私之日記
回首頁 天真玩伴 泡泡幻影 連群結隊 憑歌寄意 留言天地 心語筆錄 上世紀的星月週記及上半年的私之周記
2000年
12月27日
下午無端端差點休克暈倒......很辛苦.
12月22日
冬天令我想起一個朋友,是因為知道自己的錯,所以特別重視這位朋友.其實大家也很久也沒有聯絡,我還以為會失去了一個朋友,不過凡事都有好的一面.其實我現在最重視的朋友就是佢一個.若有機會我一定會同佢講出原因同解釋.
12月21日
已經很好了,上天給我多一點時間....只是自己不敢再奢求什麼,我知道有一些是只可遠觀而不可褻玩....就是那麼珍貴.
12月20日
突然間失去了自己最擅長的本能.....開始害怕及擔心.......
12月11日
相片中的美麗,他日會否再重現?相片中獨欠一人...也許是唯一的遺憾吧!
每天也有新的挑戰,可以應付嗎?只有知道自己的缺點,再加上自己想去,肯去改變,便可以了.
最近很迷茫,突然間不能肯定自我,像是迷失了方向.....這十幾天的思考令人很累了,也許要停下來...讓時間來證明給我看我想知的答案吧!
12月1日
不想有煩惱事,就要斬斷所有問題的根源!'絕'是我的本性,不要怪我無情.我只是在保護我自己.
現在醉心於書本之中,想要一個屬於自己的小天地也不可以嗎?
不要用'辛苦'這詞來形容讀書,其實讀書也是享受的一種過程!
11月30日
又一次違背了自己的誓言,為何會是這麼脆弱?是因為承受不了'不了解'吧!努力只會是換來責罵...., 我希望那只是嚇我的話.中七之後.......
11月23日
恩恩不知不覺已經到了入學年齡了...Ms Yiu明天同囡囡去interview...是九龍塘的什麼國際英文幼稚園! 現在讀名牌幼稚園=名校的小學及中學...一條龍政策....是好是壞已知曉了!
現在選擇權在我手,我所選擇的一定要是最好,所以我會精挑細選,請不要太快下結論吧!
11月中
眼前是書本的公式,想到腦海都變得混亂了!常說不明白,就會不明白!其實不是不明白,只是不想去明白.明白了便要記下,記下了又會忘記,忘記了又不知在那裡再找出來背...惡性循環!人生目標,開始發覺自己需要什麼,不需要什麼,很清楚自己所做的一切,已有了初步的決定!別人說得對,為什麼要約束自己?為何不跳出現在的生活框框?還記得'林記'所說的一句話,直到現在有空的時候也會想一想,對於我來說,那句說話很有意義的!一直以來都忍受,所以將來我一定要改變一切!
11月6日 星期一
愈來愈不知道在說什麼,一個非常囂張及極度挖苦別人的女子!唉.....何謂'辣椒仔'?
11月3日 星期五
同Ada,Kerry and Katy一齊去教協買文具.難道shopping真的是女孩子的天性?不斷地將貨品放在購物車上.....當發覺貨品滿車時才驚覺....買了多少錢?幾個女孩子一齊shopping會是如此瘋狂...本人第一次感受!
10月想想
相似,這詞聽過很多次,亦寫過很多次.不過我對它很抗拒!我就是我,我是獨一無二的!我誰也不似!若硬要說似,我只會說'我似我自己'.還有一點想法,相似是未必合得來,有時候的所謂的相似並不可能達到合拍.相似也許會是一種負累,互相傷害而已!
10月29日
搭訕是不好呀!千萬不要搭訕,這會惹人討厭!
10月28日
我對自己有要求,同時亦會對別人有要求.自己會務求達到目標,更會不惜犧牲一切來換取成功,這可算是一種非常自私的想法/行為!別人達不到我所要求的,就算了吧!
10月27日
獨個兒在溫習室讀書,連時間也忘了!在那兒,我想起了上屆中七同學很努力,我也該像他們一樣努力才行呀!
10月22日
看到了,不過選擇了逃避.到何時才會明白?為何要死心不息?
9月29日
我的手提電話很有問題呀!明明輸入了正確密碼,卻說我密碼錯誤!!!連續試了幾次也不行!當我見到螢幕顯示出'last try'時,很驚呀!!!萬一再失敗便lock了我的SIM Card......我以後便不能再用了!!這次不容有失...戰戰兢兢的輸入密碼,看它processing,心裡很驚,到最後終於都安全無事!真是被它嚇死!
9月28日
男莊在英文堂很熟睡呢..連下堂鐘聲響了也不知!我們全班也戲弄他,不叫醒他..全班人也走清光,只剩下他一人在中一的班房...哈哈!到最後他被中一生叫醒!!!
9月中
發生了件大事,大家都概擔心又煩惱...現在天天也是一種煎熬,只有在學校的時間才可以開懷大笑.功課測驗也不外如是,上課是唯一的嬉戲,可以暫時不想一些事,只有那兒.發覺原來自己跟兒時完全沒有改變,只會瑟縮一角... 以前不明白什麼是'以淚洗臉',現在請不要刺激我,亦不要試探我!什麼叫"心力交瘁",嘗試到了....精神快要崩潰......這個月太難捱了..
也許現在沒有人會有時間為我操心,而且我亦不想再增加麻煩,唯有靠自己,也許一齊都要自己決定,要獨立了!
9月13日 星期三
很累了.事不關己也這麼操心擔心.很害怕........ 我討厭了!思前想後,也發生了很多不愉快的事情.人長大了,就有擔子,不過擔子愈來愈重.家中的擔子開始轉移到自己身上,很多事情亦不得不操心.我不想這麼快便要去承擔啊!
9月8日 星期五
會社介紹日完了,可以好好休息了
9月2日 星期六
留在家中,沒有去外.雨一直下,很涼爽,空氣是清新了.不過還是覺得欠缺了一些...
還記得數年前的暑假的幾個早上,七時許便要出門,經過花墟,除了看到不同品種的漂亮花
兒外,還可以從晨早清新的空氣中感受到花的清香,這真是一種很舒服的感覺!
今天大哥的朋友到我家拿回雨傘,他是我的師兄呢!數年前他也是讀7B啊!不過他是讀Double
Maths.我真的想知道當年是誰教他英文,物理,純數科呀!可惜他因一科語文不及格而入
不了大學.我真的有點害怕A-Level呀!他給我的物理及純數書我一本也未看完....太多書本了,
怎會看得完呀!
*How gentle is the rain, that falls softly on the meadow. Birds high up on the trees,serenade the clouds with their melodies.*
Repeat *
Oh! See there beyond the hill,the bright colors of the rainbow.
Some magic from above.Made this day for us, just to fall in love.You'll hold me in your arms, and say once again you'll love me.And that your love is true, everything will be just as wonderful.
Now, I belong to you, from this day until forever.
Just love me tenderly and I'll give to you every part of me.
Oh! Don't ever make me cry, through long lonely nights without us.Be always true to me, keep this day
in your heart eternally.
You hold me in your arms, and say once again you love me.
And that your love is true, everything will be just as wonderful.
9月1日 星期五
原來有'開學七件事'未完成呢....又開始繁忙了!希望可以快點完成就好了!
不知不覺已經三年了,時間也過得真快.曾經追尋過的,消失了,現在又出現.再一次聽聽
那首歌,沒錯是很動聽,但是已經聽不到那種感覺.時間的流逝,忘記了過去.人與事,
亦只不過是一些經歷.長大了,就只是回憶而已.以平常心去看看每件事,便會發覺它是很
簡單的.是鑽牛角尖,還是放不低,抑或是不甘心?這一切都是不值得的.從日積月累的
經驗中成長,便會變得理智與成熟.以往單憑直覺的方法,是不可繼續下去了.時間一分
一秒的過去,愈來愈著緊所剩下的時間.不可再浪費了,空想是不設實際,行動才是最佳辦法.
8月31日 星期四
原來星期日聽pmath講座,阿榮見到我喎,不過我見唔到佢呀!我只掛住同Ada傾計,不過冇乜點同大聲公同Pan傾計!
8月30日 星期三
今天很多電話呢...本來下午諗住打,點知唔使打就電話響,真係很巧合呀!夜晚睇緊電視有電話搵我,呢把聲係邊個呢?啊....細Wu!
8月28日 星期一
其實自己是一個十分自私的人.....怎樣努力也改不了.縱使慢慢地改變,別人亦不會知道.人總是主觀的!
8月27日 星期日
短時間的聚會...大家都不錯吧.....
8月26日 星期六
今天做了遲到王...去邊都遲到!
若非親耳聽到真的不敢相信.....那簡單的一句話,令腦海立即一片空白!呆了!!
哎呀!!!原來賺o左.....我唔知o家!!我係問返朋友先知呀!唔好意思.......!我唔知道點樣先可以做得好,可能是因為價值觀唔同,亦可能因為待人接物的方法不同,所以有不滿的地方.不明白的地方太多了,再加上對事物的要求不同.就彷如兩個世界的人...
8月24日 星期四
很罕有呢!Rebecca send email俾我!
唔好意思....原來把傘係Ada...我都唔記得幾時問佢借囉...哈哈
8月23日 星期三
終於駁回電話線到電腦,又可以上網了!
好痛呀!!!我的手指甲好似反傘咁反,今次都係第一次咋!!最奇怪就係我反番好指甲但係竟然冇斷到!犀利囉!
0.56卡的鑽石頸鍊呀!!!!可惜不是送給我的...唉........
8月22日 星期二
上咁多個鐘chem....嘩!!!!o的organic chem好深呀!我諗補完呢個section 13都唔再補lu...太貴了!總之視情況而定啦!
8月17日 星期四
很黑仔呢,朝早一起身就整親條頸,接著就頭痛,喉嚨痛(其實已潛伏了幾天,今天特別辛苦,唔想講O野...).好痛呀~~~ 不過,今日又有多一隻SNOOPY呀!很意外呢!我都冇諗過啊!真係估唔到一個送完SNOOPY,另一個又送SNOOPY俾我!雖然我不是SNOOPY迷,但是個公仔都幾得意呀!太好了!
8月16日 星期三
很擔心呀...想問O下情況如何,但係冇機會問呀!想問都唔得(太多人).
