今日國慶呀! 點慶祝好呀？唔駛返學喎~~

阿儔佢就快要飛去Australia啦，所以我們專登簡左呢日個個都唔駛返學的日子同佢攪farewell!

經過上次中秋BBQ 下大兩失敗之後，今次再攪多次BBQ! 今次o係西貢半月灣玩!

由於如果夜晚玩，個個死晒第朝就上唔堂，所以決定中午去啦! 一早大家去買野食，之後去到西貢仲要坐非法船家開的船 (成$20 ga 都幾貴)，以前真係未搭過呀!

今次都算有好多人玩啦：我, 原人, 斌, 亭鋒, 符明, 石仔, 精華, Kammi, 阿強, 抽筋, 阿C, Florence, 阿儔, 曉茹

未BBQ 之前已經係咁影相啦，我提議大家一齊夾埋con 阿強，然後我負責拍片 >> 昆到阿強埋來…但係點知最後比阿強走甩左!! (你地班友點做野ga!!)

斌, 符明, 石仔佢地可能悶得濟早走左!

勁白chi 呀呢個都唔知咩BBQ場來的，燒燒下成日有三四五隻BEEs o係度飛來飛去「嬲」我地d 食物，汽水，好annoying 呀。我同精華咪夾手夾腳用d 透明膠杯cup 住d BEEs，勁攪笑喎，見一隻，cup一隻，然後cup 左幾隻之後便將杯再cup 在原本o個隻度，好似玩層層疊咁，越cup越高! 最後一共收集左 9 隻BEEs呀! 質埋一齊勁大堆! 不過最後都冇殺死到佢地，只係掉左佢地去垃圾桶ja... <<< 幾好人呀~~

BBQ完後出左去沙灘到玩啦~~開頭我同原人首先落水玩 (唔係游水)，到到後來個個都, 連d女仔都落埋水。精華仲帶左泳褲來ga, 但佢又遲遲唔肯下水游水，我地最後又夾埋捉手捉腳掉佢下水!! 掉得一個，梗有第二個，好彩我拿相機，如果唔係我最早lai 野…結果下一個目標係阿強!! 但係原人太差啦! 佢自己同阿強同歸於盡，一齊仆埋落水!

咁多人先後遭殃，我也不能幸免啦…頂你但係我未除衫ga 太佬! 件衫濕那晒又冇帶衫來換……而且我銀包又未拿出來ga…>_<\\ 乜都濕晒la…我入面d紙 + 銀紙 呀…

個灘d沙勁靚，勁幼，竟然仲靚過淺水灣o個d，真係有d意外喎! >>> 但係因為有船期關係，被迫6pm 要走la…水都冇正式游過…娃左幾下ja…就話要走…

搭車o個時仲濕答答tim…d冷氣吹過來勁凍! 好彩我身體好resist 左ja, haha, 如果唔係又會傷風啦~~

今次個個都冇相機，得我一個有DC，因此大派用場，我亦成為了「影相sec.」係咁幫人影相 (自己曝光率極低)，影左二百幾張 (超多!) 同埋d movies。如果想睇相的話，去這裡。

返到屋企都冇晒mood溫書la…明日仲要mid term test ISMT161 tim ga…唉…都係明日先算 (明日9am quiz 喎喂….!)

>>>

P.S. 最後我要靠乘車o個半個鐘來溫書 >>> 結果個quiz 都ok la...不過唔識一半lor!

更多相片：sau01.jpg >> sau02.jpg >> sau03.jpg >> sau04.jpg >> sau05.jpg