20 ZBORLU A NOSTRU – 1-2/2000

C. Trandu

ESCU ARMÂNU !

Escu Armânu cu oclju laiu sh-cu mutrearea-ndzeanã

Sh-escu faptu ditu munts analts sh-ditu cânticu di fluiarã

Sh-ditu sândzi di strâpapi escu faptu, tsi cu chirolu s-alumtarã

S-escu mini tora Armânu sh-ca numa s-nu u chiarã !

Him fapts ditu munts, him fapts ditu gionj sh-ditu cântcu di fluiarã

Noi him armânj, sh-armânj va-s him! Armânjlji nu pot s-chiarã !

Tu suflitu-nj di gioni aushilj picurari tuts s-adunarã

Sh-cu boatsea-n coru âshi cântã giunamea di unoarã...

Sh-averea loru ditu suflitu tu suflitu nj-alãsarã

Cã s-escu mini tora Armânu sh-ca numa s-nu u chiarã !

Tu inima-nj di-Armânu tsi bati ti a lor numã

S-analtsã soia noastrã, sh-ca râulu di pitu munts tutu sândzili s-adunã,

Sh-cai va s-ânj sta ân cali cându boatsea va-s nji-asunã:

Lãi papi a melj ditu munts, ti voi alumtu! S-nu cheru a voastrã numã!

Him fapts ditu munts, him fapts ditu gionj sh-ditu cânticu di fluiarã

Noi him armânj, sh-armânj va-s him! Armânjlji nu pot s-chiarã !