唔劑呀!Ada唔要我啦!咁以後咪得我一個人囉?!!唔得!!!但係唔得都唔得啦!我好慘呀!俾人遺棄了!
8月15日 星期二
精神思想上的老毛病而已...其實根本不是有什麼問題...
今天下午一點幾兩點先醒,自己都覺得不太好.不知道這個生活方式何時才會正常呢? 另外,昨日計pmath past paper I 95!計哂o的識的數就覺得很氣憤!!!!有冇搞錯呀!一份paper計成廿版紙?!!!!發癲o家!!一份卷三小時,今次我要成十幾個鐘計,仲要睇solution先識計!!點算呀?!!
8月14日 星期一
不知道將來會怎樣呢?明年今天就會知曉!今屆的7B有咁多個入到U,唔知我班7B會點呢?
8月13日 星期日
誰會甘心做一世配角?又有誰不願意做主角?只怕沒有機會,否則什麼角色也可做到!
年復年年枯燥無味的生活,何時會有轉變?用心的待人接物,換來的是不快樂!撫心自問,自己也沒有做錯過什麼!為何不給我去達成心願?
在失意時去落井下石,最可恥的!在傷心時再感受痛苦,最殘忍的!病發了!心知不妙但卻估不到何時發生,未找到良藥便開始發作.我的身子如何才會復原?要擔心的事太多了,所以開始想放縱!
8月12日 星期六
是擔憂 未曾擁有! 是害怕 已經擁有! 為什麼?? 因為失去! 沒有人知的故事就如未完的小說! 既然知道了將來可能會有的失去,就自然會去深思熟慮,多一事不如少一事!或許會是辛苦的,不過如果是可以解決的話.... 始終會有完結的一日!現在無形的壓力別人是不會理會的,只有自己知.
還在想什麼?從前的你在那兒?現在的你在幹什麼?為何永遠放不低?這些年來不是好好的麼?眼前的你已經不是你了!你何時才不會逃避?
奇怪!害怕寂靜,卻喜歡黑夜??不會吧!黑夜就如寂靜,為何只喜歡黑夜不喜歡寂靜?在黑夜可以隨心所欲,寂靜是猶如絕望.
不想口角,所以沈默.有罪嗎?無聊的話不想聽不想說,所以沈默.不要誤會.
重回那天那地
多麼思念 或者都會變
當初有情 但能否復現
今天一樣 還是各自有些分別 一種試驗
分開之前 曾經多放肆
一腔至誠 共尋一二事
今天相遇 沒法相信你在面前
重捨多青春的心事 回到那地那天
當初一句說話重新聽聽得更真
將那片段重溫 然後相依的更親
真心經過試驗才知真的不會變
重聚一刻更接近 情意更滲入
分開之後 未必敢再見
擔心變成 舊情與舊事
今天相遇 沒法相信你在面前
重活多青春的心事 猶勝那地那天
當初一個印象重新刻刻得更深
將那美麗重生 然後呼吸得更急
真心經過試驗才知真的不會變
誰是你 共我跨過了時日
當初一句說話重新聽聽得更真
將那片段重溫 然後相依的更親
真心經過試驗才知真的不會變
重聚一刻更接近 情意更滲入
8月11日 星期五
討厭呀!!!!!!點解咁冇用o家!!!!
8月9日 星期三
今日會考放榜,在A3駐守!很高興呀!Carman有很大的進步啊!!!!!今年學校收16分,但有幾個15分都收!商科班人是否有問題?!!打破傳統廿幾個14分以上?!Typing A-B grade的人有三十幾個?!!文商科的人今年考得幾好!
8月8日 星期二
好嬲呀!!一次係咁,兩次又係咁!!容忍有個限度呀!!!已經嚴重警告過,而且一次又一次的給機會!不過今次我真的忍無可忍了!本來想大罵一場,只是念在多年同學,而沒有當眾大罵.可惜某人唔會知錯,應承過我又冇o左件事,我已經徹底失望!!!!!!!!!!!!
8月7日 星期一
咁大個人都應該知什麼是食飯禮儀吧!在屋企雖然可以很隨便,不過都冇理由將對筷子篤去我碗飯然後夾走了叉燒!雖然對筷子未食過同埋我係唔想食那塊叉燒o者,但係都唔使咁冇禮儀呀?!!唉............
8月3日 星期四
一切都轉變了!一剎那寂寞的感覺.....有時待在家中真的很苦,尤其是上班時間!! 嘗試去溫書,不過不明白的地方太多了.我很多時候都想聽到嘻哈笑聲,可惜.......
長大了...原來代溝真的存在!只是我一直都不知道(或許是自欺欺人吧!) 其實已經很好了,我還能奢求什麼呢?
8月1日 星期二
好辛苦呢....花了整個下午製作網頁呢!很累啊!!
7月31日 星期一
嚇死我了~~二佬竟然問我數...原來佢問我數係為了寫公司的program,哈哈.....我間接幫手寫了program呀!
打網球game竟然打贏阿哥?!!唔係呀....原來平時唔打機的我咁叻o家!!!
7月28日 星期五
哈哈哈!!!!!!!!出糧了!!!現在竟然不用還錢.....太好了!
吃那碗辣魚蛋麵的後遺症啊!!!!雖然對我來說真的很辣,不過真的好好味.....挑戰極限!我想再食過!!!!!!
7月27日 星期四
很炎熱的下午呢~~~~~~
7月26日 星期三
買了新衫呀!!!哈哈哈哈!!!俾阿媽話'女仔買埋哂o的男仔款的衫',但係我真係鍾意呀!!我真係成個男仔頭啊!冇法啦~我始終覺得自己男仔頭會好o的,好爽o家!
7月24日 星期一
覺得距離愈來愈遠...是我走得太慢,還是你不想再等我?一句再見的說話也沒有....... 我不能了解你,不知道你在想什麼.曾經努力過,但發現了不是我一個的錯,只是你太完美.我不會再嘗試去控制你了.....
7月23日 星期日
在報章上看到一篇由張小嫻所寫的短文,有一點的共鳴感.其實在本地小說女作家之中,我最欣賞張小嫻及李敏.真的很想去書展呢!可惜明天已是最後一天......
猶疑了一朝早...結果都是沒有去........等出糧吧!
7月21日 星期五
自己不是做老師的料子吧.....
7月20日 星期四
事情又峰迴路轉...完全改口了!一百八十度的轉變!!!!!!!!轉軑轉得真快!什麼動聽的說話都講了...現在不知道啊!
7月19日 星期三
衰人伍十蚊,陪佢食早餐仲咁鬼串!句句窒住哂!可惡!今日是中一暑期補習班的第一堂,幾好玩呀!
唉......係要整到我扯火先至收聲!想同我算帳咪算囉,唔好咁麻煩啦!一就一,二就二呀!若要去都盡,咪算完這筆帳後唔用部機囉!冇得上網便算了!我唔會為了上網而去受氣!!!!討厭見利忘義的人!!!現在我正物色notebook,以後有咩事求我我都唔會理.
7月18日 星期二
今天在新世紀看見王菲張國榮及梁家輝,很幸運呢!!而且買了一個新袋,那便可以替換,可以洗洗那個用了一年多的袋仔了!
另外,在旺中看見很多飾物,尤其是戒指.看見很多都很漂亮...不過大多數都是很大呀~~我的手指真的很幼很幼....但是有一隻竟然合size,於是心中有點感慨....想找一樣合心意的東西為何會那麼難?
7月17日 星期一
暗示得這樣坦白,又怎會不明白呢!!以為是很充分的理由,但我的理由不是更合理更充分嗎?所謂的理由只不過是很自私的藉口,有些說話說了出來是不能收回的!正所謂'你不仁,我不義',要劃清界線嗎?要分楚河漢界嗎?我也沒所謂了!!凡事都不該這麼絕,但事實卻是要我去變得絕!從沒有理會過我的感受,但卻要我去理會別人的感受!我不是聖人呀!!!!!!人當知道說了些難堪的話後,總會設法去補救.可是一次又一次的傷害,留下的疤痕是永不磨滅,是補救不了!誰會知我有多痛呢?
7月16日 星期日
在童話,漫畫的世界中,有很多美麗又浪漫的故事.以前我一點也不會相信,但又希望世上真的會有,很矛盾呢!
其實自己不曾奢望過,始終現實與幻想有一段距離....
總覺得很多事都是上天注定.....人可不可以自私一點?
7月15日 星期六
很開心呢~~ 是時候想想真正的我了!
7月14日 星期五
別人去參觀,而我自己在這兒也過了一個愉快的一天!
報章中所看到的,今天竟然發生在自己身上.....想起也十分好笑.但這算不算是其中一個要特別紀念的日子呢?
7月13日 星期四
很累...還有太多東西未做完,我何時才可休息一會呢?
7月12日 星期三
去會考教室報phys,同Hero去買chem書用計仔慳了幾元,他很挑剔呀!接著去現代報chem囉.....行了四小時才可回家.....真累
7月11日 星期二
xx的功力很深厚,我感受到詩集都震動... 之後派成績表.....嘩!下學期冇括弧?!!難以置信呀!以為chem肥硬,點知...... 真幸運(符碌)
諗住報pmath summer course呀!點知課程中有兩日時間撞正中一暑期補習班.... 激死呀!!!得Ada去報讀搞掂手續之後就同阿榮順便去探rebecca.... 好旺場呀,今年四個summer workers都在場,俾人叫做師兄稍姐有點不習慣呢!同教育主任Wendy講了很多讀書方面的問題.. 得益不少呀! 原來阿榮真的搬了旺角,都幾近我屋企啊!日日大家返學放學都行天橋,但係咁耐冇碰過面喎!!可能真的如佢所講是時間問題吧!
7月9日 星期日
今日是我自五月尾以來再一次去補英文,我停了補習個幾月囉,那兒始終像個電冰箱那麼冷!我差點凍僵了!班喇沙仔唔係度真係太好了!耳根清靜不少,唔使聽到那些嘻嘻哈哈的難聽笑聲!直到補習班完了,我順道走到世界書局去看看文具書本...我看完一處後,我一轉彎就見到一個男仔企o左係我前面,好似見過但係唔太記得在那兒見過.佢一句聲都唔出,遞給我一張紙!我拿了張紙佢就立刻跑了出書局!我看了那張紙仔後係十分十分非常非常之愕然.... 原來那人都係補英文o家(我睇完先記起.....
