之前o個日sub-com meeting 選擇到底今日職責係做d乜，我同某幾個同學志願都係企counter 如阿P 所講「兜搭」。其實可以簡帶lab tour、dem lab、dem room等等，但係我始終鐘意做吹水工作多d，起碼唔會咁悶。

呢日我8：20am 回到學校，大約到8：45am開始有人來參觀啦！開始做野啦！

我工作範圍都係同d 同學仔講解下我呢科「Computer Science」究竟係讀d乜咁lor，同埋回答佢地d問題。

其實.....haha，好多問題我都係吹水亂up的...
例如佢地問我「第時出來做咩ga 可以？」
我話：「根據番上年個report，有7至8成人係做programmer.....xxxx 」
其實我老吹的！haha

佢地又問我：「Computer Engineering 同Computer Science 出路有乜分別呀？」
哇.....我真係唔識答，又唯有亂up，講到好似好真咁lor....不過都幾好笑ga

開頭o個半個鐘都沒有特別，見到人望住我地counter 便走去兜搭佢地。但係之後講多幾次信心大增，見到d 男仔我都係唔理啦，因為我仲有其他sub-com招乎佢地嘛~~我係見到女仔先會去的。不過唔出奇啦...個個都係咁ga la~~最鐘意係o個d 一班一班的女仔，2至5個到啦~~有d幾好玩幾得意ga！有一個女仔我真係好鬼鐘意佢，好Qute，講左好耐野我叫佢入我地demo room，佢話趕住去聽Talk然後走左，原本諗住佢會再番離la...點知最後都係唔見佢出現la...好慘ar...

有時遇到d比較passive d 的人都係有我講冇佢地講ga la~~一輪咀係咁講講講，講晒所有野佢地都冇反應唯有問問題，問問下都冇乜返應便要叫佢地去我地demo room睇Final Year Project Demo打發走.........基本上我今日就係做呢d 野啦。

不過都唔駛旨意想拿人地icq 電話識人ga la，就算有時講到好開心有講有笑咁，最後佢地咪笑住咁走左...等於你做寬頻sales 咁，唔通會識到d 客人咩，一個係主，一個係客冇可能ar？

不過真係講到喉嚨都乾晒ar  >_<\\ 好耐都未試過呢種感覺啦，平時係冇可能有機會係咁講野的 >> 令我回憶起以前o係青衣、屯門返工咁，係咁講野又無水飲....

中途阿邦帶住一個佢Form 7 o既friend來了科大呀！阿邦仲記得我以前曾經同佢講過我識有個人AL成績DEE都入到CSIE的事情，佢話想見下呢個人同佢傾下。咁岩Tracy又o係度喎，我話俾阿邦聽就係o個個女仔la！但係Tracy唔知我識阿邦，仲同佢講野tim！最後阿邦玩野問Tracy係咩成績入離讀，Tracy竟然笑住咁話差唔多係mean，C呀D呀咁lor...哈哈！我當場踼爆佢la「乜唔係D呀E呀咁咩？」哈哈~~

Lunch有免費lunch coupon，都ok la。亭鋒竟然今日仲要做lab勁無奈喎。

做到下午小人左都係懶懶散散咁，到到5pm先完呀！真係名乎其實「朝9晚5」啦！最後仲食埋Tea先返屋企tim，總括離講，今日都好好玩ar，又多左d experience啦！