做i-cable direct sales都做左成個幾月啦，感覺好得意，好想將每日遇到的事記下來。
將它們變做歷史！

可能有d人會覺得咁多字好煩，唔睇啦!......Ok, nevermind, 我唔係寫俾你睇ga ma, 我寫俾自己ja ma, haha

我只不過係想做番個記錄俾自己第時睇同埋俾一d想了解我工作的人睇~~

事件最開頭是原人在考完CA之後向我提議話想做i-cable，之前又問過人做sales可以賺好多錢，所以想試下。加上又搵唔到其他工做，所以我負責約埋阿坤同精華一齊上去有線電視大樓(荃灣海盛路9號)interview！

就係呢日去左荃灣公司interview啦。同我地四個人一齊in的仲有其他六人。

當負責in人的Samson講到薪金問題個個隻眼都發晒光咁，因為日薪$160，一張單$100-$180，勤工獎每個月$2000，Target Bouns $3000 (50張)，有兩日trainings 這個條件實在太吸引啦！

我地四個都話正，一定要去做，而且最正係24號先開工！可以俾我地ready下同埋等埋阿坤22號考埋中文oral先......

之後又有我們四人食霸王餐事件，勁攪笑，食完野起身就走，錢都唔俾......Haha，好爽！

之後又要去深水埗鴨x街換番個有線解碼器o個舊野......今日仲公然帶個有線解碼器番公司，真離譜！

終於到左呢日啦，係training的第一日，不過呢日都當工作天的，就算train左呢日第日辭工，都有$100日薪賺ga~~

今次10:00am返到公司，開頭係攪下d簽名手續呀咁。
然後我地簽晒合約，一簽簽了大概十份野咁...立立雜雜...我地四個人睇d條約睇到清清楚先簽，所以我地拖左勁耐，其他人見到我地咁樣一定好好笑~~

食完飯後2pm回公司，Samson負責Train我地同埋其他新人。一直Train到大約7pm左右便可以走了~~

就完成左一日的返工了~~都幾輕鬆，好似返緊學咁學野......
但係又真係學到幾多新野ga! 超級有用呀! 如果冇左呢堂training, 我明日真正落場做野都唔知點算......

今日戰績：1

12pm回公司! 再第二日的Training, 但係今次唔係train skill la, 係train our minds!
點解咁講呢？因為上到公司係成班新人(共十一個)再加上四個Team Leaders同埋大Boss阿Bob一齊坐著圍住一個圈圈。

最攪笑就係我地新人個個都係男仔!! 都唔知點解......然後好似類似小組討論形式咁，阿BOB幫我地介紹番個工作同埋幫我地洗腦，因為我們所有新人都話只係期望一個月賺$7000~$8000，但係阿BOB話「太少啦，根本冇可能賺到呢個數，話你地聽，我地呢度d members個個都賺萬幾一個月，記住，你地o既目標係『2k』呢個數。呢個數唔難達到，只要你地每日成功做到三單生意就得ga la，公司要求你地係每日三張單ga，一張，公司唔會接受o既。拿，等我計條式俾你地睇番......」

佢真係計左條式出離，發覺真係賺到$20,000喎! 唔係講笑喎!

到3pm先完成個Briefing, 之後便分Team，我同我三個同學當然係比人分到不同的Team啦...
結果我個Team Leader叫做Tendy，係女仔來的(22歲←後來知道)，同Team仲有兩個新人。一個叫阿Cha(只是返多我兩日工)，另一個叫阿威，以後請多多指教啦！
而原人則跟Connie，阿坤跟阿隆，精華跟Felix。各有各Leader。四個leader都分別做左大約兩年，係以前上門洗樓的Top sales，然後調了過來做Leader的。

之後大約6pm便開始落場做野啦，我o個Team係o係粉嶺。原人同坤在旺角做。精華去了黃大仙。
搭緊車時，Tendy好細心咁同我地新人講解番個plans都埋d skills，但係佢一次過講太多啦......根本吸收唔晒.....>_<

去到粉嶺花都條馬路o個度，已經見到有兩個大師兄o係度sur緊啦~~我同另一個新人都唔知應該做d咩好咁企左o係度on居居咁...之後仲下埋毛毛雨tim...迫住又要調位，縮左入去擺。
企企下聽到兩個大師兄同埋阿Cha佢地會一路叫住d口號，例如「84無限上網」「任玩任上」「免安裝費租機費」咁, 我又學佢地叫埋一份。

此時先知道佢地兩個大師兄一個叫Alan，一個叫Tony。好，以後多多指教，雖然而家唔係咁熟，但係合作得多就熟ga la~~我地五個人放在一齊都幾迫下ga真係...
但眼見佢地個個都拉到客過來pre，而且仲成功開埋單，我覺得好唔公平，我夠有叫la!!攪錯! (之後梗係知道原因la, 係有技巧ga, haha)

9:00pm終於拉到個阿嬏過來la, 但係Tendy見我係新人，so搶走了我個客佢來pre，直到開單為止，乜都係佢攪掂晒的。結果張單果然不算是我的...(哇...這個Leader咁ga, 人地d Leader係會幫新人pre, 然後張單俾番佢地)
所以我下定決心下次一定不會再俾Tendy搶的了!