7月8日 星期六
ICO的Francise又打電話來話明天有個會和八月中有個中大camp,為何每次都那麼遲才通知?我不禁罵了他一句....佢都算忍得啦.....算吧!我都不為難他,自己收一收火!
7月7日 星期五
一年一度的高考今日放榜,看見中七同學就會想...九月升中七了... 我真的是中七了嗎? 好像不太似,還是個小朋友吧!
7月5日 星期三
豈有此理!在溫度最高的下午竟然停電!!熱死我了.還以為今天不能看美穗和小櫻, 幸好最後都可以看...
7月4日 星期二
晚上看'星期二檔案',又看到xx,旁白更兩次讀出其名字,而其他受訪問的人則沒有這種待遇!唉..... 另外,今晚很氣憤!為什麼這麼多的電話打來呀!我上網的時間十多分鐘已經斷了幾次線,過份! 我很難得才可以上網....我扯火了! 我再沒有心情上網了,立即關機,去看電視.
還要假裝若無其事,還要去從容面對,已預估了的一切的反應,不能令我心情平伏,反而再增加了我的壓力!現在存在太多問題了,內憂外患令人煩擾!
7月3日 星期一
今天不想說話!心情極度惡劣!今天我直接令人不開心,或者...間接令人不開心!其實我也不想的...只不過我有時候說了一些難聽的說話而自己當時是不知道的..... 今天我一反常態....實行要化悲憤為食量!
(此段文字已被刪除)
7月2日 星期日
不想做傳聲筒,不想做中間人,不想做磨心......很煩,很厭倦!
在報紙看到一些關於今年預科生所選的熱門學系,發覺很多人都是急功近利,很短視!過幾天就高考放榜了...自己又不禁唏噓了大半天!!
7月1日 星期六
突然很有興致去整理書架和椅上的書本!整個上午的時間就這樣的消磨了! 雖然收拾得七七八八,但是發現了一個問題~~現在只剩下少少的空位,我在學校的書怎麼辦呢?
我又發現了一個新的問題~~~或許我該買一個有鎖的盒子!
今天找了整天,始終找不到媽媽買給我的頸鍊....不見了....我很心痛呀!
6月30日 星期五
冇乜心情考oral.....算啦!唔理啦!
看到一些烹飪書... delicious~~
6月29日 星期四
考listening喎....個阿sir都遲到,作死呀!豈有此理呀!
今日Katy係生日, 大家一齊食飯影了少少貼紙相~~哈哈
6月27日 星期二
看到報紙見到何醫生跳樓自殺,難以置信!以後...去那裡看醫生?
6月26日 星期一
考完pmath,我有好多唔識呀~ 昨晚溫到發脾氣,而且有好多好多唔憤氣!點解好似咩都唔識咁o家!成年中六究竟做咩呀?!!自己常口口聲聲話pmath好難,唔想計,其實心裡面仲係好鍾意數學!當計到個正確答案係會有好大的滿足感!我仍未放棄pmath呀!
下午食飯傾o左好多o野,所以食o左幾耐!然後去買禮物,行完成間商場先買得一份禮物......唔係呀~~
6月24日 星期六
真係奇怪,就快考完就冇乜點想起...未考同開始考時就日日想起...有冇搞錯!!!!!!
最近有首歌我幾鍾意聽,就是'一擊即中'....一首幾有意思的歌,都幾好聽啦!令我想通很多很多,認識更多.....更清楚知道自己的想法
人就是常常在簡單複雜化和複雜簡單化兩種思考模式徘徊,這就是令人痛苦的根源.
人生必經階段又一見證....幾年後我都會好似佢咁(入到大學的話)...讀完書大學畢業,周圍去搵工...不停地interview......
6月23日 星期五
今日上午在圖書館溫了少少pmath,好過在家中睡覺睇電視咩都唔溫(因為我下午去行街街,所以冇時間溫) 下午去街收穫都幾豐富,我都有兩年冇買過裙囉,今日買了兩條十分普通的裙同一件衫仔.我估唔到阿媽咁fashionable,佢專拿那些好鬼咁靚的裙,於是我同佢講:雖然好多女仔都係咁樣打扮但係那些裙太花厘花碌呀,而且我都唔夠膽著出街呀!那些都唔係我的style!
溫溫o下書就想起...... 其實已經不是第一次了,最近就日日晚晚(快接近時時刻刻)都係咁.... 唔通........
6月22日 星期四
今日考chem呀!昨晚都冇乜心機溫chem. 有冇溫我都會唔合格,咁做咩要咁辛苦自己讀到咁夜捱餐死喎! 其實我都已經努力過,好明顯我花在chem的時間比其他科多好多,可是付出的努力與成績並不是正比,所以對chem有點心灰意冷.今次考試科科都溫到十二點幾...唯獨chem我在十一點幾已睡著了! 那並不代表我唔重視呢科,只係好無奈.
6月18日 星期日
因為要考試,所以未與父親慶祝父親節...冇辦法啦考完先補番數啦. 中午時阿榮打電話o黎,都傾了幾耐,聽完佢講關於學校的事之後, 先發覺其實自己已是身在福中不知福.很難想像會有間咁樣o既老師...我校的老師都比那兒的好少少....啊!原來有人同我一樣係咁苦呀... 佢而家好似咩都去補 pmath,phys啦...遲o的仲補埋英文,全部係去英皇補...咁多科...好貴呀! 不過佢講到咁好,搞到我心思思想去補. 仲話有得試讀,pmath 2個鐘50蚊咋,英文50蚊3個鐘...咁抵.... 補下都無妨,唔補好似對唔住自己咁. 但係唔知仲有冇位呢....?
6月16日 星期五 ( \^o^/ 我生日呀!yeah!)
哈哈哈! 又老一年了!大個女啦!好開心呀! 在歡笑中渡過,一年勝過一年.我會將今日的事全部記住~~~ 感謝所有關心我, 愛護我的人!一切變得很美啊!今日真係好開心呀!開心到唔知點形容,總之就SAVE哂入腦. 幸福的感覺^.^ 愈來愈濃烈,希望可以延續下去....
6月15日 星期四
我想今天我所給的答案還不是真正的答案,太不清晰,而且也不是我心中所想之全部!害怕是有的,壓力亦都有,但這並不代表一切.我認為凡事都會有令人感到意外的一面,就連自己也不知道.其實真的真的有點....不過有一點可以肯定:時間可以讓我去感受真誠,去感受所有的感覺,亦都讓我好好地去想想,去確定自己的決定.
6月14日 星期三
一餐豐富的午膳,感動愉快的一天~ 有著希冀,盼望與憧憬...認真地思考,其實還拿不定主意,不過已開始有些決定,但當然仍有一點點的顧慮........然而今晚有突發事件發生...自己又再次猶豫不決. 我真的覺得自己很差,不懂處理這種問題,拿不定主意,腦袋一片混亂啊!
6月13日 星期二
受人所托,不過幫唔到人, 反而搞到自己部機壞壞地...唉.......
很喜歡'百變小櫻magic card' 的soundtrack中那首名叫'春宵情歌'的日文歌! 旋律優美動聽,給我一種很舒服的感覺. 這感覺...難以形容
6月12日 星期一
凌晨時分四點幾五點,雷聲好大呀,嘈醒我,搞到我冇得睡覺~~~幸好七點幾得知唔使返學,Yeah!!
下午冷氣機已安裝好了,終於都搞掂lu~~
6月11日 星期日
這晚特別輕鬆愉快,感覺好奇妙~~ 有時會覺得好多事情都是受外界的影響而被破壞,今次....最神奇的是傾談後,反而了解得更多,可能今次真的要多謝外界了! 沒有這些輿論,也造就不了這個機會.
6月10日 星期六
我終於都可以用返啦icq...太好啦!!!!!由上個月尾到昨天都冇得玩icq真係好慘家(對於我來說好似係與(網上)世(界)隔絕)...雨過天晴..哈哈哈!
想起了自己就快18歲, 有o的唔係咁相信. 始終覺得自己都唔似一個成年人,似細路多o的! 有好多事自己都解決唔到... 很多時候都要麻煩別人. 自己真係好冇用呀~~~
6月9日 星期五
下午同大佬一齊買冷氣機,跟住食拉麵....覺得海皇的燒雞拉麵好食o的!大佬問我幾時考試..問我而家讀成點, 又問我大學諗住讀咩... 我如實回答: 下個再下個星期考,我成績好差,科科都唔掂,又未諗過自己的目標,唔知大學讀乜好!!! 其實我自己都知咁樣落去唔得o家...不過我真係唔知點算呀~~~~ 同佢o地講話冇大問題, 其實都唔係冇問題... 真係有種無形壓力呀.... 唔好將我同佢比啦! 我有自尊呀!! 點解唔諗o下我會有咩感受喎! 人比人,比死人! 你估我想考得咁差咩... 我真係很累啊! 我好想考好些呀! 不過事與願違...
6月8日 星期四
今日又唔知做乜啦....返學係幾好(Ms Yiu今日生日呀,成班唱生日歌俾佢聽,Ms Yiu好開心呀) ,不過我唔想上堂!好討厭呀!成班都唔似係中六的學生...連小學生都不如.....唔教書都算啦(已經絕望)...我想有個靜o的的環境睇書自修都唔得....成班人喧嘩玩耍....嘈到死.....總之就好唔鍾意讀呢班啦...老師唔like我們,我們亦唔like老師...咁樣點會有個好的study環境喎.....咁o既班...愈讀就愈冇心機......
已決定了裝冷氣,不過並沒有一點兒感覺...我始終都要用自己的私己錢....算吧...不想再有麻煩呀!!
話買過個新書包都有成幾年囉(舊年諗住買個來獎勵o下自己升中六,點知都係冇買)...不過年年都冇買!好難有合自己心水呀!有又貴喎.... 都係算囉....入到大學先買啦..........
6月7日 星期三
今朝唔係咁開心....其實有o的唔想返學...冇乜心情! 幸好'比卡超'出現~~~根住傾o下計,心情好返o的...其實唔想鬱埋自己,所以有咩唔開心講出o黎,懂得釋放自己係好好o家...
