作者記事簿
| 千禧年第一刻...感到一刻後悔...一刻迷失...一刻遺失青春遺失金錢...畢竟原來1999年踏入2000年...12月31日踏入1月1日...11:59踏入12:00都只不過是一場數字遊戲吧!!...沒有像我一樣白痴地迫一餐死的你...你聰明極了...你知嘛...我去到countdown
o既時候...咩精彩o既表演都睇唔到...o係我前後左右都只係一遍人海...又迫又熱...差o的連countdown數到邊都唔知道...o個一刻我問自己..."你而家o係度為o左乜呀??"是否要證明自己朋友多的是...唔出街就等於冇朋友??...郊遊唔夠廣闊??...人際關係有問題??countdown完之後要行o左大半個鐘先可以行出困局搵到一個地方一杯o野飲...當我由大約點幾開始搵車搭直到真正安全返到屋企足足用o左我兩個幾鐘...o的小巴仲要開天殺價40蚊位...o個一刻我好有衝動唔想返屋企...唔係唔盡慶未玩夠...係唔甘心俾人"禁"住o黎搶...這就是香港人典型生活模式??璀璨繁華的生活背後...人出酒你出命??你有錢去用10蚊買罐汽水...但係有o的人要"拾"100個罐先可以羅到10蚊......唔知呀!!...我都唔知我自己想表達o的咩...但係當你見到有一個老婆婆o係2000年1月1日凌晨1點幾...o係人人開心o既背後好勤力咁"拾"到成個紅白藍膠袋都係罐o既時候...我覺得有點心酸...有點感慨!!! **假若我有幸再過度3000年...我第一時間會搵一個地方一遍樂土收埋自己...避世!! **我尋晚覺得自己係廣告之中個細路..."成龍哥哥呀!!"...千禧怪事多羅羅!!! |
| ...23號<上高sound樂遊rock>正式完滿結束, 以下只係我個人o既感受,
並不代表Fanfare music或其餘一起搞呢個show o既朋友任何意見及立場........ 我相信今次band show係我人生一個大印記...所以你叫我唔寫底o的o野發o下牙痕...不如叫我去死!!!!! 經歷一年時間的籌備, 縱使有唔開心有拗撬, 不過呢個的確係一個難能可貴o既經驗, 到了今天我一直都覺得搞呢個show o既每一個朋友冇對同錯...只係大家意見及處事方法不同!!! 本來今次想留番一個機會寫最後一次o既"show後感"...不過無奈因為自己工事在身未能細心欣賞各隊band o既演出...嘩!!好慘呀...Tommy+Yan..Puz + Vert... King Lee Chee都冇時間睇, 其他都只係睇到一忽忽...咁啦...我簡短咁講o下我o既感受啦... 我好感動見到所有o既band都好重視今次呢個band show...看到他們悉心的準備..努力營造的氣氛...突然間感覺得有點老懷安慰...我o地細意的安排能夠得到適當的協調及配合...之前堅持..努力..辛苦的都一掃而空... 另外, 之前一直都好擔心售票o既情況...當然無何否認能否回本是我關心的...但我更關心如果太少觀眾到場會否令場面太冷清...幸好...幸好你o地o既熱情反應...令我擔心少一樣o野...令我意想不到...令我留下深刻印象...感謝...真的...seriously!! 首先, 在此我以個人名義, 特別多謝Miso Music o既亞So同埋佢一班兄弟手足, 我麻煩他們太多, 佢o地好有誠意好友善....態度專業去提供音響俾我o地...有機會的話...期望可以再次合作....多謝...感激!!......另外...我要多謝每一個演出單位...我看到o既係佢o地友善o既態度及充足o既準備...多謝!!...多謝場館給予極大的自由度及所有場館內外o既工作人員..特別特別要多謝後台實Q姐姐...我知道我o地令佢好難做...抱歉!...另外,最要多謝係我o地一齊搞show o既朋友,係呢個show當中我作o左一個所有人都認為錯o既決定...到今日一切已成為過去時...我反覆的去問自己...我依然好堅定咁認為我冇做錯...當我看到o的band對我回頭一笑...及連聲的感謝說話...這一刻縱使得不到所有人的認同...但我依然感到一陣暖流及無形的支持和鼓勵...這證明我堅持的沒有錯...不過...我對我偶然的失蹤感到慚愧...抱歉我未能處理得太好....我感謝其餘一起搞show o既朋友對我的體諒(雖然佢o地冇開口對我表示任何意見, 但對我來說...無需聽任何說話已經係最大的體諒!!)還有, 多謝Black list...雖然佢o地期期都係咁照出....不過我都當佢o地係尊登趕住o係我o地個show度出o架啦......thanks!!仲有....當然最要多謝有份及冇份到場支持o既所有朋友及觀眾...無o左你o地支持..意見及熱烈o既反應...我相信今次o既band show會失色不少!! 最後我以個人名義要向一些人說一聲抱歉...如果你得到我們不禮貌或不公平或處事不一o既作風而受到傷害o既時候...我只可以在此衷心的說一聲對不起...但我亦希望獲得你o地大方o既體諒...因為我o地自己有自己做o野o既立場及原則...我o地已經放寬了我們僅有o既原則...但我o地相信底線一定需要堅持...如果唔係o既話...對我們對其他觀眾對玩band o既朋友都有欠公平......sorry...really!! 今次搞呢個band show....我同其他搞手都亳無經驗去處理所有事情(除其中一個搞過學校show之外)...我相信我o地已經盡o左最大o既能力去解決所有的問題....我o地盡o左最大o既能力給予最大的自由度給台上台下o既所有朋友....當然我知道當中仍有不善的地方....但仍請給予機會...有機會的話我們各人會做得更好!! 好多人問我會否繼續搞show......會....一定會...不過會同不同o既朋友合作....會"羅"不同的經驗....會請不同的band....會玩不同的形式.... 另外...私人的對不起bcpc.....sorry!! 當日我自己冇影到太多相作為留念, 因為我相信要記得的會自然的記得, 回憶永遠長留心!!以下係台前笑料數則!!...一齊準備笑啦!! **唔知你o地o係門口見唔見到啦......我o地搞band show o既都竟然收到花籃....幾正呀...雖然花籃係送俾我o地其中一個搞手....但我都唔理啦...我當送晒俾所有人架啦.....哈哈!! **Tommy好努力好忙咁換o的碟...不過又好忙咁"羅"錯碟.... **唔知你o地好唔好眼...好眼o既話你會見到台前有band演出緊o既同時...