28-2-2001 好，今日，男女子高級組社際羽毛球比賽，黃社兩面輸。---u_u~~ pure math堂時程sir畫的→ ( -_- )
27-2-2001
27號啦，就快三月啦，>_<<<<<~~~~
今日是影全体相的日子。
今日放學有社際羽毛球比賽，只是之前找人也煩死，很tired啊，咁之後成四點幾鐘先開始，soshite，我，黃社在男子及女子的初級組中均胜出，進入決賽矣，大好！
而藍社則全敗，難怪阿茹佢終日口黑面黑咁，嗚，驚~~
綠社及紅社則是一面胜，另一面敗，總括來說，黃胜！我們勝了！
24-2-2001 2:30pm去了科學館，因為要拿專題報告的prize，詳細沒時間說了，當日拿了創意獎，有獎座，証書，六百元商務書優惠，and之後走時不斷食野，so full，and至於由Kammi and珍妮花叫的Wan Chai 社聯比賽則只是入圍獎，亦有獎座，証書and三百元商務。
23-2-2001 今日兩點八就放學啦！但社的歌唱比賽宣傳要開會，點知傾傾下，攪掂之後己經四點幾啦！個會開了so耐......本來屈到阿siu唱歌，然後比我地揶揄的，但最後唔知點解要猜，咁我不小心猜輸了，要唱歌仔，唱咩好？就校歌啦。 今晚5:00pm是prefect的bbq會，有唱karaoke環節and BBQ，但我與同學去了玩basketball，之後成6:30pm先開始食野，食呀食，很無聊，食完同石仔同鵬叔打左陣ball，咁大約8:30pm就散啦，就係咁咋。
22-2-2001 pe堂呀。
20-2-2001
今天是個特別的日子，因為lunch十四個男仔一齊去吃飯，just我與鵬沒去，可惜，可指我要回家拿衣服，and看ETV.....
放課後？不用說是籃球比賽吧，6s vs 6a，究竟誰胜誰負？
答案是......？
其實係咁o既，當時我、鵬、強、東、小明、原人六人上陣，石子不打，大明不打，因沒帶衣，then約4：10pm開始比賽，我打晒成埸，no比人換出，just小明及人常作換人，半場乃20min，找來F.5那個叫鬍鬚的當球証，這傢伙我以前F.4時曾與他打過的，他以前是胡忠，但我現在不太喜歡他了，因為他吹錯了我三次，最離譜是我上籃之時，遭高佬劉浩x打晒手，「拍拍」聲咁佢都冇吹，fuxk!!都唔知點做野，高佬自己都認有foul，但個球証太......不專業了，唉，本來有罰球射，至少可個人拿多2分的，但......算囉。當運氣不好吧。
整場來說，阿東入得最多，應該算是MVP，強就2至3球啦，小明約十分到啦，鵬叔同仁兄都冇入到，真慘。
我？
唔.......入左幾多呢？
原來係5球，一球快攻上籃，跟住幫鵬補籃，then中距遠射，then快攻輕易上籃，lastly中距外投，共取十分。
半場時 6s lead 3分，完場前約1min時，主席瘋了，不斷入波，目中無人，攪到43：43平手！
幸好我臨危不亂，得小強的傳球，入了奠定胜局的一球，之後在我們死守著6a last一個進攻後便完場，6s 45：43 6a，贏兩分，算係咁啦，唔係輸咪好彩囉，真係丫......唉。
不過校隊都贏到的感覺都唔錯的。我指的贏到唔係他們校隊贏呀，是我們贏到他們呀！
不說這么多了，之後小坤上了我家，下載nba live 2001 game，共235MB，真大，但用寬頻just半小時ok了，攪左好耐，同坤仔玩pikachu volley ball，我4won1lost!哈哈！紿終是pikachu之王！PIKACHU~~
順帶一提，佢係6：25pm走架。
16-2-2001
今日是家長日，早上去了別人家拿了日本語 notes，之後約10：10am與媽媽回學校，在路上赫然見到Emily cyan同埋佢阿媽！她們己經拿了成績表了，Emily so陪緊她娘「行街」，本人亦同我娘上了
Rm 410，點知原來是去 Rm 307，then去時見阿東在！他之後便是我了，由於chow sir無返，so 由miss yip代替，到了派表一刻，oh，好彩成績冇之前諗得咁壞，但其實還差得很可怕，死得啦...>_<...
另外好彩miss yip對我冇彈有讚，我阿媽听落都順耳d，不過唔係完全冇彈的，miss說我的兩科語文很差>_<...只要我努力應可以好些的，又話我其實語文能力好好，係呀，學日文語文就掂，我覺得英文硬是很難掌握似的。
之後咪同阿媽行新港城囉，都冇野好做，學校又冇人，行下行下卒之在12:00pm去了新x城街市吃車仔面，just16元，keredomo，oishiidesune!