好可愛的比卡超呀~~~~佢對耳仔好得意呀!!好鍾意呀!
有點兒擔心Ada,唔知佢點呢?
6月6日 星期二
心情不太好,功課未做好,書又未溫,都冇心情溫啦....好煩呀!!小小問題引發大大意見分歧.Oh god~~~~~~~~~
6月5日 星期一
今日去考oral呀!!行去時熱到變燒豬(應該係燒排骨),原來樹熊都係去那間衰學校考,仲要係同一個waiting room,兩個都著同一間學校的校服,非常之異相.最搞笑係waiting room 阿sir見到我張准考證幅相同我個樣好唔同,用好疑惑的眼光望我幾眼,好似好唔相信咁就俾o左張form 我. 真係好彩我係第一批考o既,哈哈哈! 考role play我都唔記得個format囉..死囉. 對住個考官都唔記得用complete sentence答問題,唉....不過都算啦! 同一group的c 同d考生都俾考官話細聲,d 仲神奇,我第一次遇到呢類考生..考role play 考到個鐘響都未完成,佢都唔出聲o既!所以我重拾信心.到discussion 時, 我開頭呀!!!成個過程好似得我,a 同c 講,a就附和我, c就開頭係持相反意見,不過後來轉軑.呀d 出一句聲咋,仲係我引導佢講呀~~deadair 兩次, 我都唔想, 我講o左好多point啦, 佢o地又唔出聲,咁冇法啦..又係我講囉! 我都驚俾考官話我講得太多呀!都算啦...我覺得我講得都唔錯. 回家途中不斷諗住'比卡超'呀~~~~~~好可愛呀!!!
6月1日 星期四
well...今日又有ATV來拍囉..Bryan同蘇加被訪問呀! 都唔知係好彩定黑仔,攝影人員選中我o地班來影呀~~~那時是去MMLC上listening,嘩~~~成班都起鬨啊!初時又話唔想被攝入鏡就可以走,但後來又唔知做乜冇o左件事.結果..唉........成班無可奈何就任佢o地影(感覺就好似俾人擺上table,任人魚肉)....個個都扮到好專心咁聽listening,全部低頭扮到係o的乖學生....諗起就覺得好笑...從未試過上英文堂咁靜,鴉雀無聲... ATV班人一走..哈哈哈.....成班又發癲囉..... 上PE堂用唔知咩鉗度脂肪,夾手手時好鬼痛呀!!都唔知Ada點做o野o既..整到我咁痛...可惡!
5月30日 星期二
今日好多人窒我,而我又窒了幾個人呀!!!窒來窒去都唔知做咩!得啖笑,但係又好鬼過隱喎~~~
5月29日 星期一
自尊心太強,令到自己會鑽牛角尖,很辛苦o家.....
5月28日 星期日
今晚出街食飯當係xx蛋糕,食o左好美味的牛肉,仲有香脆雞雞,哈哈哈........好開心好開心~~~~~~~~~~~~~~~~
5月27日 星期六
忍唔住講o左俾媽咪知........其實我應唔應該講呢?
5月26日 星期五
Frustrated........
Silly........
Disappointed
5月24日 星期三
細心看看SCMP同蘋果的某幅相,就會發覺相中人竟然係..littleman同阿chi..(背景係雷春生)
Lunch...嘩......我冇o野講! 仲有唔知點解,次次食佢o的麵都會飽飽滯滯...可能真係太飽!
去poly好玩囉...HHWong真係搞笑,唔知係老師教壞學生定學生教壞老師呢?
5月23日 星期二
今日好愕然...放學時無端端有個人站在prefect room.....o下,望真o的..原來係姐仔...好早o者,講o左係2:30,點知佢咁早o黎...站在門前咁耐,o的人都諗緊佢係等咩人...我一見到佢就心知不妙,一入到去prefect room就俾宗宗話啦...宗宗佢今日真係多o野講...
近日身邊的朋友都有煩惱(很慶幸自己現在冇呢o的煩惱),其實我都唔係咁識去處理,安慰及勸導... 好似兩個friend咁..唉......很難明為何咁都會嗌交...仲要分埋手.....我覺得真係根本唔值得!!不過如果感情有變就無話可說了!有時候唔好因為面子而錯過一段姻緣,雖然話而家男女平等,但係女仔思想保守,始終都要矜持,男仔就算無錯都應該主動點啦~咁容易就話分手?傻啦! 有時真係覺得感情o既o野唔應該咁兒嬉,不過現實真係好多係咁... 或許就是因為太多的真實個案,所以令我對呢種事都冇咩憧憬!
5月21日 星期日
唔知點解今日好累,但係又想上網,所以下午冇睡覺,聽歌做功課!做到一條題目已經好好o家啦~~ 夜晚做苦力,去惠康入貨.
紫玲竟然問我Wild係邊個!!唔係呀~~咁都唔知?大家都係小學同學o黎喎!!估都估到啦~舊年一齊唱K,佢都睇住得Wild kiss我面頰啦!佢咁問我即係以為係男仔kiss我?!!Of course not!!!!!我點會咁做呀~~~我係乖乖女o黎o家!!!
5月20日 星期六
無意中找到了一個"百變小姬子"的網頁,想起了那些劇情,懷念昔日的柔和悅耳的音樂,再無意中找到那卡通片中我最鍾意的midi,原來中文名叫做"無報答的愛",可惜download唔到......真可惜....
今晚又係得我一個食晚飯,因懶關係,食杯麵算數...希望遲些回復正常....不過又唔係咁想.......唔知呀!!!要得到某些就要有犧牲...但最終我都係冇得選擇,也不論到我去選..........
5月19日 星期五
很開心很開心很開心~~~~ ^.^ 忙碌過後,仲玩到好癩,真係成個人都鬆哂,如果日日都可以咁就好囉~~~~~~夜晚有講有笑,還弄清了一些學科的concept,真係太好了!!!我真係覺得有時窒下人好好玩,好過癮!!!!
5月18日 星期四
其實昨晚個胃都有少少痛,不過唔為意....點知今朝就痛囉....唉....點解個胃咁唔生性.....很累了.....很想昏睡...可以嗎?
放學時行路想睡覺,成個人都冇乜意識,突然shao同我say hello,我即刻叫自己"清醒清醒,俾反應呀!"所以我好辛苦先張大眼睛,扮精神囉...根住同佢傾o下計,竟然話我chem好o左!! 我即時反應係:o下....唔係呀~~~我只係有一次short test好o的咋,我其他short test都好差喎. 我之後仲話佢day 4無端端整個short test做咩o者,我day 3都冇返,我唔識呀!!! 根住先至同我講:係喎,你冇返,好唔抵喎. 唉.............
5月16日 星期二
今天聽到兩個名詞,第一個就有點兒尷尬,第二個就有點兒失望......唉.........................
冇食早餐冇飲水,陽光曝哂九分鐘...跑到胃痛......支持不了,最後的三十分鐘唔跑啦!免得自己辛苦!
5月15日 星期一
今日上堂冇"pa"低呀...太好了! 繁忙過後,有一兩天的大休息,實在太好!希望未來幾個星期日日都咁有精神,唔會好似上幾個星期咁堂堂"pa"!
5月14日 星期日
補完英文成個人都down哂.....冇哂心機呀!!!殘酷的事實~~我很蠢,很差!唉............
母親節,出街食...冇乜特別(我覺得) 最近都提唔起勁(no mood),咩節日對我o黎講都係平凡日子......
5月13日 星期六
唔知自己想做咩.....坐東望西..哎呀!!!!!!!!我究竟要做o的咩呀?!! 行行企企,食飯幾味~~~好無聊喎! 咁又過o左一日....又浪費了一日時間!
大佬終於買部無線電話返o黎囉.....以前那部無線電話壞了成年幾,我早於一年前已經叫佢買返部新,點知拖到咁耐,耐到我差o的唔記得...不過都算啦....遲買好過冇買........
5月12日 星期五
今天.....我終於都支持不住,病倒了.........好辛苦.強忍幾個星期積壓的疲累..可是我現在仲唔可以病住..明天的家長會要執頭執尾... 我仲要撐到幾時呀?!!我就快撐唔住o家啦.....放過我啦! 不斷同自己講:唔可以病,仲有好多o野要做要follow,病了就大件事! 我的意志可以支持幾耐呢? 我幾時大病呢? 我諗..將近不遠矣....... 可惜家人不知我有多辛苦,有時說出一些令我好無奈,心灰意冷的說話.... 都算吧!唔諗其他事,專心做好自己事啦...咁樣會冇咁辛苦呱.....
5月11日 星期四
讀唔入腦..唔想讀...好累呀!好似咩都唔識咁...咩都唔記得哂呀! 得一日多o的時間,都冇得安安靜靜....電話響了五,六次,最尾個電話成十一點打o黎....個個電話都係搵我o既!平時又唔打,係要今日一次過打來....好煩呀!
做細妹....真係唔易o家......
5月6日 星期六
上午考完兩份卷,發覺自己的time management係好有問題,所以決定要好好改善! 下午去了那個嘉許典禮,見到Hero的媽咪啊!典禮悶到我想睡,不過間中都有o的笑料.從閒談之中發現中東原來係一個好踴躍去結識異性的人..哈哈...竟然背住佢識其他女仔,太花心啦! 原本場刊寫明四點半完,點知成五點幾先完,太過份啦!諗住同Katy and Bryan一齊撘船,因時間關係,Bryan約了Hero,所以撘MTR. 去到M記,見到阿chi同Hero,之後和Katy買o野食時,佢又取笑我!不過大家一齊食o野傾計,好多爆肚笑料呀!!! 我手提電話響,死人頭Hero講o左一個字,我同阿媽講完電話之後,就同佢講:你想我死呀!咁大聲講! 冇幾耐佢又激走阿chi,我都冇咁好氣,食完就同Katy一齊走,一時間剩下Bryan同Hero兩個男仔...哈哈!
5月5日 星期五
那間培正好cheap呀!行到上去個斜坡先至知個禮堂係下面,等我行餐死o既!個禮堂又舊,o的椅桌都係幾廿年前的款式,坐得好唔舒服呀!那兒又收唔清,沙沙聲又走音,唉....都算啦!不過有乜理由未考前都唔俾去洗手間o家!我問個miss去洗手間,佢竟然話唔俾?!!我唔甘心,之後我就問阿sir,佢俾我去喎!那個是什麼miss o黎o家!咁衰唔俾人去洗手間! 今日都幾黑...在家中撞傷了,好痛好痛...痛死我..痛到喊.一條5厘米的傷痕!!!救命啊!!!!