台邊有一對情侶好痴纏..仲有時會....哈哈哈!!! **o的實Q好盡責咁叫o的觀眾唔好企凳, 不過轉個頭自己又立刻係度um o下um係...真係好好笑o架... **當威廉俾觀眾扯住唔放手o既時間, 佢班兄弟立刻出o黎迎救佢, 但大家相方角力一陣子仍然爭持不下...勢均力敵...說時遲那時快....大都會o既亞肥一個箭步走出o黎一手就搶番威廉王子番o黎...成為最後o既大贏家!! **威廉俾你o地脅持o既時候唔知大家抽o左佢幾多水...不過你o地扯到佢件衫冇o左橡筋連褲到差o的扯爛....好彩佢冇開張單加附加費咋!! **唔知你o地知唔知啦...今次個show又有人受傷(少傷)...警鐘又響...連警察都要到場...差不多紅白藍車都要到場...幾威呀!! **當Tat flip玩緊o既時候...o個的綠色夾"也母"衣人跳o左落台之後...游o左3年都未游番上台...幾驚佢o地會浸親!! 仲有呀...綠色夾"也母"衣人唔見o左隻鞋...之後有觀眾掉番上台...但係亞Jan唔知...又掉番落去......情景極之搞笑!! **臨走o既時候...我睇到唔知Johnny定其他人...佢一個人揹起晒3支結他...仲好瀟灑咁行來行去...嘩!!...佢如果唔好彩失業都仲可以去玩雜技!! **完show之後咪好型咁有好多電單車o既...不過好型o既背後...我竟然見到其中有一架電單車係轉彎o既時候有點吃力...嘩!..真係唔好講笑...真係即時笑爆o左咀!! 至於台後o既笑與淚, 實在抱歉未能提供...留番一個美好回憶俾我o地同o的band自己啦!!
......................返到屋企好"支力"..但仍然好想聽番o的feedback...不過...好景不常...feedback 不太好...不過唔好誤會....我睇完呢o的o既feedback沒有太大o既傷感...當然有...1%咁多啦......因為我知道所有場外場內o既朋友已經盡o左責任...對我來說已經係好成功...好成功o既一個band show o黎!! 以下係我聽完feedback o既一點回應: 你o地覺得個show真係咁差,我覺得好抱歉及傷心,但我相信音樂公司係有誠意及有專業態度和知識去提供音響俾我o地......我亦都相信演出o既每一個單位已經盡o左佢o地o既能力,你可以看到每一個演出單位都有準備到新o野演出........而我o地一班搞手已經盡o左最大o既能力給予大家最大o既自由........我真係覺得抱歉未能提供一個值回票價o既bandshow俾大家....... 另外......我在此不能說太多的說話...因為搞手不單止我一個...我說得太多對他們不公平...我亦都想講番....我所寫o既o野只係我個人立場,
並不能代表其他搞手的意見! 你o地嘗試諗番當晚o的band玩到亂七八糟...jack線都扯跌十幾廿次......我真係覺得責任不能全部歸咎於他們... 至於所有在場演出o既band...o係請佢o地之前...我o地已經清楚了解到佢o地會玩咩類型o既音樂...之前亦睇過佢o地部份o既演出...我o地亦都評估及預計得到佢o地在場會有什麼的表現...所以不要推晒所以責任o係佢o地身上...至於佢o地掉o野落台..插水..我可以理解為開心的表現...總之我相信錯o既始終大部份在我o地身上.....或許我o地給予太大的自由度...冇去適當的控制著他們吧!!... By Unique......25/12/99 |
| 這麼多年來, 從未試過自己生日會與眼淚一起渡過...雖然生日不算是什麼日子,
不過在難過的眼淚當中添上節日的孤清...更覺悲傷萬分.... 世界萬事萬物都會有終結的時候..... 不經不覺這網頁錯誤的開啟了年多的時間...相信來到今天應該是正途的結束... o係呢年多o既時間裡面...除o左本身自己的工作以外...我將大部份時間都放進這裡....我從未有過半點疲累...我不斷的創作...不斷的努力...說實的...我實在介意每一個人在這裡說的每一句說話...或許你不了解...或許你覺得我傻...因為你不是我...我感受到的...你無法感受得到...... 來到今天....我覺得失落...覺得氣餒...容我在這裡像小孩般撒野?...我好想你前來"乙水"我...錫我....我知我無賴...我知道我要求過份...不過請不要只來敷衍著我......看到這些只會令我更覺消沈...我寧可你不說... 甚麼說也好...決定不是一兩日的事...自從再有機會走進學校重新有機會讀書...我已經無法放太多時間在這裡...這樣繼續下去...半點意思也沒有.....不如樣它美好的一面永遠長留你和我的心...望你十年後..二十年後還會隱約的記得...記起它美好的一面...... 不過世事無絕對...或許...假設...我有時間的話...你可能在不久的將來見到一個更好...資料更齊全...全新的網頁..... 3個月你可以說我冇恆心...年多接近兩年的時間...容我說一句"榮休"嘛??...還是"英年早逝"..."光榮結業"...anyway...可以留給我一點說話嘛??...是好是壞...是讚是彈都好...橫豎都是最後一次...留給我一點記念吧....謝謝!! P.S : 如果你還想去交我這一個朋友...我歡迎極了!! ICQ no. : 5125341 |
| 3日唔埋兩日就病..我諗我唔擺得幾耐啦...今日去睇醫生o既時候順手磅一磅重...點知發現2年來新低點...係應該開心唔需要減肥都有咁o既成績...定一或要擔心自己o既身體狀況...還是要未雨綢繆去買定棺材?? |
| 有時候我覺得簡單原是美...可是別人卻認為豐富才是最珍貴...有時候我覺得金錢不是最重要...省得的都盡量去省...可是我媽咪卻認為我大駛不知米貴...有時候時間不容許的...我懶得的就去懶...可是看到別人努力的成果...自己卻變得自卑且無地自容...甚麼搞的呀??...Uniqueho!! |
| 乜食沙律加沙律醬好有問題咩??...有問題o個個係你定我?? |
| 點解我次次去親camp都會打大風??...今次中秋又o黎一鋪... |
| 想不到20歲女先第一次會為自己o既學業而擔憂...以前o個o的咩咩會考..咩咩Jaspic都只會係前一晚先識得驚...不過今次冇諗過自己連interview...買報紙睇result...round
1...round 2都緊張到手心冒汗...o個一刻我先真正感受到原來讀書係咩一回事...我知道而家我能夠讀書唔再係順理成章...以前repeat
