ZBORLU A NOSTRU –
1-2/2000 21
Tsi cali lungă s-facu năpoi
lipseashti
S-agiungu tăshi tu caplu di
nchisiri,
Ficioru njicu căndu
făr-achicăsiri
Nj-părea că bana totna
nyiliceashti.
O, yisili armasi-n timisiri
Cu cari itsi tinir
s-isuseashti,
Cumu pi aradă bana
li-agărshashti,
Ni-agiumtu cană păn-tu
bitisiri!
Aoa, tu sonea-a caliljei iu
escu,
Cu umirlji dipushi sh-cu
jgljoati trapti,
La eta dusă cu caimo
mutrescu
Ti yisili tsi-armasiră
nifapti.
Sh-nu shtiu di va s-bănedzu
altă turlii
Ca s-hibă s-ljau iar
bana dit hărgyii.
Sh-eara tsi nu
sh-eara, sh-eara năoară...
Pirmithili tuti ashi shi-au
caplu,
Sh-nipotlu-i idghiul,
idghiul easti sh-paplu,
Mashi omlu easti altu cafi
oară.
Măxănjlji-a lumiljei cu
Iani-Araplu
La dzeani, ligănats adormu
truoară
Cu a pirmithilor
mushati zboară,
Sh-tu yisu alină ca-n
paradis traplu.
Sh-eara tsi nu-sh
eara... Di căti ori
Nu-avdzăi aesti zboară di la
dada
Pănă tsi-nj vini shi a
njia-arada
S-li spunu tu aushaticu la
ficiori.
O, iu-i chirolu căndu
mi-adunamu
Tu cohi, njicu, sh-pirmithi
ascultamu?