Gayuma

Hatinggabi, ikaw ang nasa isipan
Ikaw ay hindi ko malimot
Ang iyong ngiti'y aking naalala pa
Habang ika'y umiikot

Anong gayuma ang iyong ginamit
Anong hiwaga ang iyong tinawag
Na parang sa iyo'y nakakadena
Ang aking pusong iyong nabibihag

At nagbalik ang aking kaibigan
Nanggaling sa paglalakbay
Matapos niya akong mapag-aralan
Siya sa aki'y nanghinayang lang

Anong gayuma ang aking ginamit
At ang pangaral ko'y tinularan
Sa kasalukuyan niyang pagsisisi
Ako'y kanyang pinagbibintangan

Hanggang ngayon ako ay pinapako
Paano kaya makawala
Sa kahangalan ng aking kapaligiran
Sa bisa niyaring gayuma

Anong gayuma ang dapat kong gamitin
Upang ako'y muling magkabuhay
Sa mga kahapo'y nakakadena
Sa mga gayumang ibinigay