F.5...讀computer甚至決定唔讀diploma都只係因為唔知自己想點...結果有書就去讀...讀唔到就放棄...一切都理所當然得有點過份...我以為只要求其讀到少少書出o黎做個文員仔就可以輕輕鬆鬆過一世...不過自從出o黎做o左o野之後...自己眼光放遠o左...知道長遠落去唔係辦法...我成日都覺得...一生人當中硬係要搵到一樣令自己自豪令自己定到位o既o野...先會覺得有意義...先會有"渣拿"...先會生存到!! 好開心能夠讀到design...算係完成多年心願...補償當年錯誤o既決定...我亦都好感謝爸爸媽媽...本來20歲理應係我養佢o地o既時候...今日親手"羅"住佢o地俾我幾千蚊o既學費...真係覺得無限慚愧...渴望不久o既將來我會搵到一份好工...一段好o既前途...等我可以俾佢o地更舒適更穩定o既生活...!! 其實當round 1冇收到我o既時候...我真係好失望同埋好唔開心...點解當我能夠勇敢面對自己...排除所有困難去選擇自己o既將來...偏偏又有咁多障礙...但幸好有身邊o既朋友支持...雖然o個時心情咁down咩都聽唔入耳...不過而家諗番真係好tounching o架...感激...感激!! 咁呢...如果大家都覺得故事感人...又想幫o下我呢...咁呢..如果你知道有咩freelance做homepage...design o野...就介紹o下我呢個傻婆俾人識o下啦....(哈...哈!!幫o左咁多人買廣告...係時候輪到自己啦..!!)..Thanks!! |
| 前排去o左個camp...返到屋企死o左3..4日先有o的起色...嘩!!..o的骨痛到想死...仲之一笑就死無全屍啦... |
| ...近排好少見我update hp就知我又有新o野搞啦...今次雖然唔係做band
o既hp...而且商業到唔商業...但開心o既係可以有錢收...開心o既係我學到更加多...萬個估不到當初只係為興趣而學整hp到今時今日可以利用整hp
o黎賺錢...萬個估不到我完全冇正式學過讀過書而靠平日問埋問埋o既o野可以賺到錢...我好開心...覺得好滿足.....除o左得到金錢上實際o既收穫之外...重要o既係學識更加多software
o既用法...更加多書本學唔好o既o野... 雖然每晚都做到4...5點...心靈上肉體上都好"支力"好"支力"...對住o個o的料對到想嘔...又有時間限制o的o野又趕...改完啦...又要再改...o個一刻我先發覺自己識o既o野少之又少...做完又錯做極都錯...距離pro仲有好遠好遠好遠...不過我絕對相信呢個job係一個非常難能可貴且不可多得o既經驗...我十分感激partner Sharon o既不斷協助及教導...(冇佢...我一早死了半年...)...另外亦要多謝亞May借出notebook & bcpc 不斷的技術支援!!!!.... 本來想蓄起今次freelance o既錢做留念...雖然出o黎做o左o野好耐...已經唔係第一次賺到錢...不過今次唔同...我第一次感受到係用自己o既能力賺錢...而唔係"時間"o黎賺錢...但奈何卡數堆積如山...hahaha |
| 上個禮拜上完最後一堂...結束o左2年學樂器o既生涯...萬個不願意...萬個捨不得...不過當我發現上堂越o黎越心不在焉...o野又唔多練o既時候...我諗係時候take個break...等自己重新裝備過來...等自己重新收拾心情...當將來有機會再來一回...我會令我老師刮目相看... 特別特別要多謝我老師悉心教導...畢竟我麻煩他太多...畢竟佢都有時會用心教我...難忘32度高溫下等足半個鐘...難忘因為冇錢而走堂o既片段...難忘佢問到我口啞啞不知所措o既時間.... (哈!哈!..希望佢睇唔到啦!!知道我老師係邊個o既會知道...唔知道o既亦無需知道...知道o既亦請合作不便宣揚...唔知道o既亦請不要胡亂猜測!!...多謝合作!!) |
| 2年心血瞬間消失, 還以為自己會捨不得會很激動,
但當一切以無法挽救時...原來自己可以這般勇敢面對,
不過傷感實是難免, 要怪只怪當初冇好好珍惜過,
所有事情都自視過高, 本已知道擁著炸彈且隨時一觸即發,
但從無準備或計劃, 是自取滅亡是自視過高是死有餘辜!
現在算是了無牽掛...但回憶仍留心...還記起當初努力的一切開心的一切,
這又何需記掛逝去的結果? 還好的是,
不應記起不應留著的都一併流走, 算是意外收穫要自己忘記放不低的... 一切緣起緣滅緣盡於此!! 此情不再...覆水難收!!! ***以上是一次大hang機format harddisk o既心情... ***請各icq朋友再add我一次...感激!! ***特別特別要鳴謝幫我修理電腦o既legend!! 做足8個鐘仲慘過返工呀!!! 雖然點都救唔番o的資料, 但係有一個咁好o既朋友老遠走到我屋企幫我整電腦....really thanks!! 記得o個日係第一次見面...記得o個日係第一次有男仔去我屋企食飯...記得我o地好似老朋友相聚...THANKS!! |
| ...我亞媽將我用o黎鋪AMP o個塊布洗到甩o左色.....呀...點算....?? |
| 終於做完新hp...當然要係度宣傳下啦...
唔知點解...我真係好鍾意Survivor...有時睇佢o地出show會開心過睇Anodize...諗o左好耐搞o左好耐先嘔到呢個hp...真心希望你o地睇完呢個hp會認識更多佢o地o既音樂...我做咁多hp最鍾意呢個...我覺得個concept同layout都好正...咁先叫design嘛<<自己讚自己...傻o架!! 其實不斷做hp都幾悶...不過開心o既係真係有人因為我做o既hp識到一o的志同道合o既朋友... 新hp又在構思當中...哈哈....不過唔好俾咁大壓力我...順其自然...等我自由發揮啦... P.S: 特別要多謝bcpc...冇佢冇新hp... |
| 不對現的承諾只是一場可笑的大話...可恥的謊話!! |
| Mazer & Site Access o既表演精彩!! |
| 從未試過感到這般大壓力,從未試過這般心神不定,工作內外都同樣感到吃力......一方面我慶幸我能獲得一個不可多得o既經驗,一方面我害怕應付不來... |
| 期待已久...可惜當達到目標o既時候反而o黎得平淡...原來一切事情幻想才是最美最欣喜最有空間...
