我的事情 |
|
| 這個專欄是講述一下我身邊發生的事情的，會不定期作出更新，請密切留意！ | |
|
→各位重讀or 正在努力考AL的同學們!唔好咁灰!!原來科大好易入!! 各位重讀or 正在努力考AL的同學們!唔好咁灰!!原來科大好易入!! →我的F.7 to大學時間的暑期工 (由月入一萬八千 變成 無業遊民) 24-5-2002第一日返工，我同三個同學一齊去做有線寬頻i-cable的推廣員(direct sales)，是有視電視公司直屬的，非外判dealer sales 啊！ 入到去時真係幾enjoy ga，覺得幾好玩，成日可以撩d唔識的人傾計，是平時絕對不會去做的 但係幾辛苦lor，周不時都要11點幾先收工，有時12點幾，再加埋交單時間，成兩三點先可以返到屋企ar 推動我做下去的原動力首先是我班好好玩的同事，Alan,
Cha, 威, David. Andy, Tony, 光, Elva 原人，你話你o個team 好玩，會唔會好似我o個Team咁玩到咁癲ar？冇計，大家都唔同玩法，你team人專係燒銀紙的，我Team人唔係唔用錢，不過係適可且止，haha! 第二推動我做下去的是薪金，我覺得我幾好彩，入到Tendy Team，Tendy Team是四Team之中成績最好的，專簡d好埸來做，我在Team中也算是好彩，經常爆數，第一是我的好運，第二加我的sales skill (我都好有信心)，我在成個Department 57人之中我是做到Top 2 的，成個六月份一共開了67張單，平均每日2.6張。 真係唔係講笑，top2 呢個位好難先可以做到，成個department 有咁多人。 就係因為係到Top2 ，錢方面也賺唔少，一個月一共可以賺到$18000，呢個絕對唔係一般工作所能賺到的數字... 做了個幾月，7-7-2002正式辭掉這份工，至於點解會辭職？ 我覺得錢是賺夠了，Top2
的榮譽又攞埋，係時候在另一方面發展下了...... 結果同另外兩個舊同事去了做Nevigator Dealer Sales 途中，又有人介紹我去做IDD16470任我行通訊網的sales，但係我只係做左一日，因為實在唔想阻住人地一男一女，所以又辭了職 世事不如意事很多 結果又經歷了另一個難題，我的工作壇比食環署d衰人收鬼左...佢仲話if 想認領番，會告我們阻街，要上庭之餘仲要罰款，我得鬼閒上庭陪你癲呀傻佬！大不了咪乜都唔要lor！ 結果Nevigator呢份工都辭埋...... 現在還是個無業遊民 (23-7-2002) Okay! 剛剛好兩個月了!
這兩個月遇到好多野! 好令人回味!
我識到班新的朋友絕對不會忘記的! 精華，阿坤，你們是同我一齊入到i-cable
度做ga，你o個Team人會唔會好似我Team人咁ga？ 我覺得這個point 已經足夠我這兩個月所得了 而且仲有好多好多事......包括我遇到了我心目中的盈盈，再加上另外的一些事情......非常開心! →我現在的個人溫習法 由今年開始，我覺得我開始要改變一下以前的溫書方法了，而且還要增加溫書時間才可以，因為還有約半年便要考ALevel了...... 以下是我每一日的時間表： 早上起床返學，三時至四時放學 這樣的生活一點也不好過！很辛苦啊，到底我能不能以這樣的狀態捱到考公開試呢？真是令我擔心！ (結果當然係得，F.7容乜易就過左la...我而家反而好enjoy以前溫習的滋味ar...好想做英文功課...) →中文老師的地獄溫習法二 提到溫書的方法，記得以前讀中五的時候副校長中文科老師曾建強教了我一個溫書方法，就是專注在晚間深夜溫習，因為在深夜，可遠離嘈吵的社會，可以更加集中精神，而且他提議我們要溫到二時才能睡，明日照常七時起身上課。就算一日只睡五小時也需要的，為了公開試，這一年便要涯過去。 他更說他以前讀預科時也是這方法的，所以結果得到令人滿意的成績。 但我覺得這個方法太變態，一日只睡五小時太那個了......如果唔訓下午覺的話是會支時不住的。 →瘋狂的看戲 這幾個星期的八月尾九月初，我在這段時期好像瘋了的不斷睇戲(VCD or DVD)，我覺得現在好像已經看上癮了，因為實在太正了~~Ki成日借戲俾我睇，跟住我自己又買D戲來睇，睇睇埋埋超多！ 我計算過了，截至今天4-9-2001，我在26-9-2001至3-9-2001這八天之內，一共看了共十二套戲！ pty一點幾喎，太誇張了，而我手上還有三套未看，看來我看埋這三套之後我會收手了，不可以再這樣下去了......因為拿這些時間來溫習仲好啦！ →P.math 老師傳授的「四段努力法」 早幾日回校上P.math補課，我的P.math阿sir程汝初副校長佢提醒我地呢個summer一定要好努力溫習，如果唔係死梗，仲教左我地一招，就係「四段努力法」。 何謂四段努力？ 四段努力就是指將一日時間分成四份，而這四段時間是用來讀書的！ 早上八點起身，洗完面吃過早餐後 阿sir話他要求他正在讀大學二年的兒子以這樣的方法善用暑假，簡直「癲」！ 試問有邊個真係會日日都咁做呢？阿sir話咁樣溫一定可以有「A」有「B」，有「A」有「B」？「abs」就有份！到時個個都溫習溫到瓜晒啦，仲點樣考試呀！ 有人問阿sir「咁咪與世隔絕？」阿sir話「係呀，咁無計架啦」，哇，真係...... 阿sir話「呢個暑假好重要的，第時返學時就會冇左第一段同第二段的時間架啦」，「係呀，連朋友都冇埋tim呀」真係丫... 不過我真係想試一日用呢個方法溫o下習，睇下會得出D咩結果出來？ (結果我冇用到，F.6成個暑假九成去了玩，最後P.math成績如何？-----------好差lor！考mock時唔合格之餘仲得o個10分(100分滿分) <--------係真ga!! 但係我AL pmath又考得好喎，吹我唔漲，haha!) →有趣的飲食習慣 我平時吃的東西很少？ naniiunoyo~~? 其實正好相反！ 我很愛吃東西，尤其是零食！咩糖呀，薯條薯片，朱古力，自製的o者哩等等很雜的食物叫不出名的也有。有時行過M記，咪飲下奶昔，買下雪糕lor。所以我都很煩惱，因為這樣會令我每日都要使用一定數量的金錢...... 我好鐘意一路溫習一路食......好enjoy 而吃正餐的時侯我又唔係食得好少野喎。我一餐食兩碗飯(好正常姐？)，有時如果D「食送」好味的話仲會食多Dtim，早午晚加下午茶少少，有時夜睡的時侯加D宵夜食下，其實都幾誇張。 不過我有個好處，就係食極都不會肥，無論點樣我都係咁的(60kg lor)，我真係覺得呢個係好處離架，因為像我這樣成日食野的人來說，如果係普通人，一早變肥仔啦！而我絕不想做肥仔啊！不想！有很多原因也令我不想~~不想 我覺得我這個習慣很特別，所以寫了出來...但係好鬼晒錢ar~~ 我的朋友金城也是成日食野食到chi晒線，但係佢仲廋過我 |