現在 12:50 pm la , 一陣 1:00pm要攪f.3的唔知咩攤位的東西，我12:20pm回到學校但一個人都冇，so 上library看看有沒有人在，點知成間孚校冇人識，so借了這部電腦寫下小記咁囉，now1:55pm啦！要走啦！落去看看d人來未先！
本來又話去mmlc，又係乜人都冇，攪錯。
冇野的話，我要走了，soreja mata.
唏! 我回來了，今日一點要去咩F.3升學輔導game呀，我地要扮演一
d 人，例如我是 IVE 工作人員，幫他們報名等等的無聊野，不過之後都幾好玩，多得阿Hanna介紹我時叫我靚仔，攪到dF.3o既妹妹仔都咁叫，真係有d開心，呀哈哈。
原來dF.3係咁得意，唔知點解，多數來的都是妹妹，得勁少弟弟，都幾好笑，d妹妹成日煩住晒，我個攤位得我一個人，開始時忙都爆，又要理這樣理那樣，個負責interview的miss又in得慢，總之是忙得要命！
透過這次活動，又識多幾個F.3啦，不過有d知名唔知班的；而且，更可以加分，可樂而不為？
但是之後則覺得學校攪這些活動其實很無聊，無太大作用，F.3是不用那麼緊張的。
咁返屋企啦，楂。
14-2-2001
太好了，很開心，今日是學校十週年綜合晚會日，我有幸能夠在主場當值，十分好。
本來當天儔叫了我.....唔，下午二時去到的，但由於早上同鵬，Fu明，原人打籃球，so遲了so多，三點才出到去。但唔緊要，無所謂啦。
說回早上，真係唔想提.........
但係都係提下啦..本來我約了other六人的，但是很多人也例行公事會進行遲到，有d更過份到會最後也沒來的，例如坤，石，明......等等，原人都唔係好好多，遲到左半個鐘，符明就45分鐘，倒是鵬最好，just15分鐘......哈哈.......都唔知哈乜，有冇攪錯，所以我下次唔想約人啦。
阿坤仲痴線，昨晚打來叫我早上致電提他起身，我於是打了給他，但佢阿父說他不在家，已走了.......點知佢最後咪冇離！鬼唔知佢約左女朋友所以不來咩！而且佢全班第4呀，好想打佢呀。
再說10th校慶當晚，三點鐘出到去，万子，鵬都係剛剛來→之後做下雜工，貼下貼紙咁，跟住有時間咪睇下人地採排囉。而朱sir, miss關佢地關照了我們11個
prefect 300 元晚餐費用，非常感謝！咁呢，我地最後決定去了西田的pizza hut用餐，有12人去，吃吃吃，我亦吃了很多，所以埋單要成510.8元，每人要自陶腰包20元啊。吃野都用了唔少時間，6：45pm
立即 rush 回會場準備當值。好了，到了7：15pm，人們紛紛進場，我們就負責帶人入座，派場刊，接嘉賓等。
一切ok後才可上上層看show啊，個show的詳細不說了，有排寫，太麻煩。咁之後約9：00pm中場小休15min，又是prefect開工的時候，直到表演開始......又上回樓上看show，不過上面的位不好，很不好看，看不晒整個台的，由於場地大黑，我到臨尾一會才看到小強原來一直坐我前面！真好笑，我一直都冇發覺到，真白痴。
表演約10：45pm完結，大好。
太晚啦，周圍又收晒鋪，又累，so回家算了，佢地d人又去到大圍咁遠話食野，so我與鵬和Emily senbai
乘86k回家，本來 senbai 叫我陪埋佢回家的，但我始終都無，太累啦，回家洗澡就睡啦，不過而家想回，總之陪埋佢一齊返去好過，好過訓覺waste time啦，又可以傾下計，平時真係無時間，totemo hontoni
gomennasai! senbai kondowa issyouni kaerimasho。
sorejya、mataraisyuu，shitsureishimasuta.
9-2-2001
早上又與人去了耀安打波波，但又少少下雨，so無mood啊.但也很好玩.同埋己經決定了下星期二開始留校努力上進了，因為星期一物理科測驗，但是星期三至五都day off，又有好多時間了。
昨日先發覺買了CD Rewriter可以這么好用，可將*.mp3，*.wma，甚至*.wav錄成CD！最多七十四分鐘，太好了，so我玩在正努力不斷下載mp3然後錄成CD，年中可以省回不少錢！
大家有甚麼歌要我錄呢？我可以用寬頻下載，很快啊，然後燒錄，約10~15min only, good.
另外己決定了在2月14日當日去十週年校慶晚會prefect當值了！
因為可以省回入場費！正啊，我其實都想去看show的，只不過費事從銀包拿錢交吧，加上我班好多人都無去，所以之前冇諗住可以去，不過反正現在免收入場費，去一去都無乜所謂啦！
8-2-2001
死阿坤及Roger又唔記得帶office2000俾我啦，可惡。
講開可惡，今日在CA堂我所播放的歌受到很多人奇怪的目光，因為太好笑了，哈哈，我都不記得這首龍球歌在哪裡找回來的。
7-2-2001 I'm now in school rm209 mmlc, playing pikachu volleyball.And there other 7 clssmates here.