以前我會急不及待通知其他人...現在卻無盡空虛湧上心頭...... |
| 星期日夜晚走左去踩冰...咁大個女第一次...撻到死死o下...我o的friend又唔係好掂喎,3個人似搞笑多過踩冰...近排都唔知係咪發o左神經...咩o野都走去試試...海浪公園..結他機..連冰都踩埋...下次睇怕要玩埋水上樂園... |
| 諗o左好耐先捨得買一隻都幾貴o既手鐲...不過因為佢太細,要搞o左好耐先帶到,帶完之後隻手仲瘀o左添...呢o的係咪名符其實叫做愛靚唔愛命呀? |
| 第一日返工...拆開o左亞媽俾我o既開工利是...眼淚忍不住流出o黎...
唔係因為裡面放o左張$100... 係我感受到佢真係好關心我... 幾日o黎都忽然的想起...想起舊日片段...幾日o黎都忽然的雙眼通紅... 我成日問自己...為何對自己o既朋友可以唔該前唔該後...但對自己o既親人就敷衍了事...每一次都好自然頂撞佢o地...每一次過後都後悔...每一次都覺慚愧... o係可見的將來...我會用心的愛他們...我會用最好的報答他們...我唔會俾機會自己後悔... |
| 本已遺忘,本已忽略,竟又再次從獲生機...既驚且又喜,幻得兼幻失... |
| 亞哥近o黎買o左簿notebook...足之可以完成多年心願...可惜人和事都已改變... |
| 睇完電視台對大陸的非婚生子女來港o既爭辯後...氣上心頭,不得不在這裡發洩一o下...
我冇講大話...說實的...我不介意"有權"來港o既大陸朋友到來... 幾個禮拜前...我以為自己會介意... 但經過一次偶然機會下同一位大陸朋友相處過後...我有這樣的睇法...為何我們可以接受台灣..英國..加拿大朋友......但不可以接受自己的同胞??...原來國籍真的不重要...重要的是他自己本人...重要的是他是一個好人... 亦請大家仔細的想...或許你父母從前亦都係由大陸o黎香港的... 不過...話需說回來... 請問大家...婚姻o既意義何在??...結婚o既仔女o黎得...唔結婚o既又o黎得...咁結婚o黎仲乜??...香港係實行一夫一妻制...為何會認同包二奶??...仲要俾二奶o既仔女o黎香港??... 再講...我o地又唔係唔俾佢o地o黎...守o下規矩得唔得...等我o地有充足o既時間準備一o下得唔得...?...等大家都搵時間適應協調o下得唔得?...偷渡o黎香港算係咩?...發難渣??...我諗如果佢o地唔係咁急於o黎香港...我o地唔會反應咁大...唔會咁反感... 香港有金執咩??...為何我住係度20年...你唔好話金啦...$100都未有過... 你o地有本事o黎香港...你o地咁想o黎香港的話...就唔好"羅"香港人一分一亳...要香港人尊重你o地...就請自食其力...唔好去"羅"綜援...我絕對會看不起咩都唔做靠綜援過活o既人... 我冇種族歧視...我對事不對人...... |
| 明明是忘了...為何午夜夢迴還會想起??
明明是忘掉...為何還偷偷的想起?? 明明是掛念...為何還是不承認?? 明明是眷戀...為何不可再戀上?? 明明是空等...為何還奉上時間?? 妄心藕中絲, 雖斷猶連牽... |
| 新HP趕製當中, 不過學緊新技術, 希望出o黎o既效果會耳目一新, 所以製造需時, 請等等!! |
| 近排日子總覺悶悶不樂,
朋友提議不如搵日去"海浪公園"癲o下…好呀!
橫掂我都未去過…哈! 哈! 真o架…除o左我好細個得幾歲o個時亞媽帶過我去一次之外,
我咁多年都冇機會自己去… 雖然唔係好夠時間玩, 不過都已經搞到我腰骨瘀o左…慘!! 估不到日頭玩到成身臭汗, 夜晚會慶起走去食buffet…不過你唔好以為肯出錢有錢大晒, 我同朋友搵o左半個尖咀先搵到一間酒店冇full仲有位咋! 極度懷念肥美新鮮三文魚同埋草莓甜品!! |
| 很傷心...有一位要好的朋友過了世...懷念一起相處的日子、懷念過往的一切...感謝她教我的一切、感謝她容忍我的一切, 望遠方的她有美好的將來、愉快的生活!!! |
| 20年o黎, 從來冇人同我講原來我"梅"起個咀o既樣難看到極點, 從來冇人同我講原來隻腳係唔可以放上枕頭上面, 從來冇人同我講原來我缺點多籮籮…我感謝身邊o既朋友容忍o左咁耐, 實覺有點羞愧兼無地自容… |
| 我自私、要面、粗心大意、懶散、主觀、八掛、脾氣差, 認識我之前請想清楚…… |
