|
資料由成報提供
28-
10-
2002
陳奕迅大玩「頂包遊戲」
|
|
由新城舉行的《Eason & Girlfriends音樂會》邀得何韻詩、盧巧音和葉蒨文任特別嘉賓，而捧場的就有陳奕迅的父親、女友徐濠縈、梁漢文、葉德嫻、霍啟剛等。一開場Eason便用手風琴伴奏，唱出羅文的名曲《幾許風雨》。 |
Eason開音樂會亦不忘老友霆鋒，早前更專程抽空前往探望，他指霆鋒在家中都是玩遊戲機。問到是否覺得霆鋒瘦了？他就笑笑口說：「幾靚仔啊。(有報道話王菲上過去探佢喎？) 係？我上到去只係見到佢、工人同埋隻龜。(莫非佢屋企太大，你見唔到？)佢屋企只得二百呎，佢只係租咗一個閣仔，你估佢好有錢啊？其實窮到燶。」
Eason又自爆收到歌迷電郵給他的一個「頂包遊戲」，他說：「我覺得好搞笑，都頂到十幾秒㗎。（有冇介紹畀霆鋒啊？）佢都唔玩電腦嘅，係電腦白癡。」對於該遊戲是設計出來揶揄霆鋒的，他作為朋友竟然亦玩個不亦樂乎？他就謂：「應該玩，成個社會都需要玩，大家要多啲幽默感，我嘅宗旨都係要好玩。」說到在開場時選唱籮記的歌曲，Eason直言是向對方致敬。他最近看到很多籮記當年經典金曲的MV，令他大讚精采。
而盧巧音談及王菲加盟Sony，她就謂自己從來沒有擔心，不會因為別人加盟打沉自己，她直斥：「呢啲係Bull Shit！」
記者：丘紅
攝影：容子堂