，今年先開始Friend，佢係一個好鍾意打電話，打扮，打排球，打人(哈哈∼）既女仔，好多人追佢o架，不過佢都係一個好專一o既人，對亞ｘ頭仲好好，不過，我覺得佢o既真命天子仲未出現，唔駛心急o既∼我知道你一定搵到個好男人o既！
佢成日同我傾心事，又提醒我好多野，係我一個好o岩o傾既朋友，我地會考果排成日都一齊溫書，去我屋企訓；我果排唔開心，佢又成日陪住我，我係度講一聲{多謝！！}我地仲可以一齊食lunch，去溫書！！記住呀！下年等你好消息呀！我都會加油！唔會成日胡思亂想架喇！
Sandy
仲有一個好朋友叫Sandy, 係我o係 F.5時識既, 以前我地一齊坐 ( 身高相差咁遙遠都可以一齊坐wor~)大家成日掛住睇書唔聽書, 上英文堂又訓覺, 又一齊抄功課 ^~^, 就係咁就好鬼死好玩. 我又成日引佢笑, 但又好夾好岩傾, 真係估唔到佢同我做埋知己, 依家o係 6A仲一齊坐添~ 好在有佢係度, 如果唔係就死lor~佢既思想都幾成熟架, 好多時我唔開心都會搵佢傾, 佢又安慰到我架, 而且比既意見仲好好添~ 我係度希望佢既願望可以成真啦~!
Cherry
有一個好朋友~又係媽咪 ( 究竟點解既? ), 佢同我識左11年喇~! 由小學到中學都讀埋同一間學校,呢一兩年我地先開始熟番, 不過好奇怪, 我一同佢傾開計就自自然咁講心事, 而且我地又o岩channel,同佢傾計好舒服, 但係上次果件事, 唔多唔少都關我事, 希望佢冇嬲我啦~
依家我地又唔同班喇, 但願我地Friendship Forever !!
Ivan
係你喇Ivan! 佢係一個好人黎架, 上次同我一齊搵工,雖然見唔成, 不過都好多謝佢架~! 佢成日打比我,我都唔得閒, sorry ! 不過我知佢真係關心我既, 我一有唔開心就會同佢講,佢又好好心機聽我講架,好好人架~
雖然我地好少見面, 但係我好希望可以同警察哥哥做好朋友啦! 加油呀!一定得既~! 成功左我出黎同你慶祝啦~!! kiSS ? 唔好喇掛 ^^
Fai
佢呢~ 係一個好專一既人黎既, 對女朋友好好架, 我成日叫佢轉移目標都唔會既, 佢又玩得又傾得, 前排我好唔開心, 就係佢陪我講電話架喇. 佢好守得秘密架, 所以有咩都可以同佢傾下.
希望佢快d搵到野讀,搵到女朋友~! 我實支持你架~!
Damon
唔識佢既人以為佢好扮野,識左佢先知原來唔係~
佢又玩得,又傾得,係一個好好人黎架, 又教我彈吉他, 整homepage, 成日同我地班o靚仔去玩, 唔好以為佢淨係識玩, 同佢傾心事好好架, 前排我好亂果時, 係佢成日開解我, 又幫我, 依家我冇事喇~! 多謝晒Damon~!!佢做老師架~ 勁哩~
BEN
em...叫佢幫主啦~ 至於係咩幫派...不便透露喇...
其實佢好好人架, 係我其中一個好朋友既亞哥, 佢讀書好叻架~所以搵到份好工, 我要向佢學下野喇~! 佢又係我其中一個partner,哈哈~ 我好多時都同佢講心事架, 佢又成日笑我, 又叫我koko. 佢好鬼攪笑架, 而且有個拍左拖5年既女朋友, 雖然分隔異地, 但兩個人一條心, 勁羨慕你地啦~! 請飲記得請埋我koko呀~!
Andy
佢以前都係SMS架, 不過佢依家係Canada lu~ 上年返HK.我唔見晒d野呀~! 好hurt ar !!!
佢都好好人架, 會記得我生日寄張生日CARD比我架, 上次又寄朱古力比我食wor~多謝晒~好好味~~佢成日都
-___-" 架, 希望佢開心d啦~!
Monica
大袋~! 哈哈∼ 呢個名係我幫佢改架∼ 佢係 F.4 入黎 SMS 既新生∼我開頭對佢冇咩好感架，佢又以為我好串，但後來愈來愈岩玩，一齊勁好笑，因為大家都白白痴痴，拾下拾下咁~~我地其實住得好近，唔知點解成日都見唔到既~
其實佢都幾好架，專一又好人，貪玩左ｄ唶∼會考果時佢又同我一齊去ｗｏｒ．唔該晒佢姑姐 ^.^
我地一齊好岩傾架，雖然依家唔同學校，但 promise左交換 notes喇∼！ 大家一齊加油啦∼！！
軒 Eddie
佢呢~個樣好細路仔架~不過佢話佢好好人,又玩得,又靚仔wor~ (哈哈~ 佢叫我咁講架) 其實都唔錯既,希望佢比心機D啦! 佢真係幾玩得架,佢ICQ no. 係 69166500 , Add 佢啦~
亞Ken
佢好好人架~!我有唔開心佢好願意聽我講.25/9 要走喇! 好唔捨得你呀!
要比心機d呀~!加油!!!
仲有好多好朋友未介紹架∼ 下回待續~!!