葉 蒨 文 （ 沙 麗 ） 前 晚 盛 裝 出 席 紅 娛 樂 有 限 公 司 為 她 舉 行 的 歡 迎 加 盟 儀 式 ， 名 為 「 紅 、 葉 音 樂 結 聚 時 」 記 者 會 ， 儀 式 在 洲 際 酒 店 隆 重 舉 行 ， 筵 開 十 三 席 。 為 配 合 紅 娛 樂 會 場 特 別 布 置 成 一 片 紅 ， 鮮 豔 奪 目 。 無 線 和 三 個 電 台 高 層 都 有 出 席 捧 場 ， 張 國 榮 、 鄭 秀 文 亦 有 致 送 花 籃 到 賀 ， 不 過 沙 麗 的 另 一 半 林 子 祥 則 由 頭 到 尾 都 沒 有 出 現 ， 沙 麗 笑 說 ： 「 我 冇 請 佢 。 」

阿 Lam 怕 煩 放 行
沙 麗 簽 約 紅 娛 樂 兩 年 在 樂 壇 再 度 出 擊 ， 坦 言 全 因 一 個 男 人 。 她 笑 說 ： 「 就 係 Duncan 黃 劍 濤 （ 即 該 公 司 行 政 總 裁 ） ， 為 呢 個 冇 頭 髮 男 人 ， 我 自 己 個 男 人 （ 即 阿 Lam ） 叫 我 快 出 碟， 唔 好 才 屋 企 煩 住 佢 。 」 沙 麗 自 言 六 歲 開 始 已 好 鍾 意 唱 歌 ， 希 望 做 一 個 歌 手 ， 她 覺 得 上 天 賜 予 她 一 把 靚 聲 的 天 賦 ， 她 不 應 浪 費 ， 她 笑 說 ： 「 我 呢 世 最 叻 就 係 唱 歌 ， 驚 下 世 冇 呢 好 俾 我 。 」

楊 生 花 籃 到 賀
紅 娛 樂 乃 屬 於 英 皇 集 團 旗 下 的 公 司 ， 但 前 晚 沙 麗 的 簽 約 歡 迎 儀 式 ， 老 闆 楊 受 成 並 沒 有 出 現 ， 只 有 花 籃 到 賀 。 沙 麗 解 釋 ： 「 早 就 講 好 紅 娛 樂 係 完 全 獨 立 的 公 司 ， 楊 生 俾 晒 Duncan 自 己 決 定 去 做 ， 由 我 傾 約 至 今 ， 我 同 楊 生 都 冇 見 過 面 ， 電 話 都 冇 通 過 ， 但 我 諗 過 都 應 該 請 楊 生 食 餐 飯 見 個 面 ， 點 知 我 得 日 搵 Duncan 約 ， 咁 楊 生 要 打 牌 咪 冇 見 。 」

英 皇 的 歌 手 藝 人 是 非 甚 多 ， 她 可 有 擔 心 過 ？ 沙 麗 說 ： 「 我 都 有 諗 過 ， 但 我 諗 冇 辦 法 理 到 ， 好 似 如 果 屋 企 有 事 ， 未 必 關 自 己 事 ， 我 唔 擔 心 。 」 再 闖 樂 壇 她 將 面 對 好 大 競 爭 ， 沙 麗 表 示 沒 有 擔 心 過 ， 她 說 ： 「 出 得 就 預 。 」

沙 麗 承 認 在 其 傾 約 期 間 ， 公 司 間 接 向 她 表 示 對 阿 Lam 都 有 興 趣 ， 她 不 介 意 跟 老 公 同 公 司 合 作 。 她 笑 說 ： 「 我 們 係 連 體 嬰 ， 根 本 分 唔 開 。 （ 合 約 有 冇 訂 明 呢 兩 年 唔 准 你 生 BB ？ ） 冇 喎 ， 依 家 都 好 新 潮 ， 生 都 可 以 抱 住 出 ， 不 過 阿 Lam 都 有 兩 個 細 路 ， 我 又 有 兩 隻 狗 仔 ， 唔 使 生 啦 。 仲 有 我 個 大 BB （ 指 阿 Lam ） 夠 我 湊 喇 ， 佢 又 黑 又 有 鬚 。 」 而 昨 晚 沙 麗 偕 同 老 公 阿 Lam 以 及 朱 玲 玲 等 已 飛 往 歐 洲 度 假 ， 八 月 初 才 返 港 。

「 紅 娛 樂 」 行 政 總 裁 黃 劍 濤 送 沙 麗 一 對 價 值 五 位 數 字 的 鑽 石 耳 環 作 歡 迎 禮 物 。