2003年 06 月 30 日 星期一 【晴】
考完地理呢科好無奈既科目之後，我就同哎呀妹妹上左何文田廣場既麥記度食LUNCH，無幾耐阿DICK、JIMMY同阿蕉（＆一個我唔識既同學仔）都黎左，我地玩左陣，又同個好得意既ＢＢ影相。之後阿蕉、JIMMY同我一齊送牛牛返學校補課，然後我就同阿蕉一齊行返土瓜灣∼ 返到屋企，係咁訓，不省人事……
2003年 06 月 29 日 星期日 【晴】
好好彩，今年做左紅十字會既代表去參加太陽計劃∼！我地差唔多十點就過到去港台，我同峰少仲搵左YOYO
同我地影相添∼！本來仲想同林嘉欣影相架，不過錯過左個機會……做左一陣佈景板之後，我地三母子同其他制服團體既朋友仔影完相之後就落旺角，因為峰少約左叡叡去食LUNCH，我地響吉野家食完
LUNCH
之後，我就去當值，佢地就去買禮物。之後峰少就上黎捐血，我地等佢捐完血之後我就收工，然後一齊過媽媽屋企玩∼！我地玩波子棋啦、彈琴啦、跳繩啦、呼拉圈啦……好好玩∼！無幾耐峰少就返屋企打機，小婷黎玩左陣就走左，我地就響媽媽間房度玩電腦，後來輝輝上埋黎，我地就去食飯。響吉之島邊食野邊玩，然後又去聚寶坊行左陣。行完送左媽咪返屋企，我同叡叡就搭車返屋企。
2003年 06 月 28 日 星期六 【晴】
又係星期六，係最後一次去信義小學同班學生睇ＶＣＤ。好開心，係因為我同ANNIE
自己調左組，佢去小一我去小六，之後佢話班小一既小朋友問起點解唔見左我∼！抵錫∼！之後就去旺角捐血站當值。做到四點鐘左右，媽媽黎接我放工，陪媽媽去買花俾JESSIE，響地鐵站出口仲見到個好得意既ＢＢ，雖然唔識但係佢媽咪都俾我抱住佢影相∼！之後同JESSIE
響地鐵站會合左之後，一行十幾人就一齊去NEWAY CITY
唱Ｋ，之後又一齊去食糖水。十點幾我地就解散。我同崔峰送左我既囡囡阿LING
返屋企之後，兩條友就響球場個公園度吹水，十二點幾就返去，因為第二朝我地兩個都要早起身。
2003年 06 月 26 日 星期四 【陰】
中文小組討論雖然係全組最好，有六點五分，但係都覺得呢個成績好唔理想。十一點幾去剪頭髮，剪左個唔GEL
會好核凸既髮型。之後返左屋企沖完涼就落旺角會合牛牛，因為今日到佢地去睇＜千機變＞，我就同佢地玩到入場，仲撞到次次見到佢都係講緊電話既獅子仔∼^^ 今日既陣容好大，依見到次序數有崔峰、肥曦、傻鴨、峰少、濠哥、媽媽、小婷、占士、JIMMY、華少……（迪佬無去睇戲，唔數佢）我無緣一齊玩，唯有自己返屋企先。返去之前行左陣玩具鋪同ＯＫ，睇到樣野想買俾哎呀妹妹，不過無錢，但係就買左第二樣野俾苦榮∼（窮嘛，將就下啦）於是我就拎去俾牛牛幫我俾苦榮。我仲同佢＆叡叡去左食雪糕同玩左陣，之後就返左屋企LU∼
2003年 06 月 25 日 星期三 【晴】
放左學返左屋企，十二點幾大囡囡打電話俾我，叫我一齊去睇＜千機變＞。我想睇好耐，所以就出左去奧海城一齊睇。去到見到好耐無見既囡囡同椰子，掛到好想攬住佢地。我地入到戲院，裡面個個都坐錯位，仲有條友笑聲誇張到全場都聽到，仲要好難聽……套戲雖然好笑，但係唔好睇，絕對地失望，因為最吸引我既片段全部
CUT
晒……睇完之後我地去百佳行左陣，然後囡囡就過鑽石山學日文，椰子去旺角，我就落油麻地買Ｕ帽。
2003年 06 月 24 日 星期二 【晴】
收到個來自峰少既消息，謝SIR
離開左呢個世界。最初我以為係有人惡作劇，甚至連段官方公函都唔信，仲想搵出邊個衰人咁樣咒謝SIR！直到問
TRACY，證實左呢個消息之後，我先信呢個係事實……我好掛住謝SIR，佢一直都響我個心入面，係我響紅十字會既學習對象。佢無架子、關心我地、處處為我地著想……如果可以，我好希望參與謝SIR
的喪禮，見他最後一面，送他最後一程……
謝鏡添這個名字，將會永遠在我的腦海。您的精神，將留在我的心內，讓我繼續學習您熱心公益、提攜並關懷後輩的行舉。雖然我未能及得上您般好，但我會盡力而為……就讓我再一次向您衷心致敬！
2003年 06 月 24 日 星期二 【晴】
唔駛考中史，於是就返學校試食，因為今日有四間食品供應商上黎學校俾野食我地試，遲下學校會改用第二間食品供應商。食飽我就同周仔上總部，事關我尋晚約左牛牛同苦榮去唱Ｋ，我太耐無見過佢地，好掛住呢隻牛牛同小苦榮呀∼！我地響總部玩左陣，十一點半左右就搭小巴落去旺角加州紅開位，之後峰少、JIMMY&崔峰就跟住黎。我地唱Ｋ之餘仲係咁玩同鬥0即，仲輪住咁0即峰少、苦榮同牛牛添∼！JIMMY
就買左個黑色豬型火機黎（黑豬，咪即係我？！），我同崔峰係咁拎黎玩同影相，因為隻野實在係好可愛。真係玩得好開心！三點左右唱完Ｋ，崔峰、牛牛同我就過潮流特區度買禮物俾
JESSIE，因為佢今個星期六就生日啦！我地上到去同兩個售貨員姐姐邊揀野邊講笑，最後終於買左樣好得意既野。之後我地陪牛牛去交電話費，然後就送佢返屋企，崔峰就去圖書館，我就返屋企∼
2003年 06 月 23 日 星期一 【晴】
考兩份中文卷，係最輕鬆既兩份∼ 一放得我就去左搭地鐵過觀塘，因為約左
LYDIA
同佢個朋友仔去唱Ｋ。過到去，我地響街市食檔度食野＆傾計，大約兩點鐘就上
NEWAY
唱Ｋ。我地一唱就唱到八點，跟住就去搵車搭，點知一搵就搵左好耐，因為改左站之餘，仲搬得實在太遠……之後送左
LYDIA 返屋企，就到我自己行返屋企。
2003年 06 月 22 日 星期日 【雨】
家姐一早又返黎同媽咪＆我去食早餐，之後我就換Ｕ落旺角捐血站當值。由12:30
做到2:30，然後就撲過去石硤尾睇蕉LING