夜晚...呵呵!大佬買了比卡超VCD呀!!!比卡超真係愈睇愈可愛呢!真係好想要隻比卡超呀!!可惜我又唔係撘MTR,點換喎...>.<...
5月4日 星期四
收回稿件,開始工作...只知道心情極度惡劣....已經控制了不時常發脾氣,可是對很多人與事都很失望....對自己是最失望!
5月3日 星期三
測完phys..明天測pmath.....有時會諗...究竟返學有咩意義?我不會介意有測驗,只係好討厭連續測驗,覺得返學只係為o左測驗.....所有o野都係以成績掛帥.....太現實了!
5月2日 星期二
summertime....好唔慣....that's all!
5月1日 星期一
唔知點解呢...今日好有財運呀!我每月得一百蚊零用錢,不過今日老豆俾多50蚊我喎..仲有大佬今個月又俾二百蚊我,我覺得好奇呀..上個月佢俾o左喎...今個月又給我bonus?佢無端端同我講:冇三百蚊,得二百咋,我都要開飯o家! 於是我就問佢:你做咩今個月又俾錢我呀? 佢竟然答:每個月都俾多二百你當零用錢. 我譁然:你講真o家????!!!!! 哈哈哈...很開心啊!!
4月30日 星期日
嘩!今日補習社又全場滿座,要加椅子呀!!這是我補咁多次最犀利的一次!那個死人阿sir遲成半粒鐘,豈有此理呀!咩quali呀?扮大牌咩!
後遺症出現啦.....曝曬後開始甩皮了,well...希望快o的好番啦!
下午...唉.......好嘈呀!!!兩部電腦開音樂勁大聲!喂,我溫緊phys o家,兩位阿哥唔使咁呀?你有你聽"不一樣的我",佢有佢聽kiroro的歌....唉...試問我一雙耳朵怎能承受呀?!!我唔使溫啦!kiroro的歌係好柔和o家,唔需要咁大聲呀,好懷疑究竟識唔識欣賞音樂.仲有呀,一提起kiroro,就諗起昨晚聽電台,有個唔知乜水番唱佢首名作,嘩...難聽到死呀!人o地kiroro日本鋼琴版不知幾好聽呀,那個乜水唱國語..都配合唔到那首歌的感情旋律.唉...總之就係差差差...唔好俾我再聽到呀!
4月29日 星期六
搞咩呀...連續兩日晨早俾電話嘈醒,做乜呢排個電話咁旺o家...不過都好o既....發緊o的怪夢俾電話嘈醒,咁就唔使繼續發啦...
想了一個問題,不過想來想去也想不到答案.究竟係錯在那兒呢?
4月28日 星期五
覺得很厭倦..煩了很多人...自己又煩,倒不如自己煩哂算吧,不騷擾其他人...
4月27日 星期三
今日竟然去得成旅行呀!重臨舊地...感覺不同了! 天氣不算太熱,但係很累呀~~~~ 可憐的阿Chi俾Tommy推了落海,成身濕哂,仲飲o左幾啖海水...真係慘. 我就趁呢個機會,再一次享受下海的寧靜. 我返到屋企就發現雙手愈來愈紅...沖涼時暖水令到我雙手痛呀... 完全沒有防曬意識的我(上次係咁,今次又係咁),抵死!
唉....昨天還說唔會蝦我,今日竟然俾人話黐線,廢o既...>.<... 過份呀!講過的不算數!我本善忘,但一而再,再而三咁講,唔記得都要記得啦!所以錯不在我!
4月26日 星期三
好唔開心,事事不如意! 咁遲先通知我去買o野,搞到我要大雨去街市,變o左隻落湯雞呀!去唔去得都成問題啦...唉! 部電話連充電都唔得,就咁壞o左,有冇搞錯呀!明天唯有用住大佬部機先... 仲有Ada明天甩底呀,豈有此理!!!!!! 而o家我係唔係好蝦o的先? 很激氣呀!!!!!現在真係欲哭無淚
4月25日 星期二
原本以為可以全心全意去開始工作,於是打電話給另外兩位負責人,怎料....一個睡了(也不打緊)....但另一個卻上了大陸!!!大件事了!!!!真的很擔心不能如期完成工作呢!
4月24日 星期一
其實最近幾日都心情不太好....又沒有人可以俾我訴苦.......天啊!!!!點解咁樣對我呀!我做錯了什麼?
1999年
12月28日 星期二
找不到想要的東西,找到了又不合心意......我是否太挑剔呢?
死蕃薯,咁鬼寸!!小心o的呀!不過睇在錄音帶份上,今次就算數啦!
夜晚打邊爐,見到大佬好錫佢女友...唉
~~~ 咁鬼sweet ~~真羨慕!
12月27日 星期一
測驗......唉.....又死!都冇乜點聽Shao講書!Too
bad!!!!!!!!!!!!上緊堂部電話響,全班靜哂.......死死死!!有乜理由搵女打我部手提!Ada又係衰,做乜俾佢阿媽我個手提電話號碼呀!!!!!!好鬼"興"呀!!!打我個手提就實搵到佢個女o家?奉旨咩!!!!!真過份!好嬲呀!!咁緊張個女,咪自己出部電話囉!!
Lunch成班人走去海皇...唉!我而家先知呢間o野o係邊....真outdate!
o的o野真係幾好食喎! 蜜蜂真係好慘~~俾班人咁講:喂,乜咁寂寞呀?阿"你斯文"呢?佢做乜唔陪你呀!....大聲公句句都好有餡.呢個故事就係教訓我o地有o的o野都係低調o的好...低調o的,長久o的~~
下午個會真係多得豬梁!佢真係為我o地帶來好多歡樂,又為我o地提供很好的提議!大家都暢所欲言咁講佢...哈哈!!
返到屋企..成身散哂~~sleepy+胃痛+肚痛+腰酸背痛+耳仔發炎(我帶耳環咁多年都冇乜事,今日就唔知做乜又紅又腫)
救命呀!!!
12月26日 星期日
今年都冇禮物收,講咩Boxing day喎!幸好俾我搵到"Y2K前最後一個暑假"的主題曲"渾身是愛"這首歌,我覺得港台呢個節目真係好好睇,我最記得Cyrus同Isabel(唔係Cyrus個戲中女朋友Kiki)這兩個角色!我好想呢套戲可以重播呀!!!
夜晚大佬買o左隻正版的"Gen-X
cops"返o黎,太好啦,我就唔使咁悶.不過套戲係勁多粗口..不太好!仲村亨真係幾型仔,個image型過佢做"沉睡之森林"時的樣呀!!
12月25日 星期六
聽了很多歌,想了很多事.又一年了~~~發生了太多事.......今年可算是我(有生以來)暫時最多事情發生的一年!
12月24日 星期五 平安夜
一個寧靜的平安夜,不想有任何節目,只想要一個平平淡淡的一日.不願做任何事,只想要心靈上的休息.這種想法有錯嗎?
12月21日 星期二
衰人唐潤安!!!玩遊戲玩到離哂譜!
閃避球呀!!!我竟然係尾二出局!!!太神奇啦!!!!
欣欣錫我呀!!好開心呀!
12月20日 星期一
個concert好好睇呀!!個form 2仔好得意呀!男仔唱女仔歌!勁正!!!!Harris同MC
Wong一齊跳舞最合拍!老師們唱歌....有的好,有的不好聽啦!原來Shao唱歌都唔錯呀!雖然咁好玩,但係我就真係唔好彩...中"頭獎",俾粒糖...就咁就中招了!真係Bad
Luck Chi!
個drama又好睇!最搞o野都係成班人拿住支槍,由禮堂大門衝上去台!五十蚊同葉蓄拿住支槍指住頭對峙時,真係好有台型呀!!!估唔到五十蚊原來可以係咁奸(做得好似呀)!
Christmas Ball有人買o左ticket都唔去,所以..哈哈..有足夠的食物呀!!我都冇乜點跳舞,所以坐在一邊睇人跳.我發覺了今年又多了幾對!有的真的幾好...但係有的俾到我的感覺係easy
come easy go 那種....唉!祝佢o地好運啦!OH GOD!我的運氣太差了!!!今年真的一份禮物也抽不到......嗚嗚~~~~~~
12月19日 星期日
唉....正當電視播放"難兄難弟"的高潮時,ICO"修哥公主"打電話來呀!太可惡了!!點解要搵我喎!!!29號有個聯誼BBQ,咁涷,而且要溫書!佢問我去唔去,我同佢講:唔去!佢就話我:你都幾直喎!你再考慮下啦!
我好決絕咁話:唔使考慮啦,唔去呀! 跟住我係擺明想cut佢線,點知佢都好...(唔知點形容)
佢話:你唔好咁快cut我線住....我仲未講完.... 我真係好佩服佢~~好有忍耐力!之後我都打定輸數-冇得睇電視!唉~~算啦!我諗佢都遇過唔少好似我咁想cut佢線的人了!我都唔好意思再用那種態度對佢.估唔到同佢講o下講o下,都講o左咁耐.....
我收佢線之後出來睇電視,都已經差不多做完了!
12月18日 星期六
相識是一種緣份!你的關心,你的祝福,令我很感動.你的百般呵護,使從到未受過這種呵護的我,有點兒受寵若驚!我不去,只因我害怕!錯了一次,所以我變得謹慎!還記得那些IQ題嗎?我一條也答不中,可見我是多麼遲鈍,多麼的蠢呀!我頭腦簡單,愚昧無知,問了一個不應該問的問題!其實每個人都有過去,包括我在內.我不會介意啊!所以我希望你能原諒我的無知!你一語道破我心中所想的,所擔憂的...之後還關心我,祝福我.你這般的善解人意,使我很慚愧.我真的不想大家因此而有了芥蒂,願你除去它吧!現在的我,還未懂得如何處理.假期完結之後,我相信我會有所成長!能夠在這最後階段認識你,我感到很幸運!田仲俊彥是一個很有鬥志的人,你一定要發出光芒!我現在也誠心的祝福你,夢想成真!
