Home

ANAKBAYAN ORIENTATION

 Ano ang ANAKBAYAN?

Ang ANAKBAYAN ay isang Pambansa Demokratikong Kumprehensibong Organisasyong Masa ng kabataang Pilipino na nagbubuklod sa kabataang manggagawa, magsasaka, mala-manggagawa, mangingisda, estudyante, propesyunal, kabataang di nakakapag-aral, migrante, kabataang simbahan, Moro at iba pang pambansang minorya, at kababaihan para kamtin ang tunay na Pambansang Demokrasya na may Sosyalistang Perspektiba. Binubuo ito pagkilala sa makasaysayang papel ng kabataan bilang isang pwersang tumatangkilik at nagsusulong ng pagbabagong panlipunan laban sa luma at mapanupil na sistemang malakolonyal at malapyudal na pumupigil sa pag-unlad. Mayaman ang karanasan ng pakikibaka ng mga kabataan mula pa sa panahon na itinatag ang Katipunan, sa panahon ng sigwa ng dekada ’70 hanggang sa kasalukuyan.. Sa pagbubuo ng ANAKBAYAN, kinikilala rin ang signipikanteng bilang ng kabataan sa populasyon ng Pilipinas, isang makapangyarihang pwersang dapat bigkisin at pakilusin para sa pagbabago. Kalkahan ng kabataan ay nagmumula sa hanay ng mga maralita sa komunidad, manggagawa at magbubukid. Sila ang bumubuo ng mayorya ng kasapian ng ANAKBAYAN.

 Anu-ano ang mga kalakasan at kahinaan ng kabataan?

    Ang kabataan ay nasa kasiglahan ng kanyang buhay, nagtataglay ng lakas ng pangangatawan, hindi pa gaanong tali sa produksyon at malalaking responsibilidad sa buhay. Ang ilan sa kanila ay may malaking panahon sa pag-aaral ng teorya mula sa mga aklat lalo na ang mga kabataang nakakapag-aral. Bilang kabataan taglay nito ang positibong katangian tulad ng talas ng isip at pagiging kritikal, pagkamalikhain at puno ng rebolusyunaryong sigla dulot ng kagustuhang baguhin ang lipunang sila ang magmamana.

 Mga kahinaan ng kabataan?

    Subalit sa gitna ng mga kalakasang ito ay may mga kahinaan din ang mga kabataan n adapt pagbantayan at bakahin. Dahil nga ang kabataan ay nasa kasiglahan ng kanyang buhay, nasa gitna din siya ng sangandaan ng kanyang buhay. Ito ang panahon ng pagpapasya kung yayakapin n’ya ang buhay ng paglilingkod sa sambayanan o buhay tungo sa landas ng pansariling interes. Gayundin mahalagang kilalanin at pangingibabawan ang mga natatanging negatibong katangian ng kabataan. Dapat bakahain ang indibidwalismo, pagkamapusok, mabuway na paninindigan at pagiging mainipin upang lubusang matahak ang landas ng paglilingkod sa sambayanan. Kung hindi babakahin, mag-aambag lamang ito sa pagpapatuloy ng mapang-api at mapagsamantalang kaayusan. Kayat ang kabataan ay mahalagang mag-aral ng kasaysayna, kalagayan at pakikibaka ng sambayanan. Kailangang tumungo sa batayang masa para makipamuhay, makipag-aralan at makibaka sa hanay nila. Sa ganitong kaparaanan lamang mababaka ang mga kahinaan upang makapagpanibagong hubog ang kabtaan at makapagpunyagi pa sa Pambansang Demokratikong pakikibaka.

 Ano ang ipinaglalaban ng ANAKBAYAN?

