阿Lam畫卡賀葉蒨文生日

　葉蒨文（Sally）與兩位新人蕭正楠、趙頌茹昨日應港台邀請，出席《黃金歲月》記者會，Sally透露剛度過四十一歲生日，她表示生日那天過得非常開心。

　至於阿Lam送甚麼生日禮物給她？沙麗笑得甜絲絲說：「阿Lam親手做咗一張卡畀我，上面貼咗我哋兩個嘅相，重畫咗花，佢咁有心思，我真係好感動，但其實我之前無意中打開衣櫃已經發現咗，不過我冇話比阿Lam知，收到份禮物一樣扮到好意外。」

蕭正楠知衰

　昨日大會安排Sally與蕭正楠坐在一起，記者要求兩人合照時，她曾經望過蕭正楠幾次，似乎想打招呼，但蕭正楠專心望着台前，未有察覺Sally的眼神，當活動完畢後她再次主動向蕭正楠說拜拜，還說：「好多新人都未見過。」

　蕭正楠事後知衰，解釋不是對沙麗冇禮貌，他大為緊張說：「我真係唔知Sally望咗我幾次，因為我冇戴隱形眼鏡，重以為佢想搵助手攞紙巾，真係冇心嘅。」

採訪、攝影：謝慧玲