2002年10月

28-10-2002 (一)

CSSSoc tee

呀…今日俾Tracy屈買左CSSSoc Tee呀.…成$195 一件…勁貴呀!!!

之後走去開EB文創sub-com meeting，我負責做promotion呢part，遲d 我的文創poster將會由我設計，大家可以拭目以待！

上EB jong o個度我真係好想做 Designer。剛剛收到Tracy的電話叫我一齊上CSSS 莊，好似有D突然，估唔到無lala會叫我…我又無住hall，如果我真係上會唔會阻住佢地呢? 因為太突然我沒理由立即作決定，我答應了在星期四作出決定。

29-10-2002 (二)

邪惡事情x 3

放左學3:15pm又要衝番馬鞍山HKCWCFYKMSS 我的母校幫F.5 補Physics。

補完之後又要走返UST，覺得自己有些少白chi tim…不過唔係低B喎…

返去係為左

1)       KOF98比賽 >> 輸鬼左

2)       同D同學一齊溫Math132

3)       Print Math132 past paper

4)       玩

但係當中卻發生了一件件勁勁勁很邪的事…

話說我同Tracy一齊走左Barn C print 野啦~~大家本身是在LG7傾緊計，咁我地一齊走la。點知…我地行到去玻璃門口時，我地都冇打開棟門…它便自動開啟了!!! 而且立即感一陣風吹過來!!! 我們在想，可能咁岩門後面大風，所以吹開棟門…

但係…唔妥喎! LG7門後面便去到Lift o個度，那條短短的通道根本是一個細細的密室！喂大佬，密室入面點會有風流動架!! 好邪，越想越覺不妥之下…突然，我聽到「呀呀呀~~~」的聲音…像是一個女人發出來的尖叫聲(唔係Tracy佢呀，我唔係講緊笑話)，我呆了，望著Tracy去確定，佢也望著我…大家都知道，原來對方也聽到了這個聲音，並不是我們自己聽錯！…..一切實在來得太邪了…走呀快D…

好，呼…去到Barn C，接觸番d人氣，安心很多了。但係…

當我們倆print好野離開Barn C乘Lift到樓下時…再出現一件古怪的事…

我同Tracy入左Lift…She is Tracy but I am Lazy, 所以我專登唔按lift 制等緊Tracy按…點知佢睇穿了我的心意，又唔按制…大家在對望…也沒有人肯動手…我「唔！」的一聲對她點頭，希望她明白我對佢的意思 (我意思係叫佢按lift制呀，你諗乜呀!) 突然…門自動的關了…誰也不會為意門為甚麼會自動關的，因為這是它的設計，等得耐無反應便會關，但是…Lift卻自動的帶了我們下一樓 (正是我們想到的層數!)。

我還同Tracy講：「喂…好邪喎…我地好似無按lift 喎…」 Tracy仲同我講：「低B! 下面一樓有人按左制呀嘛！」佢剛講完這句說話不久，門便開了…

沒有人在Lift出面。

我們出了Lift，出面是一條頗長的走廊，也沒有人在。

奇怪邪惡的事件又來了…我們在想…剛剛就算有人在一樓按了Lift之後最後可能決定不乘這部Lift行了開去，這也不可能。因為條走廊也不短，要走出我們倆的視線範圍也不易…

這也是一件解釋不了的邪事…

而且我還因此被我的妹名為「邪哥哥」tim ar…如果有人聽到佢咁叫我…千祈唔好驚訝啊~~

完啦？

慢著，邪事當然會一件接一件啦！

之後我們在拉把找到Kenny，我地三個人一走返Hall，去Kenneth同Andre個Hall溫書。

一打開門…見到Kenneth，Andre，他們是我的好同學。我見到，有一個人，他獨自坐在房間左上角，埋首電腦…他，望了過來…

「!!?」

他沒有再望我了。

但我在想…我好像在何時見過這個人！…想了很久…對了! 他是我大前天跟Alan去荃灣拳館學跆拳道的一個紅帶高手！他還幫我練那三招！我認得他的臉，和他臉上青春的記認。但是我見佢好似唔記得左我咁，我又開始懷疑究竟係咪呢個人來ga…同埋想深一層，Alan識的那個紅帶高手，點會係讀UST year1 ga??? 而且…點會係Kenneth同Andre的roommate ga 喂!!!!!! 邊有可能咁邪ga!!! 我Reject左我之前所想，我同自己講我認錯人…

但係…之後…我見到佢個櫃…放了一本跆拳道的書！立時我興奮得大叫了一聲「他是怹!!」我同佢相認番…佢話原來係認得我個樣…但係唔知在邊度見過，所以冇叫到我~~ Yeah! 竟然俾我見番「師父」！佢叫Tomas。實在太興奮了，想不到前幾天的一個名都不知的人會在這個情況下遇到…  

//////////////////////////////////////////////////////////////////////////////////////////////////////////////////////////////////////////////////////*

數個月前，開始做有線寬頻，認識到Alan，佢在數個月後帶我到他的拳館玩，當中遇到一個人 (T君)，他幫我練了數腳。

一年前，開始努力讀書，為的是要入UST，一年後我終於可以在這里讀書，選了Computer Science。我參加了Ocamp。認識了Kenneth。

*//////////////////////////////////////////////////////////////////////////////////////////////////////////////////////////////////////////////////////

兩件事好似冇任何關係…但係…當中的兩個人卻有很大關連： Kenneth同T君係UST Hall 4  3樓321室的Roommate！

世界好似好細少似的？根本世界上的人分分中全都可以是你朋友。假設你的朋友有十個，你的其中一個朋友又有十個朋友，再其中一個又有十個朋友…最後可以延伸到幾十億人 (全世界的人口數目了)

之後Hall4 樓下有Hallowen的活動啦，有很多靚女份鬼啊，一點也不害怕，我反而很喜歡她們啊！我要趕住走啦，因為驚會冇晒91M走啦…所以我最後同Kenny一齊行了鬼屋一轉 >>> 很驚啊原來真的！佢地整到好pro呀!! 好勁！我自問不細膽，也在一個point俾佢嚇了一驚！(係真係驚o個種，因為估唔到佢會咁樣嚇法…) 真係好激喎…唔知Tracy玩o個時會係點呢？ 我無時間睇啦，結果離開了UST。

Alan呢晚又叫左我出去唱K…通宵呀？…唉…是但啦你叫到…但係阿盈唔o係度都無乜意思啦，不過呢晚又幾好玩個喎~~

6am先cut 歌，但係我今日ISMT161 9am開始喎…我一定唔會返屋企ga la…我同係威一齊去左一間旺角通宵M記，我由6:20am 訓到7:15am先醒！ 訓左成粒鐘啦！個M記職員真係好抵死…佢拍醒我同我講：「你訓左好耐啦，唔好再訓啦~」哈哈！好攪笑呀佢真係，估唔到佢唔係話：「呢度唔俾訓覺架先生。」而係叫我唔好訓，咁都得。

之後返到學校都仲有精神上ISMT161喎，教Transportation Method！估唔到我走左成大半數的堂，平時一定唔會上，反且而家有精神上喎~~^^

30-10-2002 (三)

很型的女仔

昨晚訓咁少，今日放學咪訓拉把lor! 4:20pm訓到6:50pm 先起身！超精神！Then我去了Rm4333的 EB Information Session呀，Yvonne都一齊去呀！但係Teri，Amy就唔得閒來啦~~但係其實IS無乜野聽，只不過之後同EX-co傾計ja ma…我比Alex遊說做科技版，但我的心是屬於Angel的，I mean我係做Designer呀！Ina仲叫我上埋佢個fencing莊tim wor…佢話做IT Sec update下網頁就得la咁…講到好似好易做咁…唔做啦…上咁多莊咩…已經決定左EB ga la ma…不過Ina佢又係EB+ Fencing 個喎!!

之後同Yvonne一齊走去去LG1睇Ina玩fencing，好型呀Ina，雖然佢輸左，但係女仔來講係好勁的了…vv

31-10-2002 (四)

入CSSS吧

今日，考完Math132 o個日，我答應了Tracy，我入CSSS啦，上莊啦！點解無lala又肯？因為我覺得同佢地班Jongmates玩一定會好開心，雖然係辛苦D，但係it worths！同埋我比Tracy的真誠打動了啦…佢呢幾日咁叫我上莊，同我講幾好幾好玩咁~~實在好多謝佢找我…但係…點解其他人唔聯絡我？Only找我個妹同我講o既？唔夠說服力喎…Anyway 啦 (至少而家9-11-2002啦，我冇後悔到我應承了他們，還feel到我們將來一定要好開心！) 我諗番以前，佢地應該都有開會討論過會不會找我，他們最後決定找我我一定要多謝他們。

晚上，師父終於上來裝HGC和記環球寬頻啦！雖然攪左一個鐘勁耐，但係個速度快過以前用Netvigator好多！

Max Download speed: 187kBps >> 1.3MBps

Max Upload speed: 64kBps >> 1MBps