既水禮（受浸）。去之前，響旺角街頭見到有七月一日反廿三條大遊行既
T-SHIRT
賣，於是我就去買啦。點知一俾錢就聽到好多影相聲，原來有好多記者響度影相，仲有記者同我做左個好簡單既訪問。睇黎我聽日可能會上報呢！ ^^ 講返蕉LING，佢好似瘦左，不過比以前更加有氣質。同佢影左幾張相，傾左陣計，5:00
左右我又返左去旺角繼續當值，服務員哥哥仲請我食蛋糕，勁好味∼！結果今日都係做到
8:00。開心既係，今日臨走之前有得同姑娘影相，仲有靚靚既CAROL
姐姐添∼！ ^^
自已特製既朱古力咖啡 ＆ 好好味既士多啤梨蛋糕∼∼
2003年 06 月 21 日 星期六 【雨】
最近同阿湧合作，將自己班既人代入晒三國既人物度，然後用小畫家響佢地既相度同佢地畫Ｄ衫呀、盔甲咁，實行設計我地既「６Ａ三國」！而家既進度，係仲有兩三個就畫晒成班啦！可喜可賀！
講返今日，朝早九點幾過到信義小學幫Curie 姐手入校同班小朋友攪活動。入到去一睇之下，先知而家Ｄ細路真係無家教到你唔信！周圍走、嘈生晒，逼住Curie 要我兇佢地先靜得0個一陣……攪到十二點幾，同Curie、Annie、Suki、佩欣＆家倫去食晏吹水。食完我就落左旺角買野，然後上銀城捐血站當值，一直當值到八點。
當完值過左去太子行街，撞到好耐無見既小學同學魚魚。同佢行左一個鐘頭左右，傾左好多野。佢係一個藝術觸角幾強既人，我幾鍾意同佢傾計。之後逆天打俾我，因為佢約左我過荔枝角，於是我就告別左唔知幾時先可以再見既魚魚……同逆天出左去打機、傾計，差唔多十二點先返到屋企。
2003年 06 月 16 日 星期一 【雨】
今日落到自修室見到好多識得既人，除左阿雞、家霖、唔記得名既小學同學……仲見到麗文姐添∼！同佢傾左陣，佢八點半左右就走左。我就溫到十點鐘，之後就同阿雞、好耐無見既小玉＆佢既朋友仔一齊去食野（我就去飲野）。我地又傾又玩，到左十一點三左右我就返左屋企LU∼
2003年 06 月 15 日 星期日 【陰】
呢日都係5:00am
先訓，不過同以往唔同，因為今次我係為左研究同製造一樣野，一樣其他人可能會覺得好無聊既野！但係我整得開心，你又奈我唔何架喎∼！
朝早十點半起身，家姐返左黎同老豆食早餐，事關今日係父親節，而老豆又要返夜，所以就揀左食早晨。我同家姐夾份買左個好型既深藍色斜咩袋俾老豆，家姐仲整左個蛋糕拎出黎添∼ 十二點左右我就過左旺角，要去捐血站當值，因為我成個五月完全無落過去，希望六月可以補返夠Ｄ時數啦……不過今日都幾滿足，因為我已經兩個月無當過值，對Ｄ野有少少生疏。好彩好快我就上返手∼ 父親節似乎多左父親帶小朋友去捐血站，而家就同左好多小朋友玩，仲同個好得意既妹妹畫左幅卡通人像，佢媽咪見到都好開心∼ ^^ 更加開心既，係捐血站之花CAROL 姐姐佢讚我乖，仲送左張好靚既麥兜卡俾我添呀∼！而我今日都有捐血，雖然我原本預期係四月去既，不過又係「非典型」影響……算啦，總之今日過得唔錯∼！
2003年 06 月 12 日 星期四 【雨】
終於睇埋本＜鴿子園＞下集。個故事真係寫得好有意思，美中不足既係個結局略為馬虎左Ｄ。上官龍同張雪響靈隱寺重逢既一幕好感人。一人一鬼，相隔三十年，最後見返面都唔可以擁抱、感受對方，只可以透過三十年前留低既一片茶葉、一粒米雕去意會對方既心意……普天之下最能感動人既，可能莫過於至死不渝既愛情……而令人一世難安既，可能係誤會……
「望鴿子飛向天之巔，情像消失于夢似煙。若問天，老天默然，逝去仍是會掛念。
用血寫寫我一生痴，魚雁可一一讓你知。字字心酸，鴿子情緣，越想我越凌亂。
受傷鴿子愛在那裡復原？情意將摯誠歲月內磨練！紅塵裡相愛，無奈差一線，我用死斷絕懷念！
眼淚，將愛恨沉澱……心凌亂……」
真係好想聽埋＜鴿子園＞套廣播劇∼！一於將呢個網既背景音樂暫時改為＜鴿子情緣＞∼！
2003年 06 月 11 日 星期三 【雨】
尋日響圖書館借既鴿子園，今日已經睇完上集。呢套我一直都好想睇既故事，真係有值得我等待既價值。一個人錯誤既計算，令一對朋友誤成敵對。我一定要襯呢幾日睇埋本下集，因為林海峰既鬼才同武俠既故事實在太吸引我！
2003年 06 月 10 日 星期二 【雨】
剛剛掙扎了好一陣子，因為我不知道今天算是晴還是雨。一朝早把我混身弄得濕透，午後卻開始放晴，待我晚上七時回家時也無半滴雨水。可是當我放了傘在家中後，外出時走到中途才一下子下起暴雨來，沿途也沒有甚麼能避雨的地方，教我再次濕透了身。當我找到地方避雨後，不覺地聯想到些事來。人之所以能在受打擊下快速恢復，是因為他們有所防範，並非完全受創，這也正是我從前百毒不侵似的原因。但這次的打擊實在是來得太突然，而且真如暴雨般頻密的、連連的打到我身上、肩上、頭上來。受得了的！那一瞬間我受得了的間然而教我承受不了的，是事後的頭痛，真的很痛很痛……直到這一刻，我以為止了的頭痛告訴我它仍未止……
2003年 06 月 08 日 星期日 【雨】
以為自己真係可以忘記一切，再次開開心心咁過我既生活，但係原來我做唔到……我開始相信，有Ｄ人同事真係具有好大既能力，可以令你好開心，亦可以令你傷到離唔開痛苦既深淵……
今日執櫃桶既時候拎返Ｄ相簿出黎睇，睇返好多我初中時候既片段，好多事響我個腦度浮現出黎。點解以前要開心咁容易，而家要開心會咁難？相簿裡面當年既好朋友，而家仲有幾多個仲有聯絡？留響我身邊既舊朋友已經少之又少，新朋友亦只係認識好玩同攪笑既我。我既心思，已經絕少人知道。我承認我怕，我怕孤獨，我怕所有人離我愈來愈遠……但事實就是，所有人都開始離我而去……
2003年 06 月 07 日 星期六 【雨】
