ZBORLU A NOSTRU – 1/2001 19

 
Vanghiu Dzega
 
  
DUMNIDZALIMU
 
 
 Fârâ mardzinâ
 Caftu nâ ahurhiturâ.
 Fârâ mardzinâ
 Caftu nâ dipisiturâ.
 Shi tsi ma multu miduiescu
 Ma putsânu acâchisescu .
 Câ tini eshtsâ atselu
 Cari multi sufliti
 Li bagâ s-da giuratu
 Crutsea sh-facâ
 Shi s-ti plâcârseascâ
 S-lâ dai ghinets
 Shi banâ lungâ.
 Dumnidzalimu,
 Tini eshtsâ stri noi
 Tuts nâ mutreshtsâ
 Shi vahi pistipseshtsâ
 Câ noi pi tini pistipsimu
 Shi cu aradzli-a tali bânamu!
 Dumnidzalimu,
 Tsi ma multu avemu aprucheari
 Ahântu himu ma alargu
 Di mintea sh-di pistipsearea:
 Di hlambura a noastâ
 Di unâ crutsi shi di unu soari!