家o下好多時候睇 Show 都會發現女多過男, 不過尋晚就出奇地出現男人過盛o既情況, o的雄厚o既歡呼聲此起彼落, 響遍全城!! 計起o黎仲大聲過女人堆o既 Show (好就好, 不過似乎佢o地高o左3吋, 我矮o左2吋!!) 經過一輪研究後, 原來係認豬行動出橋妙 (成年入得, 唔成年可以食得!) (我雖然係成年, 不過係成年少女o黎o架!!)

其實好開心見到 Anodize 今次唔再交行貨, 仲似乎幾重視呢個 Show 添!! (唔知係咪因為今次收好多, 所以點都要露兩手??) 不過點都好......佢o地當晚玩得十分落力, 玩得好 high!! Anodize 將[ 活受罪 ]重新編曲, 之後再加上[ 下流浪曲 ], [ 錯種 ], [ 摰友 ], [ 男與女 ]......全場人都一齊跟住和唱, 簡直係"羅"膽!! 跟住係新舊歌加 cover version ( Beatles o既 "Get back", Bush o既 "Little Things") 大串連, 正!!! 亞其出色o既推弦技術, Davy 狠勁有力, 每一下都令人激動o既鼓聲, Jimmy 大汗疊細汗落力o既表演, Gary 獨特彈奏結他o既方法, 亞華努力營造高潮疊起o既氣氛, 每一個成員都滿有自信, 出心出力咁演出, 怎不會教人意猶未盡!! 緊接住係演繹佢o地特意幫林海峰寫o既 [喂! 喂! 喂!], 所有人都陷入瘋狂啦!! 當在場人仕每個都漸入佳境o既時候, 亞華竟然好掃興咁講話 "完啦! 完啦! 拜拜!" 當時真係有諗過上去打佢一身!! (不過我咁弱質纖纖, 佢一腳就撐番我落台啦!!) 經過公式化o既 Encore 之後, 又係演繹無驚無喜o既 [亞龍大], 雖則首歌係就係好經典, 不過唔駛次次都輪姦佢一次, 下次可唔可以玩首 [醉.飛] o黎