| LUMEA PĂPĂNJLOR Portu tu mini ´nă lumi aleaptă, Chirută tu hauă di suflit, Murmint surupat. Portu tu mini yisi-ngrupati Nădiili zgrumati Zghicuri di jali - Curmati di apală dushmană! Portu tu mini `nă lumi - ca moartă U port cum ăshi poartă `nă mumă Vleatlu-lj la groapă... CĂMBĂNJLI-A SĂNDZILUI Aushlj pălăcărsescu Dumnidzălu... Tu Machidunie, amurgul si-azvurnui Pristi iarbă. Laptili-a oilor easti aroshu, ca săndzili. Păngănjlj gioacă pi ciuflichili A crishtinjlor... Acătsă iarbă Murmintul al Filip!... Alexandre, Tini nu shtiai că vai mori Naljurea.. Fudzish s-duts lunjna... Vinitslj după tini Analtsă băserits, Iar păngănjlj Yin cu hăngeari sh-foc! Suflitlu-a meu easti `Nă băsearică Tu cari bat Cămbănjli-a săndzilui. |
| NĂ HOARĂ PĂRGHISITĂ Azvestrea-i cădzută, icoana sta mărinată, nu ari cari s-u caftă. Călătorule! Cara va trets pri-aoatsi intră cu suflitu isih shi-aprindi nă tseară. Vimturi greali viniră pristi hoară. DOR Andărlăsit di cara mi aflu tu ună căravi caftu tu-andzari un cărciliu di munti. O, Araratlu-a nostru - Pindu frati! ti loară apili, armasishi mashi tu mintea a mea - ca nă fantazmă apreasă...sh-mi cutreairi cu chinjlj-a tălj, cu pricili-a tali... O, casi fuduli tse văzeau di bană - vă dusit! Murilj shed surpats sh-la cicioarili-a lor căndili-nvirinati mutrescu-n dzeană. Macă nu easti mănă s-li-aprindă, vahi va-shi facă njlă Dumnidză - ma alăsats, că va yină marea-nyeari shi dorlu di pristi moarti va s-facă punti ti suflitli-a noastri! Ună amari di fineri va apiră sum lunjna a Hristolui. |
| ZBORLU A NOSTRU 3/2000 22 George Vranâ P U I Z I I |