是我兩存在解不開的誤會?...我找不到任何方法聯絡你...望你能看到我的感受... 我還以為你想轉換一種新的方式相處會更迎合大家的性格...所以你不再打電話不再聯絡我... 我感到疑惑...是我不太好...是你覺得和我不可再一起相處??... 於是走到你HP看到你想和我快成對立...那一刻我心碎..我痛... 我嘗試過打電話..FAX..ICQ..CALL你......找不到你......我想盡力的挽回這段關係...可惜你不給我機會...... 這更加肯定你真的想和我對立... 那天的電話..CALL你.....已經不是我打出...他們是你的朋友, 你竟然這般對他.....我更覺你絕情...我覺非常的失望... 就算你不想再和我做一對好朋友...我以為還可以一切回復從前...可惜你連最普通的關係都不想和我發生... 我已經不再理會自己的面子不停的找你...我都很害怕...不過你卻這樣的對待我... 我覺得氣餒...我覺得無地自容... 那天我在CHAT ROOM看到你......我眼淚不停在流...我問自己為何我們的關係會如此.....竟然要在別人的地方才有機會和你相見... ......或許我兩的性格都大有出入...或許這是緣份......或許... ......我確實感到疲累... ......你不出聲, 我不知道的...你在哭...我在痛...那又何苦? ......我知道我誤會你...不過你變幻無常的情緒...怪不下我這般的想... ......一開始我以為你失驚無神的不再喜歡我...有很多事你不說我不知道的...誤會就會這樣一日一日加深的... ......今天卻要在別人的口中才知道另一個完全不同的版本... ......我突然有點驚惶失措... ......請下一次親口的對我說清楚好嘛??? 現在你想繼續現狀, 還是覺得可以有所改變? ......等待你的回覆... ......我會永遠的等待...直到你已作好準備...直到你心情轉佳... ......我仍用心的愛你關心你...我不想失去這樣要好的朋友...... |
| 這樣的…今次改動頭版只係一時無聊、心癮又起之故, 但係講到要改晒成個HP呢, 你就咪搞我啦, 一來亞龍大HP擁有o既分支頁數已經超過100頁, 二來如果我可以抽到咁多時間出o黎, 咁不如用o的時間o黎做多一個新o既HP, 介紹多一隊BAND仲好…要改o既話除非有特許經營權啦…哈! 哈! 本來好想快手快腳完成埋Lazy HP手頭上o既o野, 不過又係衰懶囉, 明明淨少少都唔Update埋佢…等多一陣…唔好意思!! 你o地係咪已經忘記o左Virus同Screw o個個HP啦?…唔記得都係好事o黎o既, 因為再去多一次都只會令你o地失望多一次……記得一開始做HP o既時候, 我可以咩都唔理費寢忘餐不停不停做到3.4點, 而家都係費寢忘餐, 不過係目訓覺之嘛…哈! 哈! HP帶俾我無限o既朋友, 不過HP亦帶走我好多好多朋友, 因為我日日都掛住做HP, 根本抽唔到時間同佢o地傾計…我真係覺得好唔好意思o架…我講真o架, 真係好想停晒所有HP…不過衰在唔捨得啦…就正如人生一樣, 我捨得o既話唔會自尋煩惱, 頭條必定有我份!! 而家就算冇心機都一日做o的一日做o的, 我唔想半途而廢, 我想做得更加好, 其實諗深一層, 我要感激話過我o既朋友…因為淨係一面倒聽o的讚美o既說話, 我只會被勝利衝昏頭腦, 有o左呢o的聲音, 我先會檢討自己做o既有咩唔好有咩唔妥…每一次當我收到粗口MAIL o既時候, 我都好慶o架…o的人咩都唔駛做一堆粗口飛o埋o黎, 嘩…你估真係唔Hurt o架!!…不過過o左啖氣, 其實都好想同o個o的人傾番, 講o下我仲有咩唔好o既o野, 不過好可惜, 佢o地通常都唔會留真地址…點都好…o係度要多謝佢o地一聲, 有機會的話請繼續指點指點!! |
| 唔知點解, 睇完Beyond個show之後無拿拿加o左佢o地兩分, 不見不散場面印象難忘!! |
| 我自覺很愚蠢...很鹵莽!!! |
多講多錯, 少講少錯, 唔講就冇錯???? 讚=討好, 彈=針對????? |
| 被人蒙騙16.5日不特止, 還被當作動物園裡面o既猩猩不停俾人參觀…我唔係嬲…只不過找不到重視在其中… |
| 或許我確有點過份…感謝縱容我多年o既朋友… |
| 我做咁多homepage唔係話冇目標死做爛做o架…其實一直都有心願想我自己o既hp成為各隊band o既offical hp o架…尤其係近o黎Lazy o個個添, 不過我所做o既o野只係好小兒科…Java、Layout又做得唔靚, 我都只係得閒發o下白日夢諗o下o者… |
| 本來想搵紋身o黎做ANODIZE
HP個background , 一心以為紋身呢樣o野咁靚, 好自然o的HP都應該會好靚、好有發揮性,
點不知我search o左大大話話過百個Tattoo HP, 連一幅較為揀得落手o既都冇…一唔係就個紋身唔靚,
一係就影相o既角度唔好, 好啦…搵到靚圖案張相又影得幾靚,
之但係紋身o既主人又肥到bit晒o的肉出o黎… 以前覺得Jimmy身上o既紋身都只不過不外如是…家o下發覺原來千揀萬揀佢最正… |
| 同ICQ朋友玩玩o下問o左佢o地一個問題"如果呢度冇Aids
o既話, 你會唔會走去one night stand, 結果竟然男女各自各據一方…
男的會答"must be” 女的會答"may be” 我會答".....唔好阻住" |
| 雖然火燒不到我…但燒傷了我的心...在此祝福你早日康復!
