泰國之旅
26-30/06/2003
在籌備這個泰國之旅也費了很多時間,人力和物力才能"順利"完成!!(抹一額汗^_^").
還記得出發前幾天已開始夢到一大班人一起玩,可知我是多麼期待啊!!可幸沒有令我失望!!
第一天, 我們都十分high呀!!趕著上機的同時也要留影(趕時間都要影相是我們的特色!)
興奮的我們在飛機上也拍照和錄video.
琦,togi,woman,昇,發,大頭, yeah~~~ 沙話d car togi你好重呀!雖然我冇份幫手抬!! 首席cameraman.haha~
小芳,我還有影相的小麟子
坐完二個多鐘頭後, 一落機立刻感受到當地的熱力. 之後便去吃晚飯,然後回酒店了.
夜晚去附近逛街,仲遲到累togi和琦呆等了半小時 (sorry). 回到酒店發覺枕頭不夠
分(九個人得八個枕頭),所以激發起一輪搶枕頭事件(係四個男仔同三個女仔爭,過份!!).可能
因為我們太投入了,所以被隔離房投訴.最後,我們手持武器 (人字拖)獲得了最後勝
利!玩完勁累便睡覺去了!!
四大美人~~haha~~ 鱷魚bb出世了 好味!! 原來李醫師係職業殺手
第二天去賞花撲蝶,鑑賞寶石, 馴服猛獸毒物, 射槍和騎大笨象. 夜晚行過mike plaza
和吃完burger king才乘兩排車回酒店.因為買了拳套,所以拍埋'阿虎之龍虎豹'先訓.
行左mike幾粒鐘, 坐兩排車好抵架!! 晨咁早起身食早餐 降落傘(好瘀!),香蕉船(好驚!),
食完burger king已經好累了!! 最好味係香蕉蛋榚呀! 水上電單車(好high!)
到了第三天, 吃過早餐便朝珊瑚島進發. 終於可以一試期待已久的香蕉船,水上電
單車和降落傘了. 玩降落傘時,因為我實在太緊張,所以無留意到原來起步時要跑.
因此, 我強被拖行幾步然後升了上天 (好痛呀!!). 之後的香蕉船雖然只是反了兩次,
但唔知幾時會跌既感覺, 仲驚過真係跌呀!到了水上電單車, 我們兩人一組的玩.
雖然沒有鬥快, 但都好刺激. pat pat被彈離個位既感覺, 真係好high. 另外, togi仲
玩了水上滑板. 而我地便在隔離玩下水,拋下人. 接著吃埋食左等於冇食既lunch
後便去按摩 (按完仲痛過未按!) 轉個頭又去食晚飯了!睇完個幾悶既人妖show後
又去行商場.小芳和woman更玩了假紋身. 回到酒店,睇返當日拍既video便訓覺了!
玩左一次go-kart車腳都撞瘀埋,唯有拍攝
好型啊!! 等緊比錢呀~~ 他們玩第二次的"低智能方程式"比賽啦!冠軍係大頭=最低能
第四天, 晨咁早起身就去買手信. 之後便去夢幻樂園玩機動遊戲, 真雪城玩雪兜+
扔雪球. 之後便去過冷河,玩激激流,唔買雨衣,成身濕哂,勁爽!
事後幫阿琦,togi,發,昇拍video時被他們勁"high"水,
我地又
落雪啊!勁凍啊! 走又嗌, 圍觀d人以為我地拍緊戲!好好笑!
之後玩海盜船'fing'返乾d衫,我們男女相隔約五六行對坐.當阿琦想學發和昇扔衫
比我地時,竟然扔中我們前兩行某位阿叔的頭,當時勁好笑!接著再玩小芳最怕的
鬼屋,我倆撓著手並死捉著前面的人,一有怪聲便勁嗌,好快便玩完了!說真的,睇
小芳的反應好玩過行鬼屋. 玩到夠便去kfc食lunch,然後影相.
我們的logo,閃呀閃呀閃呀! 
借位得勁似呀!!
之後便濕漉漉的上旅遊車去食燕窩和行皮具城. 晚餐便是不好吃的泰式火鍋(?!),
之後繼續行商場, 吃雪榚,行夜市,唱主題曲二重奏(jazz版, 莫華倫版和我最愛的
hip hop版等..),返酒店拍'無間道之無對白'到凌晨三點才訓.
雪榚好味又好睇!
到了第五天,我們要離開了.男仔們遲起床因而錯過了早餐,唯有去到機場先食啦!
我地又一次遲到(因為有人突然要進行重大工程),成機人等我地和另外幾個乘客.
在burger king睇返昨晚拍既'無間道之無對白',笑爆嘴呀!
