今日3pm放學無野做...打俾Alan問佢係咪真係去BBQ啦，因為昨晚講好話去ga ma~Alan仲話要開OT喎今日...好彩打俾阿Cha先知今日頌安無$98做Alan先知原來唔駛OT ja!

結果我地即刻約人去啦! 我, Alan, 係威, Cha, David, Andy, Elva, 新同事阿盈 都去!

約左Alan, 係威, Cha 6pm荃灣MTR站等...但Cha哥大遲到...得我地Alan 係威三個人去百佳買野食，三個人拎咁多人份量野食都幾重ga!!

等到成7pm阿Cha先肯來，佢真係呀...跟佢地乘52M去屯門咖啡灣BBQ啦Yeah! 我未去過唔識路ga~~在車上同佢地呢班仲努力返緊工的職員傾番呢排D野。唉，佢地仲做得好開心呀...昨日阿Cha同Alan o係馬鞍山頌安survey，一個開8一個開7呀! 頂......阿Cha竟然繼原人之後又破左我一日開7張的紀錄.....可惡.....一日賺成千幾蚊啦佢!! 不過Tendy仲係咁鐘意閙人...佢地有時都好無mood ga比佢鬧到...

去到咖啡灣啦! Elva一早已經到左霸位啦~~跟住大家一齊透爐先! (天氣好熱ar~~)

David同Andy同阿盈都係分別o係我地透完爐食緊野佢地先來，太遲啦! David開頭又話帶佢成打女離，點知最後又無...chur...好彩都有阿盈je!

我都係第一次見佢ja，佢係Elva個frd，昨日先第一日入Tendy Team開工ja~haha, 但係佢個style 勁似Elva lor，個頭髮係咪一齊剪ga，好似Twins~~不過佢地d成日落D的女仔都唔o岩我feel啦...又食煙...不過粗口講得少過Elva 喎好似~~最記得Elva以前同人講sorry，都要講「對唔lung住呀!」，真係頂佢唔順la...完全係衝口而出la...不過好好笑!

食完野之後去踼下沙灘ball ar 咁lor...不過有一個比我你班人踼左落海，好白chi 呀~~又要買多個la~~

累左之後幾個人坐埋一齊o係「扯旗石」對住個海傾計...好enjoy此時呀，好好feel，乜都講下咁la~~
有時情節真係好鬼攪笑ga，例如有一日返工，David part住阿Cha------------------

Cha：嗚......我好Gui呀...
David：做乜咁Gui呀?
Cha：我尋晚發夢呀...
David：發咩夢呀你, 發夢都Gui?
Cha：頂~夢遺lor!
David：e係? 咁條女係咩樣ga?
Cha：無呀, 我淨係見到兩隻腳一個窿ja!

勁爆笑呀...點解佢個腦會轉得咁快ga，好勁! 仲有一件事有一日返工阿Cha佢遇到一個阿伯------------------

佢剛剛買完一車生果，推住架車仔行過...行到去佢地個壇到o個時，o拿起左隻蕉，望住阿Cha o個個「$198都唔駛」個牌...阿Cha於是走上前pre佢啦
Cha：先生有乜幫到你，我地而家做緊優惠送四個月免費喎...xxxx..xxx...xxxx...xxxx
up左一大堆野，個阿伯都仲係戇DogDog咁呆望住，而且仲一路搣蕉皮，一路搣一路搣一路搣~~
最後搣完啦，個阿伯講左句：Chur，我食蕉好過啦!
然後一口咬落隻蕉度行開左啦...勁白chi 呀個阿伯，傻傻地咁......
阿Cha咪同佢講：咁你食蕉啦!
個阿伯應該聽到ga，但係都冇乜反應lor...haha

跟住我又share下我d大學生活俾佢地知lor~~之後再玩到成一點先搭小巴出番旺角ja~~佢地話去唱埋通宵K喎...我又受唔住引誘一齊去左啦...唉...預左駛錢ga la 算la!

唱唱唱...好正呀~~不過佢地女仔都成日爭住插歌咁~~好多好歌都唔唱得晒呀我......最後又係6am先走! Yeah! 總括來講，今次i-cable Re-U 好好玩呀 -- ^~^ 我發覺同佢地一齊係一定要講粗口ga...完全同平時的自己唔同晒咁...原人都係la...自從返工之後應該都變左好多!