或許生命總是帶點無奈...希望你離去後會得到更快樂o既生活!! |
| 知道Kiss出o左最新Version o既figures, 不過我亦知道Card公司都出o左最新Version o既月結單俾我… |
| 以真面目示人原來並不討好...還是披上狼皮繼續上路... |
| 以為找到了......可惜對方不領情......(不是男人) |
| 你每一字每一句都傷透了我的心...傷得站不起來...痛得心似半碎......(不是男人) |
| 尋晚去o左睇王菲演唱會, 睇到亞菲要跨過機關十八重…簡直一步一驚心…還是4年前舊的好…不過有我後面一位明星加埋佢o既朋友, 就算亞菲唱得點好都係枉然…這裡係bar係卡啦OK嗎???? |
| 聖誕節去o左坪洲Camp,
高興o既係能夠擺脫亞媽o既魔掌, 玩到癲晒都冇人理, 遺憾o既係被朋友揭發我能夠超乎常人隨時隨地都目訓得著o既神奇功力…
Boxing day凌晨12點…抽獎時間…我送出小電子琴一個…加上帶去o既1枝Bass、 3枝Guitar…嘈到不知所謂…而我自己則抽到一對4個骨加蝴蝶黑色絲襪同埋一套小甜甜飾物…我被迫的帶上兼要影相留倩影…搞到我哭笑不得兼想死… 未試過夜晚燒完o野食, 2、3點仲有湯圓做宵夜, 一早起身刷完牙冇耐又要燒過另一餐, 飽到想死仲有雪糕助慶… 坪洲一晚夜之後…我同朋友們移施到銅鑼灣繼續宿營…無無聊聊走到機舖玩跑馬仔、踩單車、橡皮艇, 玩完之後各人都"支力"到似踩住滑板行路一樣, 如果換作夜晚出沒的話, 幾條喪屍活靈活現係面前… 經過短短兩日o既Camp之後, 假設我有幸能搬出o黎同朋友住的話, 情況大概估計如下: 唔沖涼應屬等閒事, 一個月之後大家都會活在垃圾堆中, B記o既歌應該能夠玩得滾瓜爛熟, 3個月之後大家o既酒量會有番咁上o下… |
| 唔見o左銀包…$395 o既身份證…$90 Motion o既飛…$50按金o既八達通…蒲窩會員證…VISA..EPS…最痛都係失去o左靚靚MOOK銀包…加加埋埋起碼要一千大元先可以回復原狀…98年一大憾事… |
尤記得當年睇show…極度不智及自私…曾幾何時…每次band show都會擒上台上面好high咁叫先罷休…諗番起實覺有點羞家…唔係因為個樣似癲婆…只係因為太細路太自私…阻住晒後面觀眾睇表演…幸好o家o下有所收歛…癲婆不再…不過都唔知好定壞…以前一有show就會仆倒去買飛, 日等夜等、等睇show…之前個幾日仲會心神不定、坐唔安食唔樂…睇show個時仲誓要衝落去跳個夠叫個夠, 睇完仲要回味再回味, 起碼要用個幾禮拜o黎講番個show o既表現…o家o下…興奮不再、心情不再…我諗可能係宜家o既band show太多太密啦…有點兒吃不消…近排仲衰多三成, 連飛都唔多積極去"羅"…到個show前幾日先去買飛…買唔到仲覺得係冇緣冇得睇係天意, o的friend成日鬧我…話o個o的飛唔會自動飛埋o黎, 唔好咁老定, 遲早有一鑊會衰到應…鬼咩…你估我想o家…咁o的飛真係好似蜜蜂咁飛埋o黎嘛(講笑!)…不過自覺熱情真係有點冷卻…已前睇show最低限度都走落去跳兩o野啦, o家o下就只會原地跳…最多就只會走前幾行…係年紀老o左定係感覺無o左我真係唔知…只係知道我睇o野多o左眼光放遠o左 近o黎只有Survivor先能勾起我興奮意欲…但係點解佢o地咁耐都冇show出o架, 有得出o個o的又唔見人… |
| 好耐冇見…哈哈…..係咪好掛住我…近o黎先發現原來呢度"記事簿"都會俾你o地賞識且會時不時走o黎哄一哄…唔知幾多人會當係"真情"咁追o黎睇, 但係竟然有人為我所寫o既o野而開心而呷醋…有o的仲會因此而擔心我…真的感到無限欣慰…!!! |
| 今個月o既上網費用竟然跌破新低點…只因不智地愛上了他…愛他令我無法自拔…越愛越深…泥足深陷…周公先生…我愛你… |
第一屆乾柴烈火網上Band友BBQ大行動正進行得如火如荼…待燒燬8個山3個嶺之後再同大家講述起火經過… (風雨無情…山火被大雨淋熄o左…) |
| ......一心老遠走到睇Survivor o既演出…可惜人不在…只留低數語因有要事未能出席……車錢時間不重要…重要o既係一早期待盼望惘惘的落空…辜負o左我一番心機...... |
| 呢度係我屋企,
我唔喜歡這裡有粗口事件發生,
就正如我唔喜歡有人係我屋企亂吐啖一樣, 你話助語詞就算o者,
但係一o黎就問候我家人, 你叫我點忍, 想鬧我o既唔該請光明正大到NEWSGROUP,
請不要搞我家人!! 我承認我所寫o既o野略帶偏激, 但係我唔係新聞報導員, 況且我只不過受過普通情度教育, 我唔識得用專業角度去評論每場SHOW, 何況題目都寫到明係”SHOW後感”, 冇感覺齋報導又點叫”後感”??? 講o左十萬九千次啦, 我有我o既思想感情, 你有你o既道德觀念, 大家意見不合有咩出奇, 奇就奇在你o地永遠都睇唔通睇唔透呢點, 我尊重你容許你o係我HP有言論自由, 但請你同樣的尊重我, 唔好一開口就問候我家人, 禮貌o的對待我, 好嗎? 每一次收到呢o的不明來歷o既咒罵事件後, 我都會諗究竟係咪又係我做錯又係我做得唔夠好, 每一次都擔驚受怕會有E-mail bomb、ICQ bomb, 我好脆弱, 好容易就會氣餒、沮喪o家, 請唔好再用粗口鬧我, 我唔會有勇氣受得好多鋪咋, 假如我被人E-mail bomb到要賠好多錢又或者被ICQ bomb到要reinstall ICQ的話, 我應該會絕跡呢個網上生涯, 亦都唔會再繼續製作HP, 因為橫豎都有人唔鍾意睇…… 朋友CZ話根本就唔需要理呢o的人, 就連我講刪除o左粗口部份再POST過上去都話唔好, 最終我都立定主意照POST可也, 因為我覺得要得到其他人o既尊重, 首先我就應該學會尊重其他人, o係度我承諾我HP永遠都會有言論自由, 但唯一o既要求就係呢度唔可以有粗口出現! |
| o家o下忙緊將o的VCD轉做REAL VIDEO整上網, 成功的話將可有機會睇到亞龍大其中一次現場演出! |
| o係公司冇野做, 當然又係到作者記事簿時間啦, 回想起大約一年前, 我連裝上網o的 software 都要假手於人、ICQ係咩都仲未知, 直到現在已經懂得幫其他人解決電腦少問題, 其實當中經歷o左好多起起跌跌, 一片又一片的記憶還歷歷在目; 上網o既一年生涯裡面, 由初初 ICQ 只得十幾廿個同學, 搖身一變到現在已經超越100人名單, 而當中有97%o既朋友都係喜歡聽BAND SOUND , 真的感到無限喜悅、鼓舞及欣慰, 這一切一切都冇白廢我努力及用無數不眠不休o既夜晚換取番o黎o既成果, 感激所有朋友的支持及幫忙!! |