晨咁早四點幾就起左身，梳洗完之後開左幾個
MTV
睇，然後就去會合小實，再搵埋麗文一齊搭的士過又一城。因為我地今日一齊去機場既「心連心．香港再起飛」活動∼！一去到仲見到偉大既班會主席家曦（可惜佢係黎打氣，唔係一齊去囉…）、哥拉……最開心都係見到媽媽同阿SA∼！我仲同媽媽、小實、貞子、JESSIE、濠哥……好多朋友仔同車呀∼！可惜天有不測之風雲，我地因為天雨既關係，活動取消左，最終坐左三個幾鐘既巴士再沿途折返去又一城。>.<"
返到又一城，我地影完相換晒衫之後，就一齊去九龍城廣場唱Ｋ∼！有媽媽、阿SA、桃姐、JESSIE、關曦、崔峰同我一齊去，玩得好開心∼！唱完Ｋ我地行左陣之後，就各自返屋企LU∼而我就好犀利咁到左第二朝五點幾先訓，用盡左一日廿四小時呀∼！
2003年 06 月 06 日 星期五 【雨】
今日訓醒左諗住執一執本舊記事簿，見返我放左響裡面，三年黎響ＹＬＴ其他學員送俾我既互勉卡。二十一張卡，全部人對我既印象都係正面既。忽然間覺得，既然大家都咁錫我，咁我仲點可以再俾自己咁樣唔開心落去？！
晏晝過左沙田接表妹仔放學，同佢行左陣新城市廣場之後，3:00 左右我就搭車上總部，因為崔峰約左媽媽同我去睇戲。我地響HEAD 同TRACY、RICHMAN 玩到5:00 幾，然後就搭車去黃埔。媽媽返左屋企，我同崔峰就去行吉之島同大眾、食野＆買糖睇戲食。七點幾我地就去買飛入場。＜衰鬼上帝＞係我呢排最想睇既戲，因為係占基利既電影∼！睇完之後，覺得除左好笑之外，仲幾有寓意同幾感人。睇完之後，領會到好多，亦都諗通左好多。好記得戲裡面話過：「奇蹟係要自由創造既……一個單親家庭裡面既媽媽一個人打兩份工，仲要有時間陪仔女踢波，咁至係奇蹟……」真係講得好0岩！由聽日開始，我都要「創造奇蹟」！
ＰＳ：今日真係好開心，見到「電梯事件」就更加係笑到忍唔到，不過個人就有Ｄ頭暈……
2003年 06 月 05 日 星期四 【晴】
早放既一日，我地
11:45就放學，因為今日係學校既畢業典禮。大約 2:00左右我就去到高山劇場，CHECK
U 再加埋聯絡童軍、安排位置，2:30就開始站崗，企到大約3:45。其間我就入左去幫手影相。好開心鮑魚今年幫手做表演嘉賓唱＜祝福＞！完左畢業典禮我就拿拿臨返屋企換衫上HEAD，點知未上到去JIMMY
就打黎同我講佢地已經開完會，我又見唔到澂澂啦，好掛住佢呀∼響HEAD
度吹左陣水，之後就同崔峰落旺角新世紀行左陣。大約
6:45
我就過去帝京酒店，因為今日係中五同中七既謝師宴，作為社長我都有幸
NO PAY
出席，除左免費食自助餐外，最開心既係見返中七既一班好朋友，玩得好癲既朋友！我地全晚係咁吹水係咁玩，玩得勁開心，直到走既時候，心裡面好似有Ｄ野梗住，因為今日之後，唔知幾時先會再見到佢地……鮑魚、阿翁、北菇、宏坤、阿葉、阿強、文仔……唔知幾時會再見到你地呢？……
2003年 06 月 04 日 星期三 【晴】
十一點幾起左身，唔知道原來囡囡同椰子去左行街街，無得同椰子慶祝生日……今個端午節我無睇賽龍舟，我過左去九龍城廣場同關曦、濠鬼唱Ｋ，之後又去打機同玩桌球，我仲買左個G．I．JOE
最新版既FIGURE
添∼！之後同關曦返左樂民村先知原來佢阿爺同阿嫲同我住同一棟、同一層，仲要識左好多年呀∼！佢阿嫲響我細個既時候仲成日送玩具俾我玩架！我地仲好FRIEND添∼！估唔到呢個世界真係咁細∼∼
夜晚同豬媽過維園既六四燭光晚會。之前幾年已經好想去，不過無人陪。現場既氣氛真係好好，仲有黃毓民出黎講野，不過我就俾Ｄ蠟辣親隻手…之後送左豬媽返屋企，我就行返去。中途諗左好多野。去完燭光晚會，好似體會到Ｄ野，雖然唔知係咩，但係個人好似無咁緊……
2003年 06 月 03 日 星期二 【晴】
雖然臨近考試，但係都無心機溫書。
想寫個故事，但係都無心機。到底我既心機去晒邊？
聽日放假，將會又係一個人響屋企靜坐。
你話轉個地方去維多利亞公園坐，會唔會好似有意義Ｄ咁呢？！
2003年 06 月 02 日 星期一 【晴】
慶幸既係，我星期六終於可以去機場砌心∼！本來紅記已經無位無得去，但係今日家霖就俾左個好消息我，就係ＪＰＣ仲有位囉！家霖果然係我既幸運星！
最近聽陳奕迅演唱會既ＤＶＤ，聽到首陳百強既歌。我上網搵返黎聽，雖然無陳奕迅既版本，不過原裝既＜不再問究竟＞都一樣咁好聽…
茫茫然在數星星 天際多麼平靜
獨站夜街中 獨懷念她 不知一街童正踏著我影
頑童還大膽開聲 他說：哥哥眼睛 怎麼怎麼又紅又腫 如像剛剛哭了十聲
Uh Ha… 只好苦笑十聲 並輕抹眼角 淡淡的眼淚影
Uh Ha… 只好解釋有淚水 乃因風砂吹了入眼睛 Ah Ah…
茫茫然續數星星 心裡多麼難靜
獨望著星空 獨懷念她 身邊的街童發悶在跳繩
頑童還大膽開聲 他說：哥哥眼睛 怎麼怎麼在呆望星 難道哥哥想去摘星
Uh Ha… 只好苦笑十聲 並輕抹眼角 淡淡的眼淚影
Uh Ha… 只好跟他玩耍 祈望他不再問究竟 Ah Ah…
2003年 05 月 31 日 星期六 【晴】
ye@h~!!我好乖呀！九點幾就起左身同老豆＆媽咪落街食早餐！兩點幾就同好多好多人去245
既成立暨第一屆宣誓典禮。去到先知原來上次去UG CAMP 識0個個女仔就係245
既HSL∼！中三做 H，掂呀∼！完左個ENROLMENT
之後，我地仲響佢地個HALL
度又步操又唱歌，玩得好開心！玩到5:30
左右佢地學校要收返個HALL，於是我地就去左間「豬專門店」度食野，豬媽仲響度影相囉！食完野，阿SA同桃姐走先，媽媽就返黃埔，關邦、米恆、JIMMY仔同我就去左打機。玩到八點幾，米恆走左先，我地就落旺角，因為隻GAME