Kinikilala at ipinaglalaban ng ANAKBAYAN ang Trabaho, Lupa, Edukasyon, Karapatang Sibil at Politikal, at Serbisyong Panlipunan (TLEKS) bilang mga kagyat at pangmatagalang suliranin ng kabataang Pilipino. Kinikilala ng ANAKBAYAN na ang mga suliraning ito ay hindi maihihiwalay sa pangkalahatang suliranin ngng mamamayang Pilipino at sa pangkabuuang mithiin para sa tunay na kalayaan, demokrasya at katarungang panlipunan.
Sa ngayon, ang kabataang manggagawa ay labis na pinahihirapan sa sistema ng mababang pasahod, kontraktwalisasyon at malawakang tanggalan. Ang uring manggagawa na lumilikha ng yaman ng bansa ang s’yang lugmok sa kahirapan. Malaki ang bilang ng mga mamamayan na walang trabaho at pinakamataas ang bilang ng mga walang trabaho ay matatagpuan sa hanay ng mga kabataan. Sa malawak na hanay ng mga magsasaka sa kanayunan ang siyang pangunahing sinasalanta sa kasalukuyan ng “Globalisasyon” patuloy ang malawakang pangangamkam ng lupa at land use conversion, upang tumugon sa pangangailangan ng pandaigdigang pamilihan. Habang patuloy naming bumabagsak ang produksyong agricultural na pumapatay sa maliliit na magsasaka  kasabay nito ay ang walang humpay na militarisasyon na nagduduot ng malawakang dislokasyon at paglabag  sa karapatang panatao, upang isakatuparan ang mga proyekto ng dayuhan at pamahalaan na lalong nagpapalala sa lugmok na ngang kalagayan ng mga magsasaka sa kanayunan. Walng mkabuluhang pagbabago sa kalagayan ng uring magsasaka. Lalong lumalala ang kakulangan o kawalan ng lupang sinasaka. Kaya tulad ng kanilang mga magulang ang kabataang magbubukid ay dumadanas din ng ganitong mga suliranin.Hindi rin ligtas sa atake sa kanayunan ang mamamayang Moro at iba pang pambansang minorya sa pamamagitan ng sapilitang pag-aagaw sa kanilang lupang ninuno at pgawasak sa kulturang kanilang kinagisan.ang kabataang estudante ay pinahihirapan ng taunang pagtaas ng matrikula at iba pang gastusin, ng walnag habas na panunupil sa kampus at maka-dayuhang oryentasyon ng sisitema ng edukasyon. Ang kabataang Pilipino ay pinagkakaitan ng makabuluhang serbisyong panlipunan hindi lamang ng edukasyon kundi pati serbisyong pangkalusugan, pabahay, atbp. Ang demokratikong karapatan ng kabtaang Pilipino ay siil sa ilalim ng kasalukuyang sistema. Ang mga kabataan ay dumadanas din ng paghihirap tulad ng kanilang mga magulang na manggagawa at magsasaka, sa ilalim ng mapang-aliping sistemang malakolonyal at malapyudal. Walang magandang kinabukasan ang kabataan – manggagawa, magbubukid, estudyante, maralita sa komunidad – sa ilalim ng kasalukuyang sistema. Nais ng kabtaang baguhin ang ganitong kalagayan. Interes nila ang magbuklod kasama ang buong sambayanan para ipaglaban ang kanilang mga kahilingan at ipagpatuloy ang pakikibaka ng kanilang mga magulang,

 Paano itinataguyod ng ANAKBAYAN ang kanyang ipinaglalaban?
    
    Naniniwala ang ANAKBAYAN sa istorikal na pangangailangan para magbuklod at lumaban ang kabataang Pilipino at isanib niya ang kanyang lakas sa lakas ng kilusan ng batayng masa. Upang ipaglaban ang mga kagyat na kahilingan kinakailangan ang sama-sama, organisado at militanteng pagkilos ng kabataan sa paaralan man o sa komunidad ng maralitang lunsod, pagawaan o hacienda. Upang maging puspusan at mapagpasyang maipagwagi ang mithiin nito, naniniwala ang ANAKBAYAN na kailangang imulat, organisahin at pakilusin ang malawak na bilang ng kabataan at isanib niya ang kanyang kilusan sa kilusan ng masang manggagawa at magsasaka para maipagtagumapy ang pambansa demokratikong pakikibaka. Kaya kinakailangang ang mga kabataan ay tumungo, makipamuhay, matuto sa kilusan ng batayang masa at makibaka sa hanay nila.

 Sino ang maaring sumapi sa ANAKBAYAN?