12月17日 星期五
終於在pure math堂作好篇評論啦!拖o左成個星期都唔作,覺得自己係十分之懶惰!但係之前真係好冇mood做o野呀!日日都想睡覺.我好早睡覺,但係半夜都會無端端醒o左!所以雖然我睡咁多個鐘,我個黑眼袋係冇消退...
英文堂真係好鬼過癮.....Angus同蜜蜂互打大家塊面,仲要打到"啪啪"聲,諗起個情境真係好鬼好笑...Angus有一o下打到蜜蜂好鬼"應",Angus就即刻同Mrs
Fung話去洗手間!蜜蜂想報復都唔得!
哎呀!今日放學去o左個party...混水摸魚,唔俾錢就有得食...都唔係咁好意思.....
都唔知今年做咩咁冇中獎緣,我去o左咁多個party,大抽獎都抽唔到我!唉....可憐...!希望christmas
ball抽獎可以抽到我啦!
12月16日 星期四
今天基本上係唔使點上堂..個個都要去影相!我影o左3次,最驚就係影career
prefect,ShumShum叫我去搵校長出o黎!而最麻煩就係影CS,o的人都唔醒水自己落o黎....
放o左學之後就去開個CS party,出席率....唉.....我都唔明唔使錢的party,有o野食,又有禮物...o的人都唔o黎!班committee又唔知做乜喎!!!!!!佢o地把聲仲大過我用個咪講o野!!又搞到成地都係雪碧....又亂咁寫o野在黑板.....我覺得係班committee完全失控.....我啀破喉嚨也沒有用......整天的奔波勞碌....很累了....
12月15日 星期三
今年最後一次的功課輔導班完結了!哈哈,阿嬸讚我教得好,班仔仔女女好乖,有領導才能喎....又有手尾呀!其實我都唔係呀,佢唔知其實我係有份搞破壞(畫黑板)...佢讚錯人啦!!
完o左個班我就去Math club的party,去到佢o地仲玩緊game,HHWong
tick 我attendence,但係又唔使我俾錢就有得食!可惜一份禮物都抽唔到!呢個party完o左之後又到BBQ!好熱氣呀!我終於見到V
Chan個男朋友啦!佢都唔錯..幾好幾好!不過當我問佢幾時同V Chan拉埋天窗時,佢好怕羞....咁我都唔係打爛沙盤問到篤的人...我都唔再問啦!
12月13日 星期一
朝早在始創見到HHWong 同肥佬葉呀!!
12月12日 星期日
大佬出了部新機俾自己!!!!佢唔再借我部機用啦!打完齋唔要和尚!!整壞我部機然後自己出部新o既!!!!太過份!
今天想起了楊千華的歌....我已有一年沒有聽1到100這隻碟的歌了!其實我很喜歡聽這隻碟的歌...但是我叫我自己不可再聽....那些歌令我想起很多事情.....我不想再記起.....
12月11日 星期六
今天家長日呀!除了成績之外..話我英文比較弱,成績中等,都冇乜o野講,好悶!之後我就去當值,朝早o黎睇展板的家長比下午多..下午是比較清閒的!企得太耐,腳都累了,有時間我便走去坐o下,上o下網!睇o下自己個網頁同千禧心願!點知..有貴賓到會.....Jason同Mr
Mak分別進入...他們見到我個網頁呀!總之今日就好榮幸貴賓到此網頁一看啦!
12月10日 星期五
朝早同大佬一齊出門.哈哈!有意外收穫.佢俾一百蚊我,話請我去食鐵板燒呀!我話唔使啦,留返俾你自己用,但係佢點都塞俾我!講真,我最近手頭好緊呀...Ball,BBQ,電話費,影印費...幸好旅行的尾數收回,太好了!
放學後要佈置A6室.將一些升學資料貼在展版上...做到五點幾.六點先返到屋企!其實家長們會不會看呢?
大佬十一點返o黎,我咪諗住俾返一百蚊佢,但係佢點都唔收.隔o左幾個字,我臨睡前大佬就同我講話有個壞消息,我諗住佢講o下笑,作o下o野........點知佢話俾我知佢今日行山跌爛我部電話!!!!!!!接駁電池的掣冇o左...個電池會隨時鬆脫!但係我又嬲唔落佢喎.....部電話係佢送俾我,佢俾錢,...現在由佢一手摧毀!好心痛,又無奈!都唔夠半年就俾佢搞成咁.....好可惜呀!現在只有兩個解決辦法:買個電話套和用貼紙相貼緊電池與電話之間的連接....我本人就唔鍾意部電話有咁多附屬o野..而且我又冇見得人的貼紙相(冇錢影)...所以我決定叫大佬買個透明套算數!
12月9日 星期四
太累了!昨晚很早便睡了,不想做任何事!為何今天沒有假期呢?
12月8日 星期三
運動會決賽日....時間真係過得快,做helper真係好啦!又有得玩,又有o野飲..天氣又好,唔似以前咁食西北風!今年的運動會是我記憶之中第一次不用穿校褸!
12月5日 星期日
我選用了黑底白字,希望營造夜晚落雪的效果,再加上一首Sailormoon幽怨版的主題曲midi,完全配合了我的心情!
我每晚也抬頭昂望,希望看見星星的出現....唔知點解十一月尾時可以看到幾顆又大又閃的星星,到了十二月就一顆也看不到了!
我又找回了大佬的MD機,竟然仲用到..於是再找回我最愛的酒井法子的MD,很久也沒有聽她的歌了,很懷念......勾起了許多的回憶.......想起兩年前的自己!當時通宵達旦,在晚上自己一個溫書,聽歌,上網....很舒服的感覺!不過現在的心境已不同了........希望憑著歌曲,尋回當時的天真!
12月4日 星期六
感到一點孤單,所以要去尋回往日我
再一次看Love Generation,想起兩年前的事,十分懷念
每年我都會有一段沉思期,為何今年會這麼長?
12月3日 星期五
回想 追憶 令人懷念
信任 失信 心痛欲絕
猜忌 懷疑 使我心灰
無盡 無奈 不能改變
傷心 痛心 我願忘掉
幸福 快樂 一己之念
我恨以小人之心度君子之腹的人!
12月2日 星期四
運動會,有o野做,冇咁悶!Time keeper,好易做,有積點,幾好呀!比往年,好好多!太陽曬,多溫暖!
雖然L.J.臨尾唔小心整親隻腳,不過都唔係好痛,應該好快冇事!
12月1日 星期三
十二月..很多回憶.......今年最後的一個月已經來臨了.
朝早已經遲了出門,部lift停o左o係二樓唔上...等o左成兩分鐘都唔上,咁我咪落下一層,點知部lift上頂樓,激死我,我即刻跑樓梯,落到大堂已經8:09分!!!!!!!!於是我就奔跑返o黎,衝紅燈!我o個時已經差唔多跑到死咁濟..
頭先部computer又蝦我,明知我睇緊宇多田光的concert同speed 的MTV,點知hang機!!!!!!!!討厭!
11月28日 星期日
不再信任了........了無意義
11月27日 星期六
今朝早去開個"香港學界電腦組織"ICO的會...那個主席好大牌o者!遲到半粒鐘!!!那時我真的很"興"....不過見到個主席個樣就幾驚訝......佢同我個friend生得幾似樣........好奇呀!講番個會,真係好悶.....得四間學校的學生來,只有我同in-sec兩個女仔,悶!又冇名校喎..冇都唔緊要啦...最弊就係連靚仔都冇個!又成日dead
air!!呢o的咁o既會又唔出名,去唔去都擺啦!仲叫我去做副公主,慳o的啦!要負責聯絡人咁麻煩...成個會仲要係差唔多全部係男仔,如果有多o的女仔或者會諗諗先!不過我有時間就不如用o黎讀書同埋玩咪仲好!一個月去開一次會,我彩你都傻!咪使指意我會再去!
11月26日星期五
運動會要做time keeper呀!點解我入唔到去做計分喎......form
3那年去做計分不知幾好呀,又有熱茶.三文治...任你食,不知幾歎呀!
家長日要全日onduty呀!!!個12月,1月同parents' day duty plan
好難做呀!!!!!!!又要就佢o地o的時間,又要就佢想要的partner,
個家長日仲離譜!!!三個話唔o黎!十幾個寫要朝早onduty!朝早都唔需要咁多人啦!o的人只俾一個時間我,唔通佢o地成日十幾個鐘只得一個鐘得閒??絕對冇可能啦!7C的何士芬同黎偉賢係十分之過分!!咪以為form
7忙就大哂先得o家!又唔去留堂班,又唔交張紙番o黎,乜都唔做就咪入呢個team啦!我星期一一定同Mrs
Sum插你o地!等你o地唔好以為我好蝦!我咩都做得出!
死人陳家豪(點名鬧)把口咁衰!話我咁惡小心嫁唔出,都算啦!但係佢竟然將我同拉姑相提並論!就算我嫁唔出都唔會好似佢咁個死款啦!我嫁唔出都唔係大問題喎!只要我將來要有自己的事業就得啦!乜都靠自己!我唔會依靠其他人!
11月25日 星期四
Michael 同蜜蜂點做o野o家!!!個quiz要我執手尾,聽日一家要插死你o地!
11月23日 星期二
今日又發癲啦!!!朝早一次,晏晝一次!早上收到physics卷我首先係好愕然...之後就即刻不停咁傻笑.....哈哈哈哈哈哈,我咁都可以合格?仲要mc前所未有咁只錯一條!我由中四開始都未試過咁叻o家!physics,我最弱的科目........真係又愛又恨!我可以因為呢科興奮莫名,不停咁傻笑,又可以大喊一場.....不過我相信今次合格的現象只會係曇花一現.........
下午chem做實驗,shao又話唔使做好耐,但係好多人都用成2堂幾先做完...我take
reading take得幾準呀!個數計出o黎又好正喎!我有幾可係可以做得咁好呀!我計好之後就當然又哈哈大笑啦!最搞笑係Angus佢....第二個titration做咁多次,打o左放學鐘聲仲做緊,仲用咁鬼多橙餅...其實佢個實驗邊個步驟做錯o左呢?