都係玩唔到…搭地鐵0個陣又咁橋俾我撞到逆天喎∼！好掛住佢囉∼！於是我地就一齊去行信和，行到差唔多十點，關邦就去搭車，我送左JIMMY返去之後就行返屋企。返到去媽咪要我過婆婆屋企拎粽，結果我就響婆婆屋企訓左成個鐘……雖然今日好倦，但係今日係呢個月裡面我個人最放鬆既一日！ＰＳ：逆天，我隻GAME真係裝唔到囉……睇黎真係要問你借啦∼！ ^^
2003年 05 月 31 日 星期六 【晴】
見到你的名字
卻得不到任何叫喚下的回應
是你在生我的氣
還是發生了甚麼事情？
好像跟你在網絡上捉迷藏
但卻一點也不好玩……
02:39 am
2003年 05 月 30 日 星期五 【晴】
今日蛋周無返，四堂空堂任我玩，過左好
free
既一個上晝。不過就無啦啦唔見左七十蚊，今次真係唔知點死……放左學，我攪埋個壁報之後就跟住教ＧＰＡ個
MISS
去左九龍裁判法院參觀，睇左個好攪笑既法官判左幾單案。之後就去搵老豆、媽咪＆家姐食
TEA。食完就返屋企。
夜晚出旺角換碟，一出到去竟然就俾我撞到中國名演員張鐵林同佢老婆行街。佢真人高我半個頭，仲幾大隻幾型添∼！我梗係行埋去問佢可唔可以影張相啦，點知佢好硬咁用普通話講左句「不可以」，然後急急腳就行左去。既然佢唔想影相，我都唔會偷影佢既。到個幾鐘之後我攪掂晒走既時候又俾我撞到佢，不過今次我無再問佢 lu∼！撞到佢，都叫做一種奇遇丫∼！^^
2003年 05 月 29 日 星期四 【晴】
地理堂蛋周又發作，講Ｄ好混亂既野。呢課書講到有個程式＞１既話就係低能量高效率，我地就問蛋周點解會係低能量，佢既答案係「因為＞１」咁點解又會高效率，佢既答案係「因為低能量」，然後叫我地睇notes……仲有咩好講……之後古綿淳襯蛋周去左洗面既時候拎走左佢上堂要跟住黎講果份
notes，蛋周返到黎起勢咁搵都搵唔到，之後佢講書即刻細聲左，成個謝晒，我地就睇到忍唔住笑。世史堂，好好人既何博士去左覆診，我地兩堂就將課室變左做康樂室。睇波、玩波子棋、睇漫畫、訓覺、打牌、開con……咁就過左個康樂堂。放左學，整左半個紅記既壁報，有剩既聽日先攪
lu∼！
返到屋企，老豆差唔多夠鐘返工，結果出現左一個著褲一個除褲既景象∼！今日突然有個靈感，於是同Ｄ FIGURE 整左兩件衫，又攪左個諗就好型，整左出黎好怪既 FIGURE 頭……好似有Ｄ衰咁……
2003年 05 月 28 日 星期三 【陰】
空堂既時候我做完音樂學會既壁報之後就落左學生會室，原來佢地玩緊七級豬。我當然加入戰局啦∼！結果唐唐同周仔一人輸左一鋪，要請我地食薯條！^^ 到左世史堂我又同家曦影相，因為尋日我同病菜一齊同佢傾水晶既野，結果家曦今日就戴左條茶晶手鏈返黎。佢條茶晶鏈細粒過我，攪到好似情侶裝咁（>.<"）……http://www.pbase.com/image/17189268
放左學同周仔、提子糖去臉譜食LUNCH，影左張好靚既相，仲俾我發現原來個女侍應都係戴茶晶架∼！之後我地就去買布，買完我就同提子糖過土瓜灣，因為要教佢整網頁。五點半，我就過左家姐公司度拎個MON 返屋企，倦到死……
休息下，飲杯野，都可以係一種抒懷……
2003年 05 月 27 日 星期二 【晴】
空堂同小息睇左幾期＜ＡＲＭＳ＞，故事內容好吸引我。人性同權力之間既衝突、對一個人既補償同對好多人既殘忍……雖然畫功係唔夠好，但係我都好有興趣由頭開始睇一次。放左學之後落左旺角打算買布，但係上次去買好平間鋪頭唔見左，其他既又好貴又唔
0岩心水，所以空手而回。
搭小巴返屋企既時候撞返一個師兄，佢中三已經入左社團無再讀書，但係佢個人其實好好，自識佢開始對我唔惡之餘，又唔會點講粗口，亦唔多提佢社團既野，更加唔好話踢入會啦。我都好耐無見過佢，所以一上車就開始同佢傾計。其他乘客見到一個學生同一個金髮紋身既男人傾計都用Ｄ好衰既眼神偷偷地望過黎，但係我都無理到，因為我知道世人既眼光代表住佢地既膚淺。佢講笑咁同我講，次次衰親入冊都係見報既大單野，遇既野多左個人就自然定左。睇住佢上樓梯既背影，我開始對滄桑同悟有另一種睇法……
2003年 05 月 26 日 星期一 【晴】
爆笑既配搭終於出現左啦！我地班主任蛋周今日上上下地理堂既時候，突然彈左句：「前幾日你地有無人去睇『九一一演唱會呀』？」一聽之下我地即刻忍唔住笑左出黎，家曦同麥當奴仲問蛋周駛唔駛敬禮。偉大既學生會主席周仔懞剩剩咁問左句：「係唔係響美國攪架？」蛋周唔知自己講錯，仲以好不屑既眼神啤左周仔一眼，然後同我地講：「佢游水落黎架？咁無知既？」我地係咁點頭，因為已經笑到出唔到聲啦……爆笑雙周果然犀利∼！本來約左獅子仔放左學之後去食TEA，因為我地都要補課，但係可能傳訊上出左問題，結果我遲左去，去到又見唔到佢。睇黎我又要遲Ｄ先可以再見到我好掛住既獅子仔啦……
ＰＳ：蛋周所講既「九一一演唱會」，其實係指「１：９９演唱會」∼！
2003年 05 月 25 日 星期日 【雨】
好衰囉…追完電視五點先訓，結果一朝早唔知醒…俾FANNY
寫低我「遲大到」…（半個鐘頭囉）由九點半開始做暑期活動報名日。今年多左抽獎同禮物，本來正過往年好多架！可惜因為ＳＡＲＳ既影響，一向忙到踢晒腳既報名日竟然輕鬆到我唔信，仲有時間玩「天下太平」同吹水添…今日同阿欣姑娘玩得好開心，同佢傾開計先知原來佢細佬同我都係十九歲，不過就大我幾個月，而且佢同我住得好近架∼！ 做到六點幾我就返屋企。夜晚有牛油焗大蝦食，勁好味！媽咪仲用Ｄ牛油蒜茸汁黎煮通粉添！好味到丫……肥幾磅都抵呀！