導遊0黎講呢....講野有好多'...0黎講呢'
己經遲到了!!但堅持要影相,不要有遺憾麻!!
在香港和領隊合照@下午二時多
上機時好注目呀!!最衰冇得前後三排一齊坐,所以都幾悶架!返到香港都冇人
0黎接機.最後同領隊合照完便離開了.
眨下眼便過了這五天了,臨走時真的不想回香港呀!很難再有機會這麼多人一起去
玩的了!!所以我們都好珍惜今次的機會.雖然開頭遷就時間方面真的好煩,過完一
關又一關(搵咩人去既問題啦!我出ward的問題啦,阿琦補習及上lab的問題啦!阿昇和togi的passport問
題啦!加位既問題啦等等!!)但現在想起都是值得的啊!!學小麟子講,不要留有遺憾!麻煩d,
辛苦d都值得既!!今次最辛苦0個個,一定係我們的leader發啦!!他一手一腳處理哂今
個trip,由報團,交錢,加位,買保險,約人等等一腳踢!!所以會長呢個位,真是非你莫屬
架!阿發,永遠懷念你!哈哈!!
小麟子詩興大發,用了一晚時間, 作了一首詩來總結我們在泰國的所有經歷.
寂寞的心九男女，泰國之旅同歡聚，
機場集合齊出發，飛機直飛曼谷去。
大雨滂沱兼打雷，首晚行程凍過水？
九位勇士不畏懼，稍停雨即上街去。
分手約定集合時，七人遲到彌天罪，
阿琦Togi等又等，等半小時累又累，
七人唯有齊謝罪，終得寬恕可安睡。
第二天，觀蛇園，女講者像播音員，
罌粟花蜜蝴蝶園，孔雀開屏難預算。
老虎仔，大鱷魚，影相接生大團圓，
蠍子美人膽生毛，勇於嘗試齊共舞。
拍阿虎，打打打，遇上你你知道嗎？
遇上你你知道嗎？遇上你你知道嗎？
Day3珊瑚島，降傘「離晒譜」，
會長matrix型到震，小芳扮雀好低能，
電單車，香蕉船，水上活動激到暈。
古法按摩好提神，家麟哥床上打滾，
掂呀掂呀係咁叫，泰妹見到都好笑，
小芳Togi都唔弱，一齊掙扎起飛腳。
人妖表演悶到嘔，一個二個早D抖。
去到mike，食雪糕，人妖發原形畢露，
訪泰原為探行程，尋找機會去變性。
行完商場好身痕，小芳Woman做紋身，
跌膊康樂超級索，膊頭有花俏女郎。
鋤Ｄ時間第三晚，琦哥被炒無力挽。
Day4離開芭提雅，逕向海味場出發，
海味食品有很多，烏蠅更是一籮籮，
魷魚片，椰子糖，價錢跟港差不多，
最後機會買手信，人人也都有收穫。
夢幻樂園裡，過山車勁頹，
洗衣桶，轉到暈，高卡車車神誕生，
大頭第一低智能，包尾車后小美人
飄雪樂園凍死人，不過大家好開心。
衝浪船，玩濕身，「哇！呢隻船勁到抽筋！」，
會長尚覺未夠喉，拉隊上橋再興奮，
內副負責攝錄機，最後亦難免一死，
途人奇異眼光寄，心裡以為在拍戲。
好戲仍然在後頭，九人鬼屋裡漫遊，
發現尾隨黃俊昇，如有高牆心安定，
Woman一介女兒身，自告奮勇在前行，
閃呀閃呀能鎮驚，會歌代替尖叫聲。
泰皇御賜御花園，拍照留念是首選，
阿昇阿發情難禁，面對鏡頭來熱吻。
離開樂園去世貿，Woman講價有一手，
Night Plaza內有怪獸，店裡會歌二重奏，
最後衝刺買到夠，回到酒店再搏鬥！
夜拍精裝無間道，經典角色輪流做，
會長演技太出色，阿昇NG是被逼，
臨記大頭好努力，秋生跳樓亦夠激，
韓賓之死靠阿琦，筋疲力竭齊收皮。
四大才子唔知醒，一朝早趕頭趕命，
最後一餐Burger King，回味五天的旅程，
阿昇把握每一秒，機場爆石留記念，
終於上機回香港，泰國之旅完結了。
泰國立下里程碑，本會基礎由此起，
幹事名單得確定，格言會歌相和應，
勇於嘗試創未來，每分每秒要enjoy，
自己的事自己做，阿郭黎講要做到，
一生起碼豪一次，慳得就慳在同時，
以上格言誰做到，請join我們俱樂部。