放學之後去onduty,得我一個人去onduty!好無聊,得一個人留堂,佢都冇o黎!係度白坐,後來多番2個人......好悶!
11月20日 星期六
個頒獎禮好簡單呀!喇沙仔好寸呀!目中無人!自以為是!成個典禮最開心當然係收到張cheque啦!又可以同Rebecca,阿榮聚舊,仲有茶點食喎!我咁為食就當然即刻叫唔鍾意食o野o既Wing
Wing幫我拎張cert,然後自己就走去食飽飽啦!食完之後大家就一齊走......SWES99呢個計劃就咁樣完結了..........有點兒不捨得.
11月17日 星期三
如我所料,對眼真係腫了少少,幸好有眼鏡摭住....
今日都有好多人好無辜咁成為我的發洩對象(我搵交嗌)....包括Wind,
蜜蜂,Angus,五十蚊......顯出了我窒人的本領!個個都俾我話到冇聲出,唔知佢o地係唔敢頂撞我定係真的唔夠我講....不過佢o地全部都係抵死o既!
11月16日 星期二
今日上體育堂,我竟然9分鐘之內跑到1440米,簡直就係奇蹟啦!Mrs
Lai話我有跑馬拉松的天份,哈哈!!笑死我啦!我都冇做過運動好耐!以前次次跑都係要我條命,跑完之後就死得o家啦,郁唔到o家!不過今次我就住o黎跑,所以唔會好似以前咁辛苦.返到屋企冇幾耐阿媽無端端返o黎,仲買埋新鮮出爐的蛋撻,之後又走o左,我好少咁早返屋企o家,今日真係有口福囉!歎完抖完之後就睡覺了.八點幾開始做phys,諗好耐都係唔識,很氣餒,我唔想抄答案,我唔想成日都要睇住答案先識做...............做到十二點仲未做完...於是我決定抄o左先算......一路寫一路鬧自己..............到了一點半,終於都抄完,當時屋企人全都睡了,於是我靜靜咁喊.........我好努力咁叫自己唔好喊,喊了明天對眼就會腫...但是我一諗起phys唔識....就愈喊愈犀利,喊o左半個鐘....衣袖濕透了.........不知不覺就睡著了!
11月13日 星期六
今日Carmen生日,打了電話給她,也很久沒有這樣relax了!之後我就上網,我很想找一首日劇"Brothers"主題曲的midi,但找了一年總是找不到!其實我未睇過這日劇(因為我不喜歡中居正廣),但是一年前我在電台的'是夜不是夜'中聽了這首歌,及後又在netvigator網頁中試聽了這首歌就愛上它了!當時有種衝動走去買張soundtrack,但大佬唔知在那兒找到一隻朋友的MD有那首歌,Kokia唱得好好聽啊!不過隻MD冇幾耐就還返俾人......後來我發現在'妙手仁心'最後的部份,每當林保怡同陳慧珊出場時就有那首midi,太好聽啦,當時我就晚晚等那首midi.......大結局後,有時都會在其他的電視節目中聽到,不過我真的很想擁有這首歌呀!那麼我便可以隨時都聽到,唔需要成日用腦去諗,冇得聽!很可惜,我始終都找不到........但卻找到了另一首松隆子的'I
stand alone' midi,雖然屋企有這隻MD,我聽過這首歌很多次,但是midi聽出o黎o既feel始終同人聲唔同,而且我對這首歌的歌名同旋律好似有一種共鳴感,所以我download了它,而且將此版原本的background
music~Long Vacation的"piano"轉為"I stand alone"
11月12日 星期五
再一次大昏迷,今日總共睡了十六小時.................zzz
11月11日 星期四
旅行大日子,幾好啦...不過不失!晨早就起身,仲早過平時返學...咁早去到又要等.撘車行路花了太多時間啦!去到又唔夠爐,要走去租爐......所以好遲先可以燒烤.唔緊要啦,橫掂去到都冇o野好做,燒成日都冇所謂.我食飽飽之後就自己一個走o左去吹o下海風,自己一個人靜o下......一年先得一次可以聽海聲,睇o下o的浪花,好唔捨得o的時間咁快就過呀!我真係好想留耐o的!撘巴士時我坐上層,前頭係班男仔坐,班男仔見到巴士站有幾個女學生上車就起哄,諗住她們會上上層坐,點知當中有一個女仔上到上層見到咁多人,就即刻講'走,走',嘩...班人就互相指摘'係你嚇走人o地呀!'我覺得他們簡直係禽獸....
返到旺角,我走o左去旺角中心買禮物,那兒老是這麼多人啊!自己一個人走,愈行就愈有一種孤獨的感覺,於是我去找媽媽同我聊天.之後我就回家.回家後,有種失落的感覺....回想了很多往事,一年的時間,有太多的變化了!大家都是今天去旅行,可是去的地方不同了,各散東西.............相識後的分離是不好受的.
吃飯後就走去食兩粒幸福傷風素......然後就大昏迷.............
11月10日 星期三
今日第一次去功課輔導班,得一個form2仔o黎,佢好得意呀!又聽話喎!佢問我一o的好有binomial
feel o既問題,咁我咪首先解答o左佢o既疑難,點知佢仲問我有關的問題,所以我就教o左佢少少binomial的東西....我都覺得自己傻o左,佢而o家先得form2咋,點解我會教佢form
4 amath?我真係驚佢會因為咁而怕了數學,我決定控制自己下次唔教佢呢o的,教返佢math同IS算數!
11月5日 星期五
留堂幾個form1仔好寸,又唔聽話..........我都唔想話佢o地o家,waste
my gas!不過場面好混亂....仲有個好麻煩的form1仔四處走............唉.........咁我咪盡我的本份....我同班人講'你o地靜o的啦...坐返埋位!你o地咩名?再o係度玩我就會記下你o地o既名'.
點知有個form1仔講咩私隱條例..又扮可憐.........於是我就同佢講'你唔好再咁多o野講,你唔好扮可憐,我唔受呢套.'
或者我把聲o係比較空曠的課室是大了點.....他們連Kerry都以為我好惡.......oh
god!其實我係好平常咋......我都唔會為呢o的咁o既人而勞氣!點解個個都以為我大聲=惡?我相信今年的留堂班會好難應付.........以往那兩年都唔係咁麻煩o家,點解今年o的form
1咁衰o家?又要睇住班細,又要教o的新仔點做..........希望半個月後教哂班新仔點做,咁我就可以抖抖啦!
11月4日 星期四
趕製讀書報告.....做到十一點....之後太累了,我決定放棄chem
chem吧!又唔係未試過測驗唔合格,而且個個都做讀書報告,有邊幾個有時間溫chem呀,咁大家咪齊齊死囉!況且咁深...有溫同冇溫都冇分別,咁點解要溫o者,waste
time!不如睡多一兩個鐘咪仲好!
收到一個電話.....是舊同學打來的,點解我身邊周圍都會發生o的咁不幸o既事................我好迷茫.....................................
11月3日 星期三
我今日終於都收到封信啦!我等o左好耐o家!!!個頒獎禮竟然在浸大舉行,咁我咪叫二佬在20號同我一齊去囉!佢都係順路o者!我想在頒獎禮完結後同rebecca,阿榮,Franise和敏兒一齊食lunch...一齊玩,唔知佢o地得唔得閒呢?
11月2日 星期二
.................................
11月1日 星期一
我唔知講咩好啊!我費事講多錯多!
10月29日 星期五
我討厭自己!
10月28日 星期四
今日個game competition都冇人o黎玩跳舞機,得o的男仔玩炸彈人........o的女仔死哂去邊呀?!!!由於冇人玩ddr,只有我同Tony玩,結果我就贏o左份獎品返屋企,我覺得都幾造馬!!唉...希望下次活動可以有更多人參加啦!仲有呀,蕃薯你唔好再頂撞我!我最近心情時好時壞,情緒波幅好大,你再激親我,我就唔知我會做出o的咩事o家!
另外,今日中文oral我有prepare......不過我真係唔知點解會咁鬼驚...我驚到震哂呀!咁死得啦....仲點會有好成績呀!!!!完全唔掂當!
10月27日 星期三
好得人驚呀!蕃薯嬲起上o黎都幾得人驚.......簡直嚇到我有點難以置信................或者係我少見佢咁個嬲樣啦.........點算呀.....我成日都幫唔到佢減輕佢o的會務,我好驚佢遲早就會俾我激到發嬲,如果係咁...我就真係唔知點算好啦............
10月22日 星期五
救命呀!我就快瘋了!上英文堂好辛苦呀,聽佢講英文就想睡覺,不過佢太好人啦.....如果我上佢堂睡覺自己就覺得對佢唔住......教我如何可以不睡覺~如何可以不愛她,莫非英文只配有一個她.................好矛盾啊!上pure
math堂我完全唔明佢做緊o的咩.......咁我可以做得o的咩呀?還有.....我的心情.........唉,我真係唔知點做好......................
10月21日 星期四
Bryan今朝就職呀,佢演講時令我有點意外,佢講得好有神氣,平時佢邊有咁神氣,唔知佢係唔係儲o左幾日氣呢?不過好可惜.....衰收尾,講錯o野.........如果唔係就會perfect啦!整體上佢都做得好好o家啦!我俾佢90分!另外,放學之後咪要去careers
prefect到開會,咁今日又係singing contest的唔知乜鬼o野啦.....行過B floor見到宋安來,原來佢都參加合唱,聽到佢o地唱之後......(我不在此評論),所以我冇o野好講.講返正題,開會選head時我係好想Kerry同我一齊做呀,可惜差些少,不過唔緊要,肥A做我partner都唔錯啦!
10月22日 星期三
放學去聽文化講座,都唔想去,早知佢唔使tick到我就唔去啦!我都唔明個講者講咩!不過Bryan就好專心去聽,同坐佢後面睡著o既蕃薯完全係一個好強烈的對比!我同Ada,Cleo
and Hero都覺得好好笑!到最後,咪俾許太鬧囉...許太真係好powerful 呀!