2003年 05 月 24 日 星期六 【晴】
今日一早就起身落左中心幫Currie手去做九龍城區既問卷調查，一直做到十二點九先完。之後返到中心未做完檢討就走先，因為我要送埋份禮物俾
LYDIA，跟住落旺角搵我好耐又見而且好掛住既傻鴨（掛起既先叫做臘鴨）。但係結果我都係見唔到
LYDIA……所以就直接落旺角搵佢地。落到去NEWAY CITY，傻鴨、峰少同牛牛都已經到左好耐仲食埋飯添。到我唱左幾首歌之後豬媽先黎到囉∼ 唱完Ｋ之後我地行左陣就各自返屋企。送左牛牛返屋企之後，我就返去訓左陣，之後六點九我又起身去影相。
上左山，影既相唔及諗既野多。諗下發生過既事，諗到個人呆左。可能眼皮厚，天氣熱，對眼珠都流左唔少汗……
夜晚同阿銘＆剛爺打左陣波，然後落左７仔度飲野吹水。響佢地面前我飲左唔多酒，但係好彩我響屋企食野既時候飲左幾多佢地唔知。諗諗下，今年飲酒真係多過以前好多，頭暈都多左。到底係唔係意味住人愈大，唔開心既野就會愈多呢？……
2003 年 05 月 20 日 星期二 【晴】
響學校度影左好多相呀！不過多數都係家曦影既，而且係ＧＰＡ同世史堂影。我就填好左陳奕迅首＜十年＞既小黑版。
放左學我去左買筆，因為我尋日唔見左個筆袋無晒Ｄ我用開既筆……途中仲遇到峰少、JIMMY
同澂澂添。之後上左總部拎完FORM 就返左屋企。
響屋企樓下見到隻死左既麻雀仔，忽然間覺得呢個世界好殘酷。Ｄ人行過又唔理佢，佢既生死好似連人既注視都吸引唔到……我將佢帶上山埋左，希望佢響地下面唔會再受到冷眼同歧視……
2003 年 05 月 13 日 星期二 【晴】
終於可以寫返日記啦！
今日放左學之後，約左崔峰、峰少、阿DICK、JIMMY、叡叡、關邦落旺角食LUNCH。我地響元禾度食拉麵，又同阿DICK
影左張扮X-MEN 既相。食完LUNCH，我地就去左行信和同潮特。我、峰少同叡叡都買左份禮物等遲Ｄ送俾人。行行下，豬媽又黎左，我地去左買糖同行ＶＣＤ鋪，之後就搭車返屋企
LU∼！
我Ｄ生活相會放響以下既網址，得閒可以去睇下架∼
∼「 www.pbase.com/blackwork 」∼
ＰＳ：THX & SORRY , LYDIA........
2003 年 05 月 06 日 星期二 【陰】
放左學之後，我同周仔、峰少、叡叡＆JIMMY
仔落左去百老匯0個邊唱Ｋ∼！
響樓下撞到考緊會考既 SUKI，佢今日考完中文，希望佢可以考得好啦！
上到去Ｋ房，雖然無咩新歌，不過Ｄ野幾好食。
我地係咁唱Ｄ舊歌，成班人都傻晒，連成日話我唱老餅歌既周仔都唱埋一份，真係好攪野∼
之後我就同叡叡、JIMMY仔去行街街，買左Ｄ野俾我表哥，中途仲撞到蘇凱怡同佢Ｄ朋友仔。我好似有預感會見到佢咁，竟然買左個奶咀糖俾佢（好貴呀）……
六點幾返到屋企，沖完涼上左陣網就食飯。今晚有我最鍾意既栗子食，係栗子炆雞翼，勁好味！
訓左陣，做完功課。到而家，好想盡快寫埋篇文俾阿SIR
去登學生文集，不過真係好缺乏靈感……
2003 年 05 月 04 日 星期日 【晴】
活在當下
我看到 滿山遍芳草
靜靜地在配合舞步
似聽見 有天使飛到 在傾訴
細細說 會給我禱告
落著淚 為那日引路
慢慢幻象 示現在側
剎那美色 已經變蒼老
活力亦在 每日退步
已悄悄 再抵抗不了命途
那至愛瞬間 變沙土
地位亦是 旦夕不保
剩下寂靜 沉沉全無力
生 憂傷忍耐 死 轉身已在
想 昨日可在 明天 可否會來
慨嘆以往 怎麼也洗不去
望望現在 落寞地抹眼淚
悔過去 總感覺空虛 問誰
晦暗裡 以千金買得痴醉
慢慢地 讓潔白亦染滿罪
朦朦朧朧 永遠沉沉睡
到這裡 冷風已消去
獨自站在 雨下悔罪
遠遠的街燈 似星光散碎
告訴我 要安心快歸家去
莫為剩下歲月掛慮
活著自在 常常提醒
生 死的所在 死 出生已在
想 昨日可在 明天 可否會來
生 憂傷忍耐 死 轉身已在
想 昨日可在 明天 可否會來
2003 年 05 月 02 日 星期五 【晴】
今日先知自己晒傷左對膀頭、背脊同埋面，隻右腳仲重傷到郁下都痛……
由於大半班人要再去考會考英文，所以全班得返十一人，連教
GPA 個 MISS
都因為學校規定唔夠半班人返就唔可以教書而俾我地制止左佢講書。所以全日可以叫做無上過堂。
放左學之後，我同周仔、峰少、LION、阿DICK、叡叡、牛牛一齊食
LUNCH。好開心因為我已經差唔多成個月無見過 LION，所以今日都傾左好耐先走。送左
LION
同峰少搭車，又送埋牛牛返屋企之後，我就返屋企睇邪流丸，然後一訓就訓到八點先起身。好辛苦，因為連訓覺都覺得成身痛，而家身心都好
BALANCE，唔知要痛到幾時……
望住一個睇住佢成長既朋友俾人影響而自己又做唔到Ｄ咩去幫佢，如果出口同佢講佢個朋友有問題既話，佢又會唔開心。我真係好嬲我自己點解唔一早就留意到呢件事，然後採取一Ｄ行動。到而家我咩都做唔到，就唯有完全唔再理。我知道我就算點講，佢都唔會明白我既感受，因為佢已經當左呢個人係好朋友……
愈黎愈唔知自己做緊咩、唔知自己想點……好想重新去探索做人既意義係咩，點樣去待人處事先叫做0岩。
2003 年 05 月 01 日 星期四 【晴】
今日同崔峰、牛牛、阿LING、HEIDI、阿DICK、JIMMY、關邦、濠哥、米恆、RICHMAN、小婷、阿璟、JESSIC、阿SA、阿桃、傅詩……一齊去清水灣二灘度玩。我地游水、食LUNCH、玩沙、晒太陽，直到五點幾六點先走。之後我地返鑽石山PIZZA
HUT食DINNER，食完DINNER
