ЗГДОП од 21-21 јануари 2000 организира Камп за деца со дијабетес со кој ќе се стекне искуство за организирање на вакви кампови за деца и возрасни кои би траеле подолго.

            Најважно е да децата со дијабет се сретнат и разменат искуства со други и да бидат одговорни за својата состојба, а исто така и родителите да се соочат и разменат искуства за водењето на дијабет кај своите деца–исхраната и однесувањето со овој вид на популација.

• Кампот го води експерт–специјалист по Педијатрија, а му помагаат лекар едуциран за дијабет и медицински сестри специјализирани за водење на дијабет кај децата;
• За обезбедување на оптимално водење на дијабетот се обезбедува континуирано мерење на гликемија за време на траењето на кампот;
• Се обезбедува и глукагон за спречување на хипогликемија, ноќно мерење и давање на екстра закуски;
• Обезбедени се три јадења и три закуски дневно во определено време;
• Јагленохидратниот и калориски внес ќе биде надгледуван и дискутиран со родителите и децата, а ова обезбедува да се прима адекватна исхрана;
• На располагање е и еден автомобил за итни потреби;
• Едукацијата е обезбедена преку серија на интерактивни предавања и пасивна настава од страна на директорот на кампот, општ лекар и едуцирани медицински сестри;
• Спремени се протоколи за пратење на децата во кампот, за исхраната и за научните испитувања кои се поделени;

            Ќе се анализираат придобивките од кампот, однесувањето на децата во средина каде е нормално да се има дијабет, развитокот на пријателството, можноста за учење во кампот, евентуалните грешки и мерки за нивно отстранување и придвижувањето кон висок стандард за заштита на дијабетесот.