=============================
TAWG PAJ RAU SAUM YAJ- TXI TXIV RAU NRUAB YEEB, UA NEEJ NYOB MUAB SIAB NRHIAV KAWM KEV TXAWJ NTSE, TXOG HNUB OB TOG TAW LAUG LOS SIB HAUM- KOJ THIAJ YUAV UA CUAB NEEJ TSHEEJ
=============================
Muaj ntau xyoob ntoo thiab txhiam xws thiaj li txawm tau zoov nuj txeeg, ua neej nyob nquag plias, muaj kev kawm- muaj kev txawj ntse thiaj li peem tsheej ib cuab neeg muaj kev vam meej !!!
==============================
Niam yug poob ntav los liab qab nrog ob txhais tes qhuav, ua neej nyob yuav tau siv dag mus tawm zog- thiaj li yuav nrog luag tau noj txhij mus hnav txhua !!!
==============================
Nplij ntuj thiaj yuav tau ntuj ntoo- nplij niam nplij txiv thiaj ua neej nyob mus tau zoo. Nplij ntuj thiaj yuav tau ntuj li txuj- nplij niam nplij txiv thiaj yuav ua tau lub neej nyob mus txim nuj !!!
==============================
Tau noj lub txiv ces nco ntsoov txiaj ntsig tus cog tsob ntoo, ua lub neej nyob mus tau zoo ces nco ntsoov txiaj ntsig tus yug thiab tu yus loj hlob !!!
==============================
Lag luam yuav zoo ces yog thawj ntsug, txij nkawm yuav zoo ces yog thawj tug !!!
==============================
Qoob loo tsis zoo tsuas yog ib cim xwb, tau tub roog tsis zoo ces tag ib sim !!!
=============================
Thaum koj luag zoo siab ces neeg thoob ntiaj teb yuav nrog koj luag, tab sis thaum koj qhuaj pobb kua mug ces koj yuav tau quaj ib leeg xwb !!!
=============================
Nyiaj txiag yog kua muag iab kua muag daw !!!
=============================
Ua neej nyob txhob tu siab tias yus pluag, tu ua ntsuag thiab pluag dua yus tseem muaj !!!
=============================
Muaj thiab pluag nyob ntawm txoj hmoo, phem thiab zoo yeej nrog ces yug los !!!
=============================
Txaus siab nrho rau yam koj muaj, ua neeg nquag ib hnub yeej nplua nuj !!!
=============================
Txhob npaj siab tos yam uas tsis tau los, txhob ntsaw yam uas tsis muaj tseeb !!!
=============================
