ZBORLU A NOSTRU – 1-2/2000
37
*Anlu aestu «Uniunea Federativă a Comunitătsiloru ditu Europa» (UFCE) - cu
sediulu Flensburg, Germania -, tsănu congreslu anual tu bitisita a meslui Maiu,
Slovacia.
Uniunea tră Limba shi Cultura Armănească (ULCA), membră la UFCE, pi
ningâ documentatsia trâ arada di tora a armânamiljei, dipusa la prezdiumlu a
ongresului, :
1.
adusi aminti disnău că, nai ma multu tu Gârtsie, văsălii cari easti luyursită ca leagănlu a
democratsiiljei, nu suntu ricunuscuti andrepturli la limba maternă zburâtâ di
miletsli cama njitsi ca numiru. Xenofobia shi shovinismul natsionalistu aducu
mari znjie a limbăljei shi a culturăljei armăneshti. « Tu Gărtsie băneadză mashi Gretsi, ashi că, tră vărnă altă limbă
nu easti locu». Aestu easti unu «sloganu» arăspănditu nu mashi tu presa
extremistă di dreapta ma sh-di niscănte organisme a cratlui. Tră paradigmă: prezidentul a Sutsatiljei Armănjloru di
Athena, arhitectul Sotir Bletsa easti
djudicatu tră căbatea că avea la elu shi aspusi sh-la altsă, harta a limbiloru
minoritari shi regionali ditu Uniunea Europeanâ, hartă tipusită di «Biroulu di
la Dublin tră limbili ma putsănu arăspănditi»;
2. rugă prezidiulu, s-caftă :
a.- la Adunarea Parlamentară
a Consiliului Europpeanu tra si s-veadă cumu easti rispictată Dimăndarea 1333(1997) di guvernile
ditu Albania, Bulgaria, R. Macedonia, Romănia, tuti, membre a Consiliului
Europeanu ;
b.- la guvernul/chivernisea di
tora a Gărtsiiljei, iu băneadză atsea ma marea parti a armănamiljei :
- s-lja meatri tra s-hibă tsănută
tu yishtearea culturală (politismolu) a Gărtsiiljei shi a Eurpeljei, limba shi
cultura armănească, ashi cumu caftă Dimăndarea 1333 di Strasburg ;
- s-nu da izini si s-facă
propagandă shi fapti shovinisti shi xenofobe ;
- s-curmă asparisma tsi s-propagă contra
atsăloru cari voru să-shi zburască shi să-shi anveatsă limba, shi s-curmă purtarea pritu tribunali a
arhitectului Sotir Bletsa,
prezidentul a Sutsatiljei Armănjloru di Athena.