∼ 再見ｎａ，朋友 ∼
今日我叫左朋友個女友上尼我屋企教我點用ｏｆｆｉｃｅ，
之前嗰日我先至打電話去約佢，但係佢可能因為我同佢男朋
友，前幾日嘈過，到依家都未好番關係，驚去尼我屋企教我
會令我個Ｆｒｉｅｎｄ亂諗野，跟住我先打番電話比個ｆｄ
同佢講要佢條女教我．．．
我好老實講句，到依家我仲係唔可以當番佢係我朋友，因為
佢實在出賣得我太多，我忍受左好耐，一直當冇事發生過，
但直至前幾日，佢竟然可以因為ｄ好小嘅事同我嘈，仲可以
嘈到話絕交，我當時真係好嬲，發覺我同佢响心目中朋友嘅
定義原來真係相差太遠，我可以容忍到佢一次又一次咁出賣
我，利用我，呃我．．．而佢．．．而佢根本係覺得我咁忍
佢係應份咁，一次又一次咁出賣我係冇問題，仲可以隨時話
絕交就絕交，我覺得．．．我真係忍夠，好多朋友都同我講
如果比著佢地係我一早就已經忍唔到，佢地仲話我太傻，佢
咁對我，我都仲可以對佢咁好，．．．或者，太好人可能就
係我嘅弱點．．．．．
佢今日陪埋佢條女尼我屋企教我用ｏｆｆｉｃｅ，我真係唔
知佢依家點諗，尼到我屋企扮哂同以前一樣咁稱兄道弟，好
似乜事都冇發生過咁，但我真係唔可以當冇事發生過，因為
我對呢個朋友真係死心，呢一切一切全部都係佢自己一手一
腳做成，既然一切嘅野已經發生左，當初你又何必咁做呢．．．
朋友呢樣野，真係可遇不可求ｇａ．．．．唉∼∼∼∼
再見ｎａ 朋友∼∼∼∼∼