Ладни стапала

• Треба да се прекине со пушење, бидејќи никотинот предизвикува грчење на крвните садови и со тоа го смалува доводот на нозете (стапалата);
• Треба да се обезбеди доволно топлина (со носење топли чорапи и друга топла облека, особено во зима), бидејќи студот предизвикува исто така грчење на крвните садови и го намалува доводот на крвта;
• Забрането е носење на циркулаторни подврски (ластик, кружни врвци за чорапи, чорапи со тесен ластик и слично), бидејќи истите вршат притискање на крвните садови и на оневозможуваат или нарушуваат крвната циркулација;
• При седење нозете не смеат да се држат вкрстени, бидејќи на тој начин се врши притисок на крвните садови и слабее циркулацијата;
• Ако се постелните прекривачи тешки, потребно е да се стави перниче над стапалата;
• Не треба да се ставаат никакви лекови на стапалата без претходна консултација на лекар, затоа што некои од тие лекови се особено јаки, штетни и може да доведат до оштетување на нежната кожа на стапалата и до слаба циркулација, а со тоа и до несакани последици;
• Не треба да се ставаат локално топли облоги без претходна консултација со лекар, како на пример шише со топла вода, термофор, топли крпи или слично, бидејќи и умерената топлина може да доведе до оштетување на кожата, доколку циркулацијата е нарушена и ослабена.
• Доколку кожата на стапалата е влажна, постои склоност да се развие атлетско стапало. Во овој случај чевлите и чорапите се посипуваат превентивно со талк;
• Препорачлива е секојдневна масажа на нозете (посебно во зимскиот период), заради обезбедување на подобра циркулација.