24                                                                              ZBORLU A NOSTRU – 1-2/2000 Kiatra  tsi  Astrigă*                                                 CÂNTICU  DI  JALI                                                      (trâ paplu-a meu)

Moarti laie sh-fârmâcoasâ Tsi-nj eshtsâ-ahânt-njilâoasâ Cumu nu ai oclji ta s-vedz Ta sâ vedz, ta sâ uhtedz Nu ts-ai ureclji ta s-avdzâ Estâ jali s-nu u-aravdzâ. Ti pârâcârsescu, moarti, Ninga estâ oarâ s-mi-avdzi: Nji-vini-arăulu,-nji vini lai Muri paplu-nji, mirâ lai, Muri paplu, sh-lja nâ cali Di iu vâr-nu-ari turnari! Papu, anji mults aveai bânatâ; Ama earai ca tu njiatâ! Anjlji, papu, nu ti surparâ Hiavrili ti vâtâmarâ! Yitrii nu ti vindicarâ, Lândzitu, papu-nj, ti-alâsarâ; Sh-unâ dzuâ n-alâsashi, Ditu somnu nu ti sculashi Lailu calu-ancâlicashi Sh-di lumea-aestâ-ascâpashi!

Vini moarti, mori, asearâ S-ti ducâ tu erma hoarâ! Tsi s-adaru, mâratu di mini, Cumu va s-armânu fâr-di tini! Cu tsi gurâ s-ti zburăscu, Sh-cu tsi oclji s-ti mutrescu!? Zbura, papu, câ moru di doru Dâ-nj ditu gurâ unu zboru: Câ tse fudz, iu va ti duts Va n-alashi singuri tu munts'! Adunats-vâ anvârligâ, S-cântămu paplu-nji tsi va s-fugâ.. Sâ-lji dzâtsemu cânticu jilosu Cânticu multu fârmâcosu! Bati shi câmbana-asunâ Lumea tutâ ta s-adunâ, Tu murmintu s-ti dipunâ! La groapâ-ts lilici s-creascâ, Cari treatsi s-u-anjiurdzeascâ!                              16. 01. 1998

* Pseudonim (numa easti un toponimu tu hoara armânească dit Pindu iu băneadză autorlu).