    Ang sinumang may edad labing tatlo (13) hanggang tatlumpo’t lima (35) na naniniwala at itinataguyod ang mga nabanggit na prinsipyo at programa ng ANAKBAYAN ay maaring maging miyembro ng ANAKBAYAN. Sa mga hindi pa umaabot ng edad 13, sila ay itinuturing na mga probisyunal na kasapi. Para sa lagpas na edad 35, maari silang ituring na honorary member. Dahil nga komprehensibong organisasyong masa ang ANAKBAYAN, nagpapasapi ito mula sa mga manggagawa, magsasaka, mala-manggagawa, mangingisda, estudyante, propesyunal, kabataang di nakapag-aral, migrante, kabataang simbahan, Moro at iba pang pambansang minorya, at kababaihan. Maari ring maging kasapi ng ANAKBAYAN ang mga kabataang Pilipino sa ibayong dagat.
    Ang mga organisasyon ng kabataan na naniniwala at handing itaguyod ang mga prinsipyo’t programa ng ANAKBAYAN ay maaring ituring na “affiliate organization.” Ibig sabihin, ang kanilang organisasyon, pati ang mga indibidwal na kasapi nito, ay ituring na kasapi ng ANAKBAYAN.

 Ano ang Chapter ng ANAKBAYAN? Anu-ano ang mga tungkulin nito?
    
Ang Chapter ng ANAKBAYAN ay ang batayang yunit ng organisasyon. Ito ay binubuo ng labing isang (11) kasapian na pormal na itinitipon bilang Chapter. Ang Chapter ay nagpapalaganap ng mga prinsipyo, layunin at patakaran ng organisasyon. Tungkulin nito na itaguyod ang interes at kahilingan ng kabatan at mamamayan. Ang Chapter ay nangangalap ng kaspai, nangongolekta ng buataw at nangangalaga sa record ng kaspaian. Napakahalagang tungkulin ng Chapter na patuloy na pataasin ang kamulatan at kakayahan ng kaspaian nito sa pamamagitan ng patuloy na pag-aaral, integrasyon sa batayang masa at paglahok sa mga kampanya at pakikibakang masa. Ang mga balangay ay naglulunsad ng iba’t-ibang aktibidad na magbibigay ng pagkakataon sa bawat kaspai na makalahok sa mga Gawain batay sa antas ng kamulatan. Ang chapter, mga istrukturaat aktibidad nito ang magsisilbing daluyan ng demokratikong partispasyon ng kaspaian.

Ang chapter ay naglulunsad ng mga pangkalahatang asembilya at pulong masa. Naghahalal din ito ng pamunuan na pangungunahan ng Tagapangulo, Pangkalahatang Kalihim at Opisyal sa Edukasyon. Kailangang buuin ng Chapter para sa mas mahusay na magampanan ang mga gawain ng ANAKBAYAN Ant Komite rin ang nagsisilbing daluyan ng demokratikong partisipasyon ng kasapian. Maaring buuin ang iba’t ibang komite na naayon sa mga linya ng Gawain tulad ng edukasyon, propaganda, pinansya, Gawain sa pabrika/komunidad at iba pa. maari ding magbuo ng mga komite para sa aktibidad na titipon sa malawak na bilang ng kasapian. Ang isang kasapi ay maaring mapabilang sa ilang Komite, batay sa kakayahan. Nagbabago ang komposisyon ng komite depended sa diin ng Gawain sa particular na panahon. Nababago ang nilalaman ng komite batay sa kapasyahan ng General Assembly o Mass Meet.

 Tungkulin ng Chapter

1.    palaganapin ang linya, programa at patakaran ng ANAKBAYAN.
2.    buuin ang istruktura para sa demokratikong partisipasyon ng kasapian.
3.    magrekluta ng bagong kasapi, mangolekta ng butaw, magbuo ng mga bagong balangay.
4.    maglunsad ng mga pag-aaral sa hanay ng kasapian.
5.    regular na maglunsad ng mga integrasyon sa batyang masa – piketlayn, sakahan at komunidad.
6.    pag-aralan at siyasatin ang pangangailangan, kalagayan at interes ng kabataan.
7.    magsagawa ng mga aktibidad na titipon at magpapakilos sa kasapian.
8.    mamahagi ng mga publikasyon, babasahin ng ANAKBAYAN.
9.    magsumite ng napapanahong ulat.


Paano sumapi sa ANAKBAYAN?

    Maaring sumapi at magiging miyembro ng ANAKBAYAN ang lahat ng kabataan na naniniwala at nagtataguyod ng prinsipyo at programa ng ANAKBAYAN pagkatapos matupad ang sumusunod na pangangailangan:

 Oryentasyon ng ANAKBAYAN
 Pagpasa ng Membership form sa mga opisyal ng ANAKBAYAN
 Pakikipagpulong kasama ang ibang miyembro ng ANAKBAYAN