ko'ee umeed bar naheeN Aatee
ko'ee surat naZar naheiN Aatee
maut ka aik waqt mu’an hai
neend kayooN rat bHar naheeN Aatee
Aage Aatee tHee haal-e-dil par hansee
ab kisee baat par naheeN Aatee
jaanta hooN sawaab-e-ta’t-o-zuHd
par tabee’t udhar naheeN Aatee
hai kuchH aisee hee baat jo chup hooN
warna kya baat kar naheeN Aatee
daagh-e-dil gar naZr naheeN Aata
boo bHee ae chaaragar naheeN Aatee
ham wahaaN haiN jahaaN se ham ko bHee
kuchH hamaari khabar NaheeN Aatee
