إنتِ
شتِلةِ الزنبق
وْنا مَيْ
وعليّي غصنِك
مفَرفَح وْنا
مي
افلشي دموعي
تحت ِمنك ونامي
حرام العطر
يدلُق ع التراب
(خليل
روكز)
انا لا خال بالدنيا ولا عم لي ولا عندي قصور تغنيني ولا عمله
انا شاعر مالي شغلي ولا عملي سوى رندح عتابا للحباب
(موسى
زغيب)
حبيبي اللي مَلك جيدي وقلبي قلبني شي ألف قلبِه وقلبه
عطيتو للكوي تيابي وقلبي كوى قلبي بدل كوي التياب
(زغلول
الدامور)
حبابي الدَّهِرعن عيني بَعَدْهُم وْتركني إشتكي وحشِة بُعُدْهُم
وقد ما يبعدو عنّي بَعدْهم حبابي وغيرهم ما لي حباب
(خليل روكز)
إغمِزيني بجابك بل(يسْ)بل(وي) إرقصي بُرْ قص وإلوي الخصر بلوي
واذا قالوا هوى الحلوين بَلْوي إبعتولي الف بلوي عَالحساب
(زين
شعيب)
