Sê Jou Sê KLIK HIER

BOEKE EN GESKENKE KLIK HIER

 KRY JOU BESIGHEID OP DIE INTERNET  DIS MAKLIK EN GOU!! SKAKEL DANIE TEL 021 948 93 52   BOEKE

Wat is nou die regte storie?  Hoekom is Peter Marais uit?

Dit lyk vir my nes Kaapstad 'n nuwe burgermeester kry dan begin die "magte"teen hom werk.  Wie die magte is weet ek nie.  Eers was dit die rekenaar in die kantoor van die vorige burgermeester, wat outomaties sy screensaver by die gemoed van Sy Agbare aangepas het.  Sy Agbare se gemoed was soms pornografies van aard.  Na 'n waarskuwing deur die primier om vir hom 'n ander screensaver op sy rekenaar te sit,  het sy Windows98 weer porno gaan download.

Nou kry Peter Marais dieselfde opdrag "ONTRUIM JOU KANTOOR"  'n addendum is blykbaar nou aangeheg by die pligstaat van Kaapstadse burgermeesters, met die opskrif "Vinnige en doeltreffende kantoorontruiming."

Alles het begin met 'n briljante idee van Peter Marais om twee van Kaapstad se bekendste strate Adderley en Waalstraat te hernoem na oudpress. F.W. de Klerk en  Nelson Mandela.

Hierdie geskiedkundige gebeurtenis sou op 16 Junie plaasvind.  Mandela en de Klerk het ook ingestem om daar te wees. Die gebeurtenis sou plaasvind op die hoek van die twee strate, en die sjampanje was klaar gekoop.  Toe sê die ANC dat die publiek nie die hernoeming van die strate steun nie, en dat die proses uitgestel moet word.  Marais het die hernoeming uitgestel, maar gesê dis "uit eie oortuiging"  Hy het ook ontken dat die meerderheid nie die hernoeming steun nie.

'n Klein oorloggie bars toe los op Vrydag 18 Mei oor 'n verkeers dagvaarding waarop die naam NELSON MANDELA tussen hakies na Adderleystraat verskyn.  Die publiek kon nog tot Maandag 21Mei hul mening oor die saak gee, maar duidelik was die besluit klaar geneem, of nie?

Mnr. Cameron Dugmore van die ANC in die Wes-Kaap het ondermeer ook toe gesê dat Marais tot 'n skokkende vlak gedaal het, en dat  hulle probeer om 'n dooie perd te verkoop.

Die verkeershoof van Kaapstad het ook ontken dat hulle opdrag gekry het om
Nelson Mandela op dagvaardings te gebruik.

Tony Leon, leier van die DA, was blykbaar van die begin af gekant teen die ding. Sy rede was dat dit nie die gevoel van die meerderheid is nie, en dat hy moontlik steun kan verloor, terwyl Gerald Morkel, premier van die Wes-Kaap gesê het "die publiek moet besluit".

Intussen het die provinsiale sekretaris van die UDM Grand Twigg, tot die hernoemingsdebakel toegetree, en die ANC jeugliga van die Wes-Kaap beskuldig van openlike minagting van Mandela.  Die ANC jeugliga in die Wes-Kaap het Mandela versoek om sy goedkeuring vir die hernoeming te onttrek.

Op 24 Mei spreek Marais die Kaapstadse Persklub toe, en sê dat "Ons moet waak daarteen om applousverslaafdes te word, politici wat alles net vir applous doen."  Wat hy seker hiermee bedoel is dat die publiek  nie altyd 'n politieke besluit moet steun nie?

Alle hel het losgebreek na sy uitlatings by dié vingerete, een van vele wat nog vir hom voorgelê het vir die dag. Sekere DA lede het die uitlatings bestempel as 'n klap na Leon en Morkel.  Hulle twee was nou baie ontevrede oor die hele kwessie.

Wat Marais as 'n bleik van versoening wou doen, het nou verdeeldheid gebring, en toe kom die vervalsing.

Handtekeninge is blykbaar vervals op versoekskrifte om Marais se voorstel te steun,en die eenparige besluit van die stadsbestuur om die strate te hernoem. Terwyl Marais in Durban was het die DA in sy afwesigheid 'n vergadering gehou, en besluit om 'n kommissie aan te stel sodat die bewerings ondersoek kan word.

Hiermme was die ANC nie tevrede nie en het vervolging geeis. Op 'n uitnodiging van adv. Joe van der Westhuizen, wat die saak ondersoek het, het niemand op 23 Julie opgedaag om te getuig nie. Volgens die adv. lyk dit vir hom of die dokumente wel vervals is.  Intussen kry adv. Willem Heath ook opdrag om die saak te ondersoek, en is almal in afwagting oor sy bevinding. Ebrahim Rasool noem nou die debakel "politiek gemotiveerde misdaad."

Soos met Hansie word die geestelike leiers toe betrek, en prys die amptelike burgermeestersleraar van die unistad Kaapstad, pastoor Theo Noble, vir Marais en sy woordvoerder Johan Smit, wie se amptelike woordvoerderskap ook aan 'n lyntjie hang.  Noble word toe ook betrek by die kullery storie, maar dit verwerp hy ook, en verdwyn dan van die toneel..

Tydens die Heath ondersoek daag daar toe 'n ene Mev. Marion Samuels van Manenberg op, en sê dat sy namens 'n paar “de Klerk bewonderaars” geteken het.

Was sy die laaste blokkie van die legkaart?

Die Heath verslag wat reeds op 14 Augustus gereed moes wees was toe  op 30 Augustus deur die DA ontvang en op grond van die bevinding van Heath is  Marais versoek om sy kantoor te ontruim.

Is dit die einde van Peter Marais? Ek wonder.
 Sê jou sê hieroor KLIK HIER