ZBORLU A NOSTRU – 1/2001 9
PAGINĂ TRÂ FICIURITS
(Andreaptă
di Cristina shi Daniela)
RIGEAIE DI FEATÂ NJICÂ*
Dă, lăi Doamne, Dumnidzali,
Mashi ploaie di mshati steali ...
Pisti-a noastâ casâ s-cadâ
Sh-njiurizmâ di-analtâ dzadâ
Cathi dzuâ sâ-nj mi-ambeatâ
S-crescu mari sh-mult
musheatâ!
Dă-nj di-a ta lunjinâ-steauâ
Tra s-u-mpartu la dunjeauâ ...
Dă-nj di ayisita-ts njiatâ
S-hiu nâ featâ
multu-aleaptâ
Mintimenâ sh-mult durutâ
Sâ-nj mi va dunjeaua tutâ!
Dă-nj di dhoara-ts ayisitâ
S-crescu bunâ,
tinjisitâ
A pârintsâloru
harauâ,
Ti-armânami: njicâ steauâ!
Dă-nj niheam' di-a ta lunjinâ
Tra sâ-nj hibâ casa-mplinâ:
Soie bunâ sh-cilimeanji
Sâ-nj trecu ghini, lundzâ anj!
* * *
RIGEAIE DI FICIURICU
Dă, lăi Doamne, Dumnidzali
Mashi ploaie di mshati steali ...
Pisti casa noastâ s-cadâ!
Dă ghineatsâ - fârâ-aradhâ
Ti pârintsâ, ti-a mea soie
Dă-nj, Doamne, aleaptâ boie
S-crescu gioni ca areati
Sivdaie la-aleapti feati!
10 ZBORLU
A NOSTRU – 1/2001
Dă-nj putearea
sfulgului
Mushuteatsa-a muntilui!
Dă-nj tsi shtii tini ma-ambaru:
Tr-a mea farâ - liundaru!
Sânâtoasi bratsâ sh-minti
S-minduiascâ mashi trâ ninti!
Tsiva, Doamne, s-nu mi-asparâ
Cându-i zborlu di-a mea farâ!
* * *
RIGEAIE DI DADÂ
Dă, lăi Doamne, Dumnidzali.
Mashi ploaie di mshati steali ...
Pi-a mei cilimeanj s-arutsâ,
S-creascâ mări shi-mplinj di hări!
Anvâlea-lj tu doaga-ts caldâ
Tu lângoari sâ nu-nj cadâ!
Dă-lâ calea-atsea ma-aleapta
Nai ma lunga, nai ma-ndreapta!
Dă-lâ pânea-atsea ma bunâ
Uidisitâ -a loru cârunâ ...
Dă ghineatsâ, prucuchie
Tu musheata loru avlie!
Dă-lâ banâ hrisusitâ
Dă-lâ taifâ prucupsitâ!
* Poemati di Kira Iorgoveanu-Mantsu
ERATĂ
Tu numirlu 1-2/2000, la pag. 15, tu
ahurhita a isturiljei „Shoariclu, cucotlu shi-mâtsa” lipseashti si s-aleagă
aesti zboară:
„Unu shoaricu njcu inshi
priimnari. Imnă tsi imnă pritu uboru sh-diapoa s-turnă la dadă-sa shi-li
dzăsi:”