8-2001 七月尾八月初我返了廣州and中山玩一個星期，非常非常好玩！如果唔係3-8-2001要趕回來Test Phy，我真係冇咁快返香港啊！

5-8-2001 同另外五個同學一起出荃灣補PHY，之後再一起走去深水土步同旺角，我又買了一百隻CD-R了！

7-8-2001 今日同兢同埋佳仔去唱K，唔係講笑，今次係我第一次去的！不過我這才發現原來是這麼好玩的，很爽啊，好似o係度發洩咁，尤其是唱D超激的歌如「活著VIVA」時，真係好HIGH。呢D就係我第一次o既感受了......而且三十六元又幾平喎......

8-8-2001 放榜啦！大學同會考都係今日放榜！我考成三科咁多，兩科都進了一個Grade，太好了！
我的兄長則考住了City U！
It's really very good!

14-8-2001 製作多時的新面孔網頁終於upload了，現在正式開張！今次也請再多多指教！

16-8-2001 今日約左D舊同學同第D人在體育館進行籃球比賽，共十人，打得非常之激呢！

20-8-2001 同麒在早上九點便一起到了沙田自修室溫習了，去自修室溫書果然勁正！可以很專心地溫，因為你見到第D人好專心，你唔敢騷擾佢，所以自己專心埋一份，佢見你又咁專心，又唔會阻住你溫，再加上其他很多人也很安靜，在那里溫一個鐘，等於你在屋企溫二個鐘！非常抵溫！
但是一食完飯再回來時已經滿額了，所以又去了打機，仲打左勁耐Tim。
沒法啦，回家吧，但卻去了麒的家，本來話在他家一起溫的，但只是與他下了數盤圍棋而已。

21-8-2001 今日成日都無溫到習呀，因為成日都出了街，約了麒同佳仔去Ice skating，十二點便去到，但太早了，所以再到了旺角行下街，買下野，食下野，又去下Cyber City打下機咁，又去下新世紀，行左咁耐係為左6：00pm~10；00pm又一城的一場Ice Skating，不過也要六十元。唔知點解次次去玩的時侯我也會弄損腳跟的，可能是因為那隻Ice鞋太不好穿了，麒最後也是損手爛腳的。
今次好似練唔到D乜出離，向後又練唔到，只是熟習番點樣做基本動作而已，我覺得今次仲Cheap以前玩......
總括來說今日個荷包乾涸了......

25-8-2001 早上九點便開始同Ki出沙田自修室溫書了，一直溫至兩點先出去食野，但這幾個鐘的溫習已經等於在家中苦讀兩倍的時間了。
可惜下午食完野後超眼訓，溫不到之餘竟在自修室裡睡了一小時！

跟住返番離馬鞍山再同Ki同埋青蛙打波，今次竟然見到歐志超，吳錦勝，肥熙，文文，還有肥宣等人，超多人是認識的！之後鬥了幾場波都好激！

30-8-2001 今日同阿邦同埋Ki三個人一齊出旺角報讀Ideal英文補習班，最衰係落雨，所以好麻煩......

之後三人一齊行下街咁，行到去信和時，睇了很久，最後三人決定了夾錢買「6隻」DVD！共一百元，一人兩隻，之後share來看，這樣都幾抵看的，太好了，今晚又有戲睇了！