我就同崔峰、關邦、米恆打機，打到差唔多十一點先返屋企。返到屋企照鏡一睇，我晒到又黑又紅，敷左一輪冰水先散到熱。
響晒太陽既時候，我忽然間諗通左一樣野。我自細就已經係一個惡人，而家呢個所謂既好人只不過係將所有既感覺抑壓響個心度，然後再做出黎既一個樣。與其咩都強忍住咁去討好其他人，為左令人開心而攪到自己唔開心，咁倒不如唔理人地既感受，淨係為自己而生存！好人已經做夠，我要做一個只會為自己去諗既狂人！
2003 年 04 月 30 日 星期三 【晴】
四月的最後一天。
我把自己鬍鬚全都剃掉，就讓這些煩惱絲都離我而去。
這，也許算是一個做給自己看的儀式罷（就得蠻像邪教儀式似的）……
望著鏡中的自己，覺得鏡中人的樣子很礙眼
連自己看自己也不順，更何況是其他人？！
五月初，有幾個對我很重要的朋友生日
看來我應該笑著去迎接這個五月
不再回頭去看充滿淚水的四月……
>>2003年05月01日Thu 00:18:55 (GMT+8)
2003 年 04 月 28 日 星期一 【晴】
今日同米恆、邦邦、JIMMY仔同APRIL 食TEA，撞正成班
179既COMMITTEE
響後面開會，見到好多好耐無見過既朋友仔，天氣又好令到我可以影多幾幅雲，好開心∼！不過夜晚仲開心，因為一個畢業後都無咩點見過既小學同學竟然響
ICQ 度 ADD 左我∼ ^^
∼至於響學校Ｄ唔開心既事，我都費事再去理啦，因為對住Ｄ咁既人我都無野好講……
>>2003年04月29日Tue 00:10:31 (GMT+8)
2003 年 04 月 28 日 星期一 【晴】
不接觸，是令自己停止傷痛的最好辦法。
逃避，是忘記一個人最好的方法。
可是我卻選擇了面對。
因為我知道我是絕對逃不了內心那一副枷鎖。
與其每天東躲西藏的，倒不如裝作無事的樣子。
我想這樣至少可以讓她好過一點……
讓她活得快樂些，是我曾經對自己作出過的承諾……
她的笑，是那麼的動人……
>>2003年04月28日Mon 04:52:56 (GMT+8)
2003 年 04 月 26 日 星期六 【晴】
今日十一點開始同成班紅記仔踢波，踢到點幾鐘就去左送關曦搭車，之後就上左中心開會。五點就搭車入將軍澳邦邦屋企，因為今日好多人入去玩，包括我既媽媽、哥哥、哎呀妹妹、徒弟……加加埋埋成十個人∼！我地玩到十點幾，買左Ｄ水槍之後，我同崔峰就送牛牛返屋企。同崔峰又傾計傾到成點鐘，邊個話男人之間無咩好傾？最近好想靠飲酒去令自己倦，等我可以早Ｄ去訓，唔駛再去諗咁多野，但係渾渾噩噩之間我諗起既野似乎仲多……搭車入將軍澳既時間，我發左個夢，夢見我地玩得好開心，但係當我醒左發現呢個係夢既時候，失落就直湧上腦，連一絲歡樂既空間都唔俾我……呢個畢竟係一個夢……或者現實，亦都只係一個夢……
睇完崔峰既INFO，我發覺原來幾有同感。因為今日本來玩得幾開心，我都無去諗自己既事。但係一送左牛牛返屋企之後，沿途所路經既地方，令我又再次諗起一Ｄ以前開心既事、一Ｄ令而家心痛既事……「過去的人和事..說是忘記了..其實根本冇"忘記"呢回事....只是新發生既事..新遇到的人....新既記憶慢慢蓋過舊既回憶.....像傷口慢慢癒合...埋住了故人往事...........但當走到某一個老地方....遇見某一個人....舊既回憶...不必刻意記起就會全數在腦中湧現......避不開.....躲不了.....」
>>2003年04月27日Sun 04:49:57 (GMT+8)
2003 年 04 月 24 日 星期四 【晴】
口中說好的，是兄妹……
但在我腦海內迴盪的，是十年……
”夜夜醒到天明，眼角流出無言的淚……痛過想過，慢慢看清，外表平靜是騙你騙自己。用微笑送你，還答應把祝福給你，忘了問誰收留我的心……當你為了我和他而猶豫，我不該只等待你做決定，如果任性，那麼一次把你抱緊，也許不會失去你……向天大聲喊愛你，恨我說出口的不到愛的萬分之一。到如今，還能說給誰聽……”
夜間的歌，每個字都是一顆子彈，似是想把我的殘軀摧毀，卻給我留下一顆不死的腦袋。一顆心也不想死，它一下一下的跳動，一下一下的痛……直到臨終前，它告訴腦袋要把一切你想要的都盡量給你，甚至乎是生命……然後，心就徹底地死了……
”若果人存在是為了互相傷害……我的愛，不如丟進大海……”
>>2003年04月25日Fri 01:45:11 (GMT+8)
2003 年 04 月 23 日 星期三 【晴】
終於可以返學，返學既日子永遠都係最好既日子……
今日同家姐去左行旺角。我覺得自己愈黎愈爛。你地有無試過著住對拖鞋響旺角行街行足三個幾鐘？買左本世史參考書，去花園街買左幾塊布，遲下我會繼續學整FIGURE
衫，同時會學用布包書……搵Ｄ勢藝做下，我諗我可以諗少好多野……
我而家先知道，刺激唔一定要有驚險、高速既場面…
一首＜想你想得好孤寂＞已經係好大既刺激…
>>2003年04月24日Thu 00:55:40 (GMT+8)
2003 年 04 月 23 日 星期三 【晴】
DOWNLOAD
左峰少之前介紹俾我既一首歌黎聽之後
我忽然發現歌原來真係一堆百合匙
一堆打開心底裡面一個叫痛苦既箱既百合匙……
我終於明白點解你叫我唔好再聽歌
尤其係你日記度Ｄ歌……
>>2003年04月23日Wed 03:21:23 (GMT+8)
2003 年 04 月 22 日 星期二 【晴】
今日係璟璟媽媽十五歲生日既大日子！我考完世史之後，就去搵媽媽同小婷姨姨食lunch。一點多Ｄ既時候TRACY
