ZBORLU A NOSTRU – 3/2000
37
Zborlu a prezidentului
ali “Sutsata di Armâni fititadz (studentsâ) di Sârunâ”
la a shasprâdzatsea
adunari armânească di Aminciu (10-11 Alunaru 1998):
“Vruts Armâni,
Ghini nă aflămu la
shasprădzatsea adunare (andamuse)
armânească. Nă adunamu ditu hoarli a noastri diparti ta s-yinimu tu aestă
veacljie hoară, la Amintsiu. Aestă mari hoară armânească tsi tuts ningă di la
njiclu pănă la mari zburăscu armâneashti, poartă stranjli veclji shi tsănu
adetslji tuti, ashi cum li aflară di la parintsilji a loru. Aestu iasti shi
scopoulu ali Sutsată armânească tsi avemu adrată in Sărună tuts Armânlji
fititadz (studentsă) tsi himu la Universitate (Panepistimiu).
Vremu s-tsănemu arădzlji
tuti tsi nă alăsară păpânlji a noshtri, s-giucămu coruri armâneshti, s-adrăm
itsi triatsi ditu mâna anoastră trâ aestă ermă fară. Ama ma multu di tuti iasti
ananghi s-nu chiară veacljia armânească limbă, lipseashti s-u tsănemu tuts.
Limba a noastră-i limba veaclje, s-u chiremu i crimă mari. Cara va s-chiară
limba armânească, va s-chiară shi Armânamea. Amu a mindi născăndi zboari tsi
anyrăpsi unu Armânu di limba a noastră :
Limba anoastră iasti
dultsi Limba anoastră i
nă yisteari
Ca a Hristolui vruta
crutsi! Ca a Hristolui i
di nu chiari!
Nă si pari că lipseashti s-anveatsă tuts cari
suntu Armâni shi tsi au adrată la aestă hoară, Ellada shi la tuti craturli dit
Balcanu.
Cătse Sustată a noastră
iasti multu nauă – avemu mashi tsintsi meshi tsi nă adunămu tuts Armânjli
fititadz (studentsă) – voi va s-hits mari adjiutori tu aestu lucru tsi
arhiusimu, va ashtiptămu s-nă agiutatsi cum putets.
Haristo multu shi
s-tritsemu multu ghini tuts aua adză.
S-avets sănătati shi cu
ghineatsă s-nă videmu.”
* * *
“Hotentots s-era Vlahilji, shi tut va lă armânea
ndreptul shi borgea tra si-shi amintâ nvitsătura tu limba a loru, cari easti
atsea ma bună tră aestu lucru”.
(Mihail
G. Boiagi. Gramatica armâneascâ icâ macedonovlahă”. Viena, 1813)