| 快二十歲啦,
20年裡面最感自豪o既應該係我寫o既4個HP, 當中除得到實實際際o既電腦知識之外,
重要的還得到好多珍貴o既友情及不可言喻o既滿足感, 我o既生活圈子亦因這樣的原故而廣闊不少,
我得到的還比我失去的多, 尤其係當中我認識到一位生命中不能略過o既朋友,
我倆臭味相投, 不過佢付出的比我多, 真的感到慚愧及無限感激,
而且佢o係我HP亦出過不少力, 唔講你唔知, 我HP有7.7777%都係佢有份幫手參與及製作的,
感謝……CZARINA!!!!! 尤記起當初我倆還是純情地互通mail, 內容甚至乎可以長達3-4張紙並維持了數月, 哈!哈!…真係諗番起都想打冷震, 如換作現在看罷恆心不再啦!!! 相識o左大約只有8個月左右, 不過平常人認錯以為我o地識o左8年, 假如佢係男仔的話, 我一早就成為楊太啦, 感激佢對我不離不棄, 亦盼望o係我自己o既朋友名冊當中能每一年都出現這樣的一位朋友, 儲夠十年那就足夠!! 在此祝她11月15日2X歲生日快樂, 望我倆心願都能早日達成!!! |
| 新的嘗試得到認同及嘉許, 付出o既時間及精神得到美滿回報, 呢o的就係我需要的支持及不斷創作的原動力!! 多謝!!!…… |
| 有人話電腦世界冷漠、失去溫情, 其實我自己覺得呢o的都係睇你自己點發揮o者, 冇人叫你死沽沽淨係齋上網, 有心的話可以傾o下電話、食下飯、約出o黎一齊睇o下band show, 請用心的對待每一位網上朋友, 這樣的話你會係度得到、經歷及學懂更加多!!! |
| 雖則事件提早o左發生,
但係感動我至深!! 收到今年第一份生日禮物, 相信亦是最好的一份!! 感激---阿邦!!! |
| 數年前冇拿拿愛上憂鬱o既佢,
喜愛程度達到瘋癲狀態, 而且一發不可收拾, 所有所有只要有得選擇o既情況之下都會不顧一切選擇佢,
甚至乎每一日佢都會貼身跟住我, 假如找不到佢出現的話,
咁該日應算係奇蹟並需記錄在案, 未曾嘗試過有其他o野今我極為感動除佢之外,
下回見到佢係街上面出現的話, 身邊o個個好大機會會係我!!!!
P.S : 佢並不等於雄性動物!!! |
| 近日收到幾封o既mail
……內容大致都係覺得我寫得唔o岩、思想觀念上面有錯,
我唔係介意其他人有唔同o既諗法, 但係我覺得你可以有你自己o既論點,
而我亦同樣擁有咁o既權利, 你估我寫o野真係唔駛用腦咩, 單係一篇<show後感>我至少起碼要用一至兩日先完成到,
我所寫o既o野都係經過深思熟慮, 何況我寫o既係我睇到我感受到o既,
而且大家根本處於不同o既位置及立場, 你絕對可以冇共鳴唔認同,
但你o地寫番o的 mail o黎 challenge 我, 咁係冇意義o家, 善意o既我就話接納o者,
唔通惡意o既都要忍氣吞聲咩, 我整HP係o黎分享我自己o既感受,
絕對唔係o黎招惹麻煩同人結怨o既, 我o既立場不嬲都非常明確”每人都有唔同o既思想及睇法,
我會尊重每一個人不同o既立場, 但請你們同樣的尊重我及其他不同人o既意見!!!”
同時間, 我亦係到重申一點, 我所有感受都已經清清楚楚o係我o既文字裡面表達晒, 如果你有不明o既地方隨時歡迎o黎問我, 但係我絕對唔會回應任何和我體法不一o既對抗說話(注意! 是對抗不是意見!!), 我唔係董建華我唔需要開答問大會, 我亦都唔係克林頓我唔需要被彈劾, 我覺得既然大家立場都已經不同, 再係度你一句我一句疊疊不休, 咁只會變成反目成仇, 這是我最不願見到及最覺遺憾!! |
| 呢度雖然只係電腦世界, 你看不到我摸不著我, 但自問我都將心比已, 絕對對得住我所有電腦裡面o既朋友, 我珍惜你們請你們同樣的珍惜我!!!! |
電視機播著雄壯的國歌, 可惜我就如普遍港人一樣, 只懂”起來、起來”, 想起來實覺有點慚愧加點無奈, 什麼時候我們才真正我起來? |
| 要令自己不覺後悔, 請努力現在、實踐將來…… |
有朋友為 Band 壇盛事勞心勞力, 弄到自己食慾不振、精神緊張, 其實凡事睇開點、從容點, 做人會開心o的、健康o的, 信我…”船到橋頭自然直”…雖然不能幫到咩手, 但喜見他為盛事而剩機削減數十磅, 理應值得大肆慶祝飲杯助慶!!! |
| 迎排好有單獨搬出o黎往o既慾望,
點解有咁o既諗法…… 假如正當你3、4點玩ICQ玩到興起o既時候, 竟然你亞媽會坐o係隔籬不斷不斷源源不絕炮轟你, 叫你早o的目訓(歷時半小時)…… 假如當你睇完Show之後, 已經推晒所有宵夜、飯局, 拿拿臨"冷"返屋企o既時候, 你亞爸竟然坐o係屋企等你、鬧你、話你成日都咁夜先番(家住屯門)……假如你只係講o下笑傾閒計話想自己一個人搬出o黎往o既時候, 你亞媽竟然好認真咁話"如果你搬出去的話, 我就報警"……如果你成長o係一個咁o既家庭, 我估你一早就吊頸死, 就算唔吊頸死, 你都會自動斷氣, 因為根本就透唔到氣……家教嚴唔係唔好, 不過都話晒叫做大叫成年啦, 要壞o既一早就壞o左啦…駛等而家……20年係咪真係太遠, 遠到連我亞媽都已經忘記生o左我20年? |
返o左工就快一個禮拜啦, 做錯好多o野, 好想一走了之, 唔去負責, 但機會渺茫……講真…我真係有後悔過唔讀書, 因為永遠讀書都好過返工多多聲啦, 眼目訓個時可以目訓陣先、唔鍾意返可以走堂、再唔係仲可以落 Canteen 煲o下電話粥, 好過家下好"支力"想目訓又唔目訓得, 鬼打仲要扮精神、笑臉迎人, 不知所謂……不過始終都要對自己o既決定負責, 希望一切工作上晒軌道之後, 繼續讀番書, 揀一份我想做o既工, 揀一條我想行o既路!!! |
| 近期多謝感激名單上又加添新成員,能夠有幸成為本月之星o既就係Manslaughter,佢幫手借o野不突止,知道我要返工冇時間"羅"飛仲第一時間幫我打電話玩遊戲答問題,話要寄o的資料俾我兩三日就收到,講真啦,連我自己o的 friends 都要三催四請, 你推我讓一輪先搞掂啦…真的…感動…多謝...唔該!! |
| 想去日本旅行、想買Hi-Fi、想買大量CD、想搬屋、想換新
Bass…..點算?各位要好o既網上朋友…哈!哈! 既然咁要好啦, 錢銀呢樣o野就應該好易話為,呢o的o野有來有往o者….今次我借你,下次咪到你囉….點呀?係咪friend先?一萬銀就夠有突……5、6千就少o左o的……點呀?算啦3、4千都照殺…咁都冇……你…你……1千幾百有啦掛?你做咩!!!!