都黎到，送左份禮物俾媽媽之餘仲補送左份禮物俾我∼！之後佢地返工既返工、返學既返學，我就返屋企途中打左場籃球，之後開左陣ＩＣＱ，發現有Ｄ野我以為自己已經放低左，但係原來佢一直都留左響個心裡面無走過，攪到我今日詞不達意……之後休息左一陣就上總部，玩左陣，然後成班人就上左去「雅景」度食自助火鍋。今日既啤酒唔再係免費供應，但係我照樣飲左唔少，不過因為要返屋企做功課，所以我都盡量唔去飲醉自己。幫媽媽慶祝生日，送禮物、唱生日歌、吹蠟燭切蛋糕，唔經唔覺又已經十點。我地落去等車既時候又玩左陣，我仲係咁捉牛牛去「撞鐘」。呢個小朋友，真係愈黎愈可愛∼！搭車返土瓜灣，送左牛牛返屋企之後，我就同崔峰邊行邊吹水，最後就返屋企做功課做到而家（都未做晒）……
ＰＳ：璟璟生日既相將會盡快POST 上我PBASE 個網上相簿度∼！
>>2003年04月23日Wed 03:03:45 (GMT+8)
2003 年 04 月 22 日 星期二 【晴】
今日癲左，同大囡囡去奧海城連續睇左＜刀槍不入一僧侶＞同＜特務戇Ｊ＞兩套戲，之後又出左旺角，我就買左本＜西洋現代史＞，八點左右我地就返左屋企。
一切都想通了！
昨天的小黑已死，愚不可及至死！
今天的小黑，不會再去談感情！不會再讓自己心痛！不會再為自己所喜歡的人去花時間！
就算像伏屍般躺在床上浪費殆盡我的光陰，我總比花時間去找些痛讓自己承受來的好！
因為我不是個樂於忍痛的人！
尤其是心痛…
>>2003年04月22日Tue 00:14:15 (GMT+8)
2003 年 04 月 21 日 星期一 【晴】
做咩都提唔起心機
無心機做功課
無心機溫書
無心機寫文
無心機畫公仔
無心機睇小說
無心機聽歌
無心機睇電影……
生活響無心機既日子
宛如一個廢人……
我仲可以做Ｄ咩……
連呢個日記網都玩我
每日凌晨時分都upload 唔到……
>>2003年04月21日Mon 10:41:35 (GMT+8)
2003 年 04 月 20 日 星期日 【陰】
等了一整晚終於等到日出時分
卻因為雲太厚所以看不到太陽
也拍不到日出…
最近每事都不如意
到底是怎麼一回事？
以為終於找到了生命中的燕七
才知道自己原來並不是郭大路……
陰霾
纏著我
怨魂不散…
>>2003年04月20日Sun 16:18:51 (GMT+8)
2003 年 04 月 18 日 星期五 【晴】
如果可以的話，明天開始我會…
把本想留長的頭髮全部剪掉
不再學造甜品，並且把學會了的都全部忘掉
不再特別在意紅色的東西
路過零食店時不再留意那些珍寶珠的味道
不用礙著性別，如常地與朋友們玩樂
一時前入睡，不再去想任何事
但，我做得到嗎……
>>2003年04月18日Fri 02:20:58 (GMT+8)
2003 年 04 月 17 日 星期四 【晴】
９０３播緊男人最痛…
一首唔多想聽到既歌…
今日鼻敏感發作，流左成日鼻水
已經無多餘既水份留低…
頭好痛…
人好殘…
但係呢Ｄ都係我既選擇…
>>2003年04月17日Thu 04:25:06 (GMT+8)
2003 年 04 月 16 日 星期三 【晴】
頭先去洗面既時候照鏡見到自己，發現我既右眼多左一層厚厚既雙眼皮－－我已經好倦……呢種倦在於肉體、精神、仲有內心……到呢一刻，我已經無咩野奢望，我只係想好好地做返以前既小黑……不過，我知道我無咩可能，因為我既目標、我既動力，全部都已經被內心創口流出既血所淹蓋。眼前，只有一片模糊……
差Ｄ唔記得左要多謝我既好契妹施寧，多謝你既禮物，更加要多謝你仲咁關心我呢個所謂既契哥、肯聽我訴苦，同埋接受我對你遲到所作出既無理懲罰！
>>2003年04月16日Wed 03:24:45 (GMT+8)
2003 年 04 月 15 日 星期二 【陰】
又係十三人大活動！不過人就同上次有Ｄ唔同。今日我地去赤柱ＢＢＱ，我同崔峰、豬媽、施寧、邦邦、米恆……等等一大班人去左赤柱廣場買野食野飲，之後就返去正灘度燒野食。食飽之後我地無無聊聊行下石灘玩下，然後我就同施寧去赤柱個遊客區行左陣，跟住就搭巴士返出金鐘。之後崔峰、傅詩、豬媽、阿SA
同我就出左旺角唱Ｋ，唱到十點半我地就送豬媽返屋企，傅詩同搭車返去，我就同崔峰一齊行返土瓜灣傾計傾到兩點幾。
原來我放左響個心度既野，遠比我想像中多，亦多過我講到出口既野。我以為我而家淨係面對住兩個大問題，但係原來我仲有好多問題積存左響個心度係我一直都唔為意，直到今日同崔峰傾開我先發現……原來我響好多方面既壓力下成長左，但係我絕對唔想成長。諗返起中三、中四兩年，雖然都有壓力，但係至少比而家少好多。到底世上邊度有「NEVERLAND」？我真係好想好似小飛俠咁，永遠都過住小朋友既生活，唔需要為成長所要面對既事而煩，因為我開始負荷唔到啦……
>>2003年04月16日Wed 03:06:59 (GMT+8)
2003 年 04 月 14 日 星期一 【陰】
世界很大
人與人之間很疏離
句子很接近
位置隔很遠
情緒比恆生指數更糟
一沉下了
就難以擧升
有誰入市
換來的都只是微升幾點
然後繼續下降
現世的人是
這麼近那麼遠…
>>2003年04月14日Mon 02:36:07 (GMT+8)
2003 年 04 月 12 日 星期六 【晴】
今日紅記十二門徒加一個異教徒去左行山。我地行由太和開始，易衛奕迅徑黎行。一行人一邊行一邊傾計一邊玩，唔經唔覺由九點行到一點左右，就到左阿DICK
講既最高峰度食LUNCH。可憐既傅詩份午餐俾Ｄ牛搶左去，我地都因為咁而遷移陣地。之後我地再行埋剩返既路程，行到五點鬆Ｄ就搭VAN
仔出荃灣既美心食DINNER。之後就送媽媽返屋企，然後到自己返屋企。
