好可惜兩樣都唔係!(我都想係呀,是但一樣都好呀!)只係兩 個cycle先有一次既PE堂終於俾我等到喇!!

入到canteen,就埋去焦仔到(焦仔係一個成績俾我好多多但係又好鬼玩 得既朋友),見仲有幾個字時間就去買番份早餐食先~
小弟既早餐有凍凍維X奶一支,D麵一餅餅既肉丁麵,仲有火腿煎蛋!正呀! 成為十四蚊份~
過左十分鐘,見到KEN番黎喇!(KEN係一個高我兩吋,成績同我並駕齊驅既 朋友!)佢用極速去買早餐,亦都用極速黎食份野!

八點打鐘,我地如常敢上班房!我地三個坐番係我地'死亡鐵三角'既座位~ (等我解釋下我地既位置分佈圖先!我地班房有七行位,每行六個,兩行一 排,我就係坐係唯一一行單行最尾既位,同班房房門係對角,即係俗稱既'死 位'!我坐呢個位唔關乖唔乖事...只係我坐左呢個位好多年,都唔知由form 幾開始坐呢個位!焦仔就坐我右面,KEN就坐我前面!點解叫'死亡鐵三角'? 容後再談!)

阿sir黎左唔夠一分鐘,我地和藹可親既訓導主任--小林突然出現,將我,焦 仔,KEN,阿K,春怪同哨牙仔的左落去,仲要我地帶埋書包果隻~
(KEN見慣世面,心知不妙!)
"大鍋!今次停課肯定停成日!"
"下~~~唔係呀~!"我對突如其來既事十分震驚
"叫得我地羅埋書包就一定係成日架喇!"KEN冷靜地分析
(真係估唔到佢對呢D野敢有研究~佩服!)
"敢唔得架喎~我地今日敢難得有PE堂,可唔可以第二日先停課呀!"我無耐地說

落到去禮堂閣,我,焦仔,KEN,阿K四個坐埋係一張大圓木台到~
我地開始有D擔心喇!
"死喇!我地今次衰咩野呀....係唔係哨牙仔果單呀?"阿K望著我地細聲地講~
過左五分鐘,小林走入黎瞪大對眼"你地唔好敢坐,每人坐一張圓木台,分開坐!"
我地就死死氣敢分開坐左係四大木台到喇! 小林托一托附眼鏡就敢走左去~ "敢究竟衰咩呀...?一陣自爆咪樣衰!"焦仔開始諗定一陣點算 "咪係~最衰哨牙仔係出面呀,如果唔係我地自己唔爆應該冇事既~"我極力敢係到扮緊 冷靜!
"最慘都係冇得上PE堂~"KEN再次提及冇得上PE堂既傷心事!!!!
我地各人都異口同聲地對此事感到可惜~

(點解我地要停課...哨牙仔果單野又係咩呢?敢就要數番兩日前既事喇!)