停手呀!!! 唔好Delete我呀……救…救命…呀………呀!!! 鬼咩…出o左糧又要請呢個食飯個o個飲茶…一句講晒…hee..hee…其實就係想你借錢俾我…hee…hee…借埋張金咭俾我就仲正…你唔介意的話借埋你個人俾我…娶o左我…就簡直無言感激!!!! |
| 讀書o既年代, 我永遠都唔會留意咩咩經濟衰退、咩咩社會變遷, 我永遠都會覺得屋企唔會受十大圍因素影響, 永遠都只會俾我最好, 電腦就話有螢幕保護罩, 原來我企屋都有一個保護罩, 有頭到尾笠住我….但到o左今時今日要自己單獨親自面對…感覺孤單寂寞……從來都冇諗過經濟不景會發生o係自己身上(我講緊o既緊係唔係亞媽俾o左零用自己駛特o左啦)到o左真正出o黎搵工做o既時候, 我就真係深刻感受體會得到咩叫搵工難、咩叫生活艱難!!!! |
| 仲細咩!!仲成日你打o下我我打o下你...都已經死o左咁多人...算啦...可以嘛?你估玩咩...你一支大炮,我一個炸彈...算啦!! |
近排我作o左一個人生重大o既決定,我決定放棄仲有一年要完成o既 Computer Diploma,我唔知到底我有冇決定錯,但係首先一定要多謝、感激我媽咪先,我講大話話我考唔上,讀唔到落去,佢竟然話算囉,咪出o黎搵o野做,又唔係唔俾你讀,只不過你讀唔上,又唔係迫你......聽完之後好內疚...我好多謝佢...我好愛佢...(當然佢唔會睇到呢段o野,我亦都唔會講出口!!) 我希望我決定冇錯, 我希望我已經搵o岩路...... 要自己親手放棄一個 Diploma 的確唔易,要放棄一生o既前途更加冇可能!!! 將近20歲啦,要懂得決擇,要懂得考慮將來啦,唔細啦!! |
| 近排有幸睇番亞龍大六年前一個電視台訪問.....五人都出自破碎家庭或經歷身酸......聞者傷心見者流淚!! |
| 在此亦要再三感激 Lan tan, Jan Wong, Wilson Lam 借出吉他 tabs 感激!! 感激!! |
| 買o左kiss o既figures,雖然好貴但好正!! |
| 好友亞Liz生日,我同另外一位朋友夾份一齊買o左一大堆 pick 俾佢,係度祝佢"生日快樂!!" |
| 近日收到好多支持鼓勵o既
mail,搞到我差點痛哭流涕......真的感激!! 特別收到一封 mail,
有位有心人 m1pong 竟然送上好多亞龍大o既相俾我.....仲寫住
"Unique, keep up the hard work :)" 回覆: I will |
| 感激近來各朋友o既支持,但實在有太多私人問題纏繞身邊......常常覺得自己還細......可以唔諗太多...唔考慮後果.....但默然回首發覺原來一早已經失去權利...... |
| 有位打鼓o既 net friend 唔小心跌斷手...好慘呀,要成6個月先好番!! o係度希望佢早日康復,玩得俾以前更好!! 亦提醒各玩樂器o既朋友,天雨路滑,請小心!! |
| 好開心呢個 Home Page 已經有超過7千人o黎睇啦...雖則又唔算稱得上好多...不過相信假以時日一定會有不錯o既收視率!!感激!!感激!! |
| 突然傳來噩耗,令我傷心不已......
不想面對現實,但事實終歸事實...... 想挽回似乎又無能為力,想痛哭似乎又欲哭無淚...... 想問點解,怕知道真相後更無法面對...... 傳聞已久,一經證實,傷心欲絕...... 渴望有天再聚首,繼續積高未完的夢...... |
| 5月某日--近排成日比亞媽問"究竟學樂器有咩用......(省略1000字)"...我都唔知點可以解釋俾佢聽...有時候...我覺得人生匆匆數十年,既然搵到一o的自己鍾意又可以做得到o既o野,點解唔可以放肆一o下,唔係做每一樣o野都要為錢為有回報,做人太現實會好支力o架!! |
| 22/5/98--近兩個禮拜好勤力好勤力練樂器,搞到食指掂到所有o野都發生陣陣呻吟、慘叫聲,好可惜我師父領悟能力好低.....一o的都 feel 唔到......好失望,不過我個 friend 講得好o岩,得到o既o野係自己唔係佢o既!! |
| 有好多 Net frined 都問我點解會知道咁多 local band 消息,其實只要你o地多o的關心本地 band sound、多o的睇 Show,咁你知道o既o野應該仲會俾我多!! |
| 有Net friend 搵我夾 band......怕只怕你會大失所望!! |
以下係我一點點喜愛o既唱片: THE CROW--CITY OF ANGELS PINK FLOYD--WISH YOU WERE HERE TESLA--FIVE MAN ACOUSTICAL JAM ANODIZE--大車店 HUH!?--LET THE DOG BARK RADIOHEAD--THE BENDS THE SMASHING PUMKPINS--ADORE 王菲o既部份大碟 THE TEA PARTY--TRANSMISSION |
| Liz--感激提供部份資料! 小東子--感激教授upload歌o既方法! Czarina--感激提點各不善地方!!! Carmen--感激教授電腦知識!! M1 Pong--感激送上靚相!! Lan Tan, Jan Wong,Wilson Lam--感激借出吉他tabs!! Manslaughter--無言感激!! You--感激你o既來臨!Thank you! |