6-2-2001 放學prefect開會，之後去了mmlc苦練韓文，第d人則開心地玩「皮卡丘」排球，我又想玩啊。不過要練韓文沒法了，而我學韓文的日的是想了解究竟日文易學還是韓文易學，又想學「六國語言」，其實只是想學多一樣多一樣，冇其他意思。不過因為學得太多，攪到本身的中英文唔係咁好，??！
5-2-2001
只有CA未派，真煩。另外下載了日文韓文及簡体字輸入法及顯示法，太正了，可以在同一畫面以「繁體字體」一次過把六種字看晒！最好玩的是日文羅馬輸入，太好玩了，可像日本人一樣入了假名後，會自動替我轉成漢字的，太方便了，而且字型也比以前的輸入法靚！
沒有下載者請快下載！
3-2-2001
今日嗎？今日咪去左太和作專題研習報告的口頭匯報囉，六點九起身食野之後，約左阿坤7：30amo係87k等，又見到小明來，另外又有万子豪，黃寶，同招成昌三人，六人一齊搭車，去到太和火車站等才8：00am，本來是8：10am集合的，之後咪等齊人(七組人)去迦密聖道中學報到，我拿著個中大模型勁麻煩，o係入門口前又要臨急臨忙寫野......
跟住？跟住上左去4樓地理室，我地s班三組人都係誇學科組，一齊present，下面a班四組o係晒地下「禮堂？」present。
Ramdom抽籤後，我們組是第十四組，邦組第十一組，儔組第十六，由9：00am等等等，等人present，等勁耐。
終於到邦組present啦！點知阿坤同邦都表現緊張，口都窒埋...嗚嗚...佢地present完就走先啦。再兩組後便到我們組了，而其他組均已報告完畢，一齊上晒離幫手打氣，又有其他學校的學生在我地present時一次過入晒離，一時間場面爆滿......presentation由我和鵬哥出馬，「好抱歉，由於符明同學因為有d事所以唔可以出席」，其實因為佢要補習。
由於事前都練了數次，加上賽前又用note bk練了約四次，所以我冇乜大問題，鵬哥都好順下，係我地用個模型介紹時d人唔望過離o個度麻煩，我地時間亦很fit，約七分幾鐘完事，時限八分鐘。
之後到左問問題環節，佢地的問題係：
第一：貝聿銘的其他地方的建築設計，和中銀大廈有沒有相似之處？
其實貝聿銘的建築物都很引人注目，很特出，喜歡用玻璃作外牆.....建築物特別注目，因而令貝聿銘先生很出名。
第二：總括離講，呢座大廈有咩最特別？
特別o既地方就係大廈有四個唔同高度o既結晶稄体，而大廈中間有條大柱將垂直負荷分傳去四邊o既大柱，所以呢個力學設計原理可以令到大廈所用鋼材少左一半。
第三：剛剛見到呢位同學好似對內容比較熟，但一交給隔離的同學(孫x鵬)時，有d照住讀咁喎.....
(苦笑)...唔，其實呢，我地大家都有負責搜集資料同埋製作呢個powerpoint......只不過......我講得多d係因為我對內容比較熟咁解o既姐.....哈哈(講完之後全場都o係度狂笑，評判們都係！我發覺已經講錯野，而我其實都未答佢個問題，但我廢事再講下去了，真係對不住鵬哥呀下)
然後最後先到儔組，佢地都幾好，總括來說我地學校唔錯，其他有d學校擺明攪笑，有時又玩下game呀，整d無聊音樂咁，內容無乜，有d仲狂飛晒d內容，又唔自我介紹，咩學校都唔春知.....等等
大約係12：45pm到啦，就一齊走啦，o係火車站分道揚鑣，原來我同鵬哥一直同黃寶在同一車廂，係之後落火車先知，Bakkaddayo!
番到屋企緊係食野訓覺，六點多才起身，今日仲format左部機，雖然係backup左icq，但都用唔到的，廢的，所以呢......玩完lu，要重頭add過人，成個傻仔咁。
o係夜晚，Emily打電來說佢本中五同學錄唔見左喎！咁大濟？佢咪問我有冇印象囉，有呀，有印象呀，我記得最後係俾左Nicholas的，佢睇下有冇靚女，仲問我邊件正，我話當煞係Emily啦，哈哈，但係總之我唔知，佢本野o係邊啦，祝妳好運可以找回吧！
佢仲問我有冇打俾黃x詩問佢地今日點，我冇呀，剛睡醒諗住夜d先，佢係都要我立即打去，咁我咪收線打左俾有份去o既符明一次，但係冇人聽......
夜d之後再打，符明屋企都係冇人，正當想打俾黃敏x問問時，已經10：35pm！我剛醒起頭文字D正在放映中！立即開了電視看，所以打電話？己經冇左回事lu。
2-2-2001 放學留校苦練明天的專題報告比賽至六點多。