好開心響水壩度幫個靚女影左張相∼！呢個女仔有一對好靚既大眼睛，仲要係雙眼皮架添，不過大家唔駛羨慕，因為佢暫時都仲係得兩、三歲架咋∼！如果第時我有個女有咁靚就好啦∼！另外我仲影左唔少相，不過大部份都係風景同牛，因為我好少見到咁多牛架，仲俾我摸到佢地添！我都覺得我幾威！哈哈哈哈∼∼∼
>>2003年04月13日Sun 03:19:06 (GMT+8)
2003 年 04 月 12 日 星期六 【晴】
http://card3.silversand.net/diy/image/090666.swf
是一段很好的 FLASH
也是一段來得很合時的 FLASH
午夜夢迴
永遠是教人最心痛的時分
到底…
你是我的那一根肋骨嗎？
>>2003年04月12日Sat 01:50:19 (GMT+8)
2003 年 04 月 12 日 星期六 【晴】
四周都是陰霾
雲層低壓
壓住了半個世界
我摸索不了前方的路
連過去也看不清
水份
覆蓋著我的雙眼
戲子
已演完了對人的戲份
不用對自己演戲
騙子
騙得了全世界的人
卻騙不了自己
這一刻
眼簾下是潮濕的…
>>2003年04月12日Sat 01:37:30 (GMT+8)
2003 年 04 月 10 日 星期四 【雨】
今年既生日你最多人陪我過既生日，強勁既陣容包括：我兩個乖囡囡
HEIDI & 阿LING、好媽媽阿璟、好阿哥峰少、好阿妹牛牛 &
CONNIE、椰子、芷菱、JIMMY仔、邦邦、米恆、阿招、華少、苦榮、蘇凱怡、德貞、濠哥、傻鴨、崔峰、崔妹、桃姐、阿SA、阿田、LION、提子糖……
真係好多好多人，好熱鬧好好玩∼！
我地首先去鑽石山既Ｍ記食野，之後去美國冒險樂園玩，然後再搭車去佐敦再行過尖沙咀食TEA
同打機，最後係行玩具反斗城，去PIZZA HAT
食野同去文化中心度玩∼！
全程我都好開心，因為可以見到班好朋友開開心心咁玩，途中又收到唔少朋友仔既電話，最開心既都係收到椰子個妹既電話。尤其當我問佢知唔知我係邊個，佢答我知道我係契公公，我當堂開心到震呀∼！今日成日我都玩到好癲，仲捉埋CONNIE
玩掃地，我又係咁0即人，真係玩到傻左∼！我地響文化中心走既時候仲玩埋DISMISS，個個Ｄ情緒都好高漲，笑得好開心！我終於感受到歐陽修太守之樂0個種感覺啦∼！
解散左之後我就同崔峰、濠哥去打桌球，一玩就玩到凌晨五點幾，我因為太倦所以就返屋企先。不過打桌球都有開心野，就係我呢個新手竟然入左八度，係八度呀！我全日都拎我老豆尋日送俾我部數碼相機出黎影相同拍MOVIE，我仲響機鋪同桌球室都影埋，頭先睇返都覺得開心！不過我已經連續消耗左差唔多廿一個鐘既體力同精神，睇黎都應該學囡囡話齋：「訓返餐好既！」
>>2003年04月10日Thu 06:48:42 (GMT+8)
2003 年 04 月 09 日 星期三 【雨】
又係四月九日。繼二零零一年既四月九日落雹之後，今年又有非典型肺炎加突發性降雨。心裡面有一句說話，電視廣告都有播過：「唔通連個天，都唔鍾意我？」不過生日點都係一個好日子。阿叡雖然聽日要去美國，陪唔到我去玩，不過佢係第一個打電話同我講生日快樂既人，好感動。ＩＣＱ度有好多朋友仔SEND
MESSAGE 同我講生日快樂同HAPPY BIRTHDAY，好開心。原本我打算十一點幾就去訓，不過我忽然間覺得好驚，我驚有一個人會因為我無ONLINE，最終連一個MESSAGE
都無留低俾我，所以我頂住眼訓等到就快十二點，終於見到佢既MESSAGE，而內心既感覺就好似一個人臨死前見到佢最想見既親人一樣，開心，但係痛……
啋，生日流流，唔講呢Ｄ野啦，訓啦…
>>2003年04月09日Wed 00:56:31 (GMT+8)
2003 年 04 月 07 日 星期一 【陰】
要記既已經係幾日前既事啦∼上星期五晚兒童節（呵呵）同媽咪去睇黃子華棟篤笑，雖然係媽咪請，不過佢話係生日禮物而唔係兒童節禮物（>.<"），點都好啦，有得免費睇show
已經非常好啦∼！
呢幾晚都係趕工整個我地６Ａ班個唔公開既homepage。我晚晚都攪到成兩三點先訓，但係都好似唔係整左好多野，可能係因為我多數時間都用左黎ＩＣＱ（^^"）……好彩衰衰地都叫做攪掂左個雛型，等遲下返學我地影多幾張相，咁就真係可以叫做完成啦∼！小黑，你要加油呀∼！（痴線！）
最近心情唔係幾好，睇黎一個人真係唔可以成日留響屋企。一有時間俾我諗下自己既野，我就開始覺得自己差，好差好差……好多野放唔低，好多野事與願違，好多野做左之後好後悔……對住人笑、背住人喊……人生，似乎真係由矛盾組成……
>>2003年04月07日Mon 14:02:51 (GMT+8)
2003 年 04 月 02 日 星期三 【晴】
今日好開心呀∼！阿峰、家樂、阿LING、牛牛同我過左又一城玩∼！我首先地行完玩具反斗城，跟住就去睇＜玩串婚後事＞。呢套戲都好好睇，幾感人（差Ｄ流眼淚…）。睇完戲我地就去食野，然後CALL
埋崔峰去溜冰，我地仲一齊教囡囡溜冰添∼！七點左右家樂要返屋企所以走先。八點幾，就到牛牛要返屋企，於是一齊搭車返去，牛牛就返屋企，我地就過左九龍城食飯。食完飯，送左阿LING
返屋企之後，我就同崔峰一齊行返土瓜灣。
對於張國榮既死我覺得真係好可惜，佢係一個演技好好、唱歌好好、好有魅力既藝人。我自己就幾鍾意睇佢既戲，其中＜夜半歌聲＞同＜霸王別姬＞就最得我心。呢兩套戲既主題曲亦都係我當時非常鍾意既歌……呢次絕對係一代巨星殞落，我覺得比羅文既逝世更加震撼……
>>2003年04月02日Wed 23:59:54 (GMT+8)