同學網頁

玩 / 吃喝玩樂 / Re-U / 活動分享

→BU --- CityU Joint- U 國事會 O' night 11-10-2002 (五)

呢日放學之後我仲有活動呀~~就係去BU參加「國事學會」Joint U O'night啦! 原本係黃一恒 << (CityU是會前國是長 + 馮堯敬校友會會長) << 叫我去的，昨日又受到原人的邀請，所以都去埋，是但啦，都係玩下姐~~我叫埋阿邦一齊去...Ashley也去啊，好野!

7：30pm 剛剛好去到BU，我咁大個仔真係第一次入BU ja! 之前連開放日o個d 我都冇去過ga...

去到門口即刻見到阿邦啦! 大家一齊入去BU，我真係乜都唔識，入到去發覺原來BU 都幾宏偉個喎又!

打俾Ashley o係佢指引下去到會場 (羅馬廣場?) ... 但係，好似得勁少人jor wor ... 去到先發覺原來個party 規模好細ga ja ... 得好少人，大約20人到la...而且仲要係得2 個女仔only tim! (including Ashley ga la!) 不過都唔緊要啦! 照玩lor...但係自我介紹o個時勁攪笑，BU 好鐘意自我介紹時「響朵」講自己學生編號 << 好攪笑ga!! << 我唔想俾人知道我係UST學生，我唯有勁on居咁作野lor ...「大家好！02382414！BU CS year1」 << 哈，呢個係我JUPAS number，我連自己名係咩都唔記得講，好白chi 呀~~阿邦佢都作左係BU CS 呀，仲同我係同學tim!!

黃一恒佢地仲遲過我到，佢帶左三個CityU 的女仔來到...... >> 我終於見到空姐啦 -- 原人成日同我提到那個好正的 CityU 國是會志願做空姐的member!! 佢叫「LVs」 >> 唔... 佢都ok 靚呀，個樣好成熟喎但係 ... 另一個女仔叫阿Joy，另一個唔記得左...冇乜印象tim ...

而原人呢？佢因為要上SU 莊...所以要開會... 開會開左勁耐...最後都係冇來到... =_____=

原來呢個party 係Joint-U 的，joint BU --- CityU，係完全唔關UST事，我成為了異類... 不過今次亦都有四位CUHK 的學生來到呢! 大家還談了一會「中科大合併」 >> ?? >> 不過就算有咁多學校來充斥場面都係得廿多人左右...... 好唔掂喎 ...

國事會玩的集體遊戲，其實同國事會冇乜關係，開頭我地竟然玩呢個「扑傻瓜」!! 勁攪野呀!! 我最後都比人扑濕左tim... 然後再玩一個遊戲... 竟然係我前晚在UST 天文 o'night 玩的「企紙仔」game!! 點解會玩埋晒d 咁野ga... 真係令人廢解 ... -___- 同樣啦，都唔係好激ja 玩得 ... 之後再玩「二人三足傳呼啦圈」，呢個game 我未玩過喎...都ok 啦 ... 但係d 大懲罰可唔可以唔再「爆波仔」呀 ... 來來去去都係咁 ...

之後便分開兩組discussion啦 ... 題目有幾個，我地組簡左「你怎樣看兩岸統獨問題」... -___- >> 終於有個活動係關國事會的事啦!! 但係我最唔掂係談論國事!! >_<\\ 所以我一味聽，都唔知有乜好up，廢是出醜啦 ... 同埋佢地幾個人都傾得好鬼死認真咁 ... 好似考中文oral 咁...駛唔駛呀 ... 講下笑得唔得呀 ... 好悶ar ... 所以我拿了一恒部 3.3Mega Pixels的 DC 來影相lor...我又做左影相sec. 啦!! haha...係咁影相 ...得閒影下 LVs, 得閒影下阿Bird (BU 國事會PIC)，又影下阿Joy，又影埋Ashley 啦，都算係靚女ge, haha~~仲要係偷怕tim ! ^^ 好掂

之後到左食野時間，自助餐形式，我開頭又掛住影相，都唔係食好多野ja，本來想同LVs 佢地傾下計，但係見佢成日chi 住一恒，我唔知點埋去好，因為我想同佢單對單傾陣先，一恒在隔離會好麻煩... 但係食完野都冇機會la... 唔緊要呀，我諗住之後完左function之後車仲會有機會la ... 唔駛驚住 ...

但o係我同邦同Ashley 仲好乖咁玩緊一d「我地題題都唔識答的國事問答遊戲」的同時，佢地走開左影相 ... 我見到話俾一恒知，一恒又走開左 ...到最後佢地都唔知走左去邊啦!! 原來佢地係周圍參觀BU 呀!! 我地三個人好不容易挨到最後終於都散場lu ... << 好悶 -___- << 好彩有叫邦同Ashley ja... 自己一個人悶死呀 ... 我又唔想識o個d BU人喎...

之後咪叫Ashley 呢個BU 學生帶我呢個UST學生同埋CityU 學生阿邦參觀一下BU 啦!! 我又未行過BU喎之前~~

Ashley 真係成個導遊咁帶我地行左好多地方，舊校去到新校，上去到下，原來BU 都好大ga!!! 以前BU 俾我的印象係一間好細，好屈則，好自閉的學校，而家我對佢完全改觀呀，原來BU 係一間咁樣的學校 ...唔...(好似仲大過 CityU 喎) 但係d 班房位置就kele d，同埋得三個LT 咁大把ja!!! 我地一直行到去新校最遠的地方先走回地下乘車走ja，最後也撞唔番一恒班女仔啦... -____-

算啦，送左Ashley 同邦撘巴士最後都係自己一個人返企啦。

撘緊車時都十一點幾，原人先打俾我，佢終於都開完SU 會啦，好慘呀... 我落車o個時又咁岩差唔多時間回到來，大家再約埋在恒耀村交界等，再傾多陣計先。(呢度成十一點先仲有成四壇Broadband sales o係度呀! 和記3 壇，有線1 壇)，但係有線o個個唔識的，最後係個和記sales 了我地講野先，同佢傾左一陣，先知原來恒安呢度都係剛剛先鋪線 (佢話鋪左兩個星期，但係唔知可唔可信，sales 通常講野唔可信)，唔怪得晚晚放學都見到3 壇和記o係度啦!! 公司一定派晒d top sales 過來sur，佢地一定日日爆晒數啦!!

之後同原人坐o係7-11 出面傾番剛剛d 野同埋佢最近攪E Board 同SU d野...傾左好耐先番屋企...

總括離講，今次活動都冇去錯ge，首先見到空姐，又可以參加BU 的活動，又可以同自己d frd 玩，又可以食 (免費ga!! 最後都唔駛俾錢!!!)，又可以參觀BU... 都ok 啦!

P.S. 浸大是叫「國事會」的，是為國家時事；城大是叫「國是會」的，是為是非的是。