10月19日 星期二
好辛苦先可以捱到放學,真係好唔舒服呀!一食o野就想嘔.........我lunch冇食飯,夜晚又冇食飯....鬼咩,o的膳食咁清淡,我情願唔食囉.....自己搵其他o野o黎頂肚仲好
10月18日 星期一
雖然今日放假,應該珍惜時間好好咁溫書,但係我就病到整日都睡在床上,而且食'粥'三餐,對於我來說,實在太清淡啦.........乜都冇掂過,聽日chem
short test 必死無疑
10月17日 星期日
指定動作,同媽咪老豆去麗東閣飲茶......之後就勁o野o黎啦........夜晚發燒,好辛苦呀.....
10月16日 星期六
今日我去o左港大呀.......不過去到之後就覺得那兒我情況很混亂......到唔知邊度打邊度.....成個迷途小羔羊咁.......佢個安排十分之差.......................我只係去o左文學,理學院同宿舍參觀.後來太累了,而且又唔知工商管理學院在那兒,咁我就搭校巴走人,點知o係校巴見到summer
work o既friend敏兒....最初我覺得佢好面善..但係又唔係好肯定佢係敏兒,咁我就同我個friend講o下summer
work o既事.......哈哈,咁佢聽到之後就記得我啦.....真係覺得好巧合呀......我o地都傾o左好耐,講o下Rebecca,Francis
同阿榮,我o地都異口同聲咁話阿榮大唔應該啦...咁鬼遲都唔整個icq
account.......唔知當時佢有冇打噴嚏呢?聽敏兒講好似11月26日星期六會係summer
work o既presentation,到時我o地又可以聚o下舊,實在太好啦,我好期待那天的來臨啊!落車之後我o地就分道揚鑣,我同Ada,Kerry就走,但係迷路了,所以又走來走去,幸好有個好心的港大男生帶返我o地出去搭巴士,咁行緊o個陣時佢問我o地想讀o的乜科,我就話BBA,我問佢難唔難入.....佢就話今年有收過會考20分,A
Level 得2C o既同學.........實在太好啦......咁我即係都有機會可以入到港大o既BBA啦......實在太開心啦....我要俾o的心機先得啦,唔可以退步啊!
10月10日至15日
我今個星期好唔得閒,所以我冇逐日去記下寫下發生的事情.........總之就.....
不過我好記得day 2 上chem 堂時,某人話我o的字醜樣o左,
咁我當然都覺啦..但係唔知其他人點睇喎,咁我咪問人"乜我o的字係咪真係醜樣o左咩?",
點知某人突然o係後面大聲咁'shu...',真係又激氣又好笑......
最近上pure math 堂都唔明講乜....聽完都好似冇o野入腦,我完全冇那些concept.....點做o的exercises
喎.......
day 3 測 phys,我有溫書o家,但係唔知點解一到測驗時就腦袋一片空白,咩都唔記得哂..............咁點算好呀.......有冇人可以幫我克服呢個心理障礙呀?
day 4 就派返份test paper,我之前好驚呀...以為自己得廿幾分.......幸好合格....不過都好唔開心....而且放學時又見到自己唔想見o既.........唉,算啦...............明天會更好...........
辛苦o左咁多日終於都到o左day 5 啦,but做phys同chem report 做到好夜,所以冇呢神氣,上堂好想sleep............
10月9日 星期六
我今日去o左中大呀..首先我就去醫學院,我就同個friend講'你估會唔會見到胡金榮呢?'點知俾我見到胡金榮...佢真係去到邊都係活躍分子,o係個Talk佢係可以重要到企在台前,在教授的隔離答預科生的問題.....之後我就俾個friend話我烏鴉口...叫我今日唔好講o野!逗留o左30分鐘我o地就走去工商管理學院...見到某個f7的同學...跟住又見到小敏,doris,monitress...仲有Tony同佢女友一齊行....總之就見到好多人啦.....
我聽完各學系的Talk之後就覺得自己係冇可能讀醫啦.....或者藥劑學都勉強可以o既......不過冇所謂啦,我對BBA比較有興趣,特別係那個計量財務學同工商管理綜合課程,而理學院就冇乜邊科係鍾意囉......哈哈,好奇怪呀,理科生竟然唔選番o的理科科目...
10月8日 星期五
今日好黑仔,lunch食o左個波餅,o個陣時Hero同蕃薯都o係我隔離,點解係要我咁唔好彩食波餅?點解射唔中佢o地?那時正播放住sammi的'插曲'中的'I
wanna fly I wanna cry',Hero仲o係我面前唱那句'I wanna cry'...唉..我好可憐啊!
撞中時個頭震得好勁,覺得好暈..之後那3堂UE我就唔上....sleep....不過間中都聽o下書,過o左一陣個頭就冇咁痛,點知開完會返屋企時個頭又痛返.....唉...要好好休息啦.....
10月7日 星期四
Pure math測驗我唔識呀.......死得好慘烈...鬼叫自己昨晚太累又頭痛,冇乜點溫......我而家最想o既就係有人同我一齊死......哈哈!今晚我要做功課啦.......成個兩星期的功課而家先至清..太差了.......我以前唔係咁o家....我好勤力啊!不過現在好明顯我係懶o左好多好多....我希望再過多六個月情況會好轉
唉.......我今日兩個friend同我講點解我唔肥....我其實冇減過肥.....我係由幼稚園高班開始就係咁瘦,我係食好多o野呀..冇節食啊!但係唔知點解都係咁瘦,十幾年啦......都有點兒麻木了...以前又瘦又矮,就希望高o的肥o的,中一那時只有139cm,而家有五尺三吋都好滿足了....只要再肥o的就得啦,所以而家只餘下增肥這個目標,既然增高係要咁多時間,咁增肥我諗會需時更耐....(因為好難改變這個遺傳)
另外,我想在今個星期六去中大呀,好想搵o的人陪我去...仲有去港大啊.....雖然我入港大的機會係好細,不過我都好想去睇o下......如果可以o既話,我係prefer港大多過中大,但係我有自知之明,所以我現在的目標就定在中大!
10月6日 星期三
今日好忙呀....兩個人上台講o野...好鬼無癮.....好瘀呀........人丁單薄..冇計啦!
見到佢喊..我就唔忍心.........於是我就鼓起勇氣..頂硬上.....幫到佢，我都好開心．仲有最好玩就係Hero在台上講ｏ左傑叔個名但係又冇分先至唔抵，之後傑叔就'bear'住佢．．．哈哈!
我覺得o的人其實都幾過份o下.....有乜理由大部份人都唔做o下勢,支持自己班的人呢?佢地根本就冇諗過人o地o既感受......我知佢o地同隔離班o的人熟o的.....但係都唔使咁過分喎.......我對呢個咁ｏ既班都幾失望．．．．．．算啦．我唔再理任何事．．．．
總之我今日就身心都好疲累....佢要辭職唔做咁大個會o既主席...其實咁都未嘗唔係一件好事...不過我就覺我有少少可惜.....所以我好慶幸我個電腦學會暫時仲未有o的咁o既事發生.....
辛苦ｏ左咁多日，今日要溫ｏ下pure
math啦(不過溫ｏ左都會唔合格）明日又要清我成個星期ｏ既功課，後日又要開會．．．．最近真係好累．．黑眼圈大ｏ左好鬼多．．．．
10月5日 星期二
最近呢幾日都好開心,特別係昨日同今日呢兩日!今日lunch
time同蕃薯,小富傾o下,玩o下個咪...好好玩呀!......現在我係好開心,我返學就係想尋覓這種快樂......我很想將所有的愁忘記...但是不行,所以我很期待返學....
10月4日 星期一
心情十分矛盾......又開心,但係又........還是開心最好.....如果現在咁好,就不如讓它繼續........我不想有特別的事情發生而影響它
10月1日 星期五
今日晨早去同老豆阿媽到麗東閣飲茶,返屋企時又見到謝天華拍真情,不過今次多番個靚女吳美衍....我真係唔明點解自己咁唔幸運...總係見唔到o的大名星....來來去去都係o的唔紅o既...例如:滕麗名,魏駿傑,李綺虹,李蕙敏,吳文忻,陳小春....
最慘就係俾我六個月內見到我認為個款最低B o既謝天華兩次......點解喎......
9月29日 星期三
今日好忙呀......又冇食早餐....一滴水都冇落過肚.....本應好累,不過一句早晨已經可以支持我整日.........放學又要開會.....今日係我第一日過o左5點依然留o係學校,我完全唔知道係可以留咁耐o家....唉...我呢個Unactive
o既人....要開始active 啦!不過我都希望active o的唔會影響我的成績!.......其實我並不想咁快放棄!
9月28日 星期二
CS放學開會,討論少少o野都要咁耐...好累!冇計啦,鬼叫自己唔早o的睡...不過太多事要做啦......又要溫書,又要睇電視,邊做得咁多樣喎.......Pure
Math又唔明,Physics 又咁深,我由中四就開始同自己講選錯科...如果我讀商科,我肯定我會考實多過我而家我理科會考o既分數.....我呢o的資質咁差o既人都係讀唔掂理科啦....仲諗住想入中大......唉..放棄吧........!
9月27日
星期一
今日Maths Club 選委員,我本來係想做,奈何我已是電腦學會的委員,Mr.Wong
已聲明如果係其他會的委員就要退選,不過我想玩o下,又唔想當選,係又唔想輸得太難睇,所以我o係自我介紹時冇叫人投我一票,而且我又叫Form
6 & 4的人唔好投我.......到點票時..........睇到我一票又一票咁增加.....開始驚啦!幸好一切都如我控制,如我所願,我結果做候補委員No.1.哈哈........呢個結果正合我心意啊!
9月26日
星期日
今日聽到我個friend 講Anna佢o係而o家o既5E班時常侮辱舊年o既5E(即係我以前那班),說話中暗示我o地冇用,我知我o地班的英文唔係咁好,但係佢都唔使o係佢班度讚佢o地會有credit以上,然後話得D的人唔該返屋企！咁分明係話緊我ｏ地!!!!佢太過份,佢根本就冇資格咁樣講!
9月24日 星期五
今日係中秋節,心情同平時冇乜分別........不過今日都幾好玩啦,返學唔使穿校服..........
9月23日 星期四
俾Miss Yiu鬧o左成差唔多成堂,
開始覺得自己係好不幸, 年年都入到o的問題班...............唔單止班同學有問題,
就連...........(都係唔講啦.......)
9月22日 星期三
今日小息o係canteen發生了一些事令我幾唔開心.........我真係感到心痛欲絕.........
