Raimbaut de Vaqueiras

Raimbaut de Vaqueiras foguèt un dels primièrs trobadors a venir dins las còrts d'Itàlia, e visquèt longtemps en Piemont, dins la còrt del Marquès Bonifaci I del Monfèrrat, que lo fasquèt cavalièr dins l'an 1194, e amb ele s'en anèt dins lo 1201 per una crosada, ont trobèt sa mòrt.
Coma trobador es important, pas sonque per sa influencia sus la poesia italiana d'aquel temps, mas tanben perque dins sas cansons ensajèt de renovelar los arguments e las sòlucions formalas de la poesia trobadorenca: exèmples son lo famós "Garlambey", descricion d'un tornament entre cavalièrs, l'estampida "Kalenda Maya", la tenson amb una domna de Genoa (lo texte occitan-genoes es un dels primièrs textes escriches amb un dialècte italian) o encara l'exèmple occitan de la "cantiga d'amigo" portoguesa "Altas Ondas".

Altas ondas que venez sus la mar

Altas ondas que venez sus la mar,
que fay lo vent çay e lay demenar,
de mun amic sabez de novas comtar,
que lay passet? No lo vei retornar!

Et oy, Deu d'amor!
Ad hora.m dona joy et ad hora dolor!

Oy, aura dolza, qui vens dever lai
un mun amic dorm e sejorn'e jai,
del dolz aleyn un beure m'aporta.y!
La bocha obre, per gran desir qu'en ai,

Et oy, Deu d'amor!
Ad hora.m dona joy et ad hora dolor!

Mal amar fai vassal d'estran pais,
car en plor tornan sos jocs e sos ris.
Ja non cudey mun amic me trays,
qu'eu li doney ço que d'amor me quis.

Et oy, Deu d'amor!
Ad hora.m dona joy et ad hora dolor!

A la pagina precedenta