到了10:30pm Tendy竟然叫我地兩個新人可以走得la! (我心諗又幾早喎~~10:30pm左喎)
但我唔甘心ga ma, 一張單都開不到，結果Lastly10:45pm比我chur多一個阿叔過來，今次Tendy唔知攪緊乜第d野冇理到我，我用自己新人的能力去pre個客，雖然有少少窒窒地，但係都掂，到了最後講「明線」我唔係咁熟，所以Tony幫我pre, 而且最後仲成功開單!生涯第一張!信心頓時也增加不少~~

今日戰績：2

第二日2pm開工去屯門市中心橋 (好遠!)
今日係星期日，所以人流超多!我差點也比咁多人所嚇親呀! Alan俾了佢件染左粉紅色的制服我著，但係有得著好過冇得著，都幾正呀著住件野~~

我今日開工兩個鐘之後(4pm)便開到第一張單lu~~新人來說都係咁la掛~~
再兩個鐘之後(6pm)再成功第二個客! Yeah, meet到target了~~

但我當然不會咁快鬆懈啦，之後Tendy調了我同Alan兩人到柸渡站橋面sur，呢度雖然有人...但唔係咁多, 最後企到11pm都冇單tim...

最後大概11:10pm放工啦，今日個個起碼也有2張呀，Tony4張tim呀...好變態

原人同精華今日都有2呢! 坤1
精華今日做番馬鞍山耀安村，好近呀，o係樓下ja...

今日戰績：1

第三日2pm返工去天水圍啦 (超遠!)
開頭o係新不江sur左一陣，但係好少人行，之後同阿Cha同Tony調左去翠湖站sur。

但係我始終未有單，因為有三個人放在一起競爭幾大~~
之後再比Tendy調了去天悅村中打遊擊(即是不擺壇)，因為村中禁止一切擺賣，所以也不准穿制服...只係手持住個牌仔同埋d單來做ja...

咁當然效果冇咁好啦......
不過好彩!!! Lastly都有一個Aunt俾我吸左過離! 而且我仲要上埋佢屋企幫佢開單tim 喎!最後都掂左!

經過呢日之後，發覺自己又進步左喎~~開工第三日已經冇晒所有疑慮，自信心返晒離啦! 邊個話我仲係新人!

今日戰績：2

第四日係星期二(以後每個星期二都要返公司Briefing)，阿BOB會講番呢個星期d戰績埋每人犯的錯同埋d濕碎野...

同原人, 坤, 精華一齊返公司, 今次又有十個新人入來做la...有男有女喎~~
今日會有一個男仔一個女仔新人會入來的，但個女仔我連樣都未見過佢就resign左啦, 可能女仔驚辛苦掛...

開頭我同Alan一齊去到慈雲山，自己搵位做。
但係個位唔係咁靚，做極做係冇單。

中途做做下見隔離有檔IDD009喎，佢地兩男一女咁，有個女仔同個男仔行了過來同Alan講野，問番我地有線份工點點點...講到佢地覺得我地i-cable好正咁，佢地又覺得自己IDD好難賺錢...所以Alan俾了Tendy個電話佢地，俾佢地去in...(點解我要講埋呢件事呢...？)點解佢地唔撩我講野呢？ 1-6-2002話俾你知!

5pm Tendy離到俾佢鬧，最後終於轉了調去黃大仙MTR B1出口。

呢度多人幾多~~我地短時間之內便每人2張單啦!好勁呀! 之後個新人男仔(叫阿國)過了來一齊做，佢好似好鬼蠢咁，傻下傻下，落到場做野成舊飯咁又唔出聲...我估佢都係做唔長ga la...

最後我都係企硬2張啦，因為阿威又過了來，有四個人企在一齊好難先有飯食ga!

今日戰績：3

今日又係做黃大仙MTR出口B1呀!今日又多一個新人入我個Team，佢叫阿光，廿五歲，之前做過好多份工，F.3畢業，係佢d親戚識Tendy拉關係入來做的，阿光好大隻，一睇就知係成日出來玩的人......

今日都係成7pm先開到第一張單，勁驚炒蛋呀~~Alan都係成10:30pm 先第一張ja，此時反而阿Cha領先，有三張!

之後大約11:30pm無lala勁多人行，我再連開兩張，好好彩! 今日一共三張!
結果12點先放工，出旺角搭亡命小巴，點零鐘先返到屋企ja，好累ar.........

今日戰績：1

今日地點是在屯門市中心的輕鐡站上面的橋，我part Tony。但係今日大風大雨，冇乜生意ja，個壇都比風吹跌幾次呀...

所以都冇乜mood 做ga ja，得閒都係同下個掃地阿嬏，網上行，同埋IDD1579的人傾下計咁ja...

最後今日都係開得一張單ja~~好cheap ar~~

12:20am先放工，成team人一齊包晒架小巴出旺角.......最巧合是中途竟然見到阿強!! 佢上左車我先見到佢!! 佢原來又係freshman! 第二日開工(同阿光一齊Train的)，佢今日sur荃灣咁都撞到佢...難道呢個香港真係咁咁咁咁細？

返到屋企發覺我阿哥砌左部勁ge電腦~~Yeah~~因為部電腦壞左好耐la~~

大家見到我呢個月的戰績一定覺得好廢......點做到Top Sales ga...唔緊要呀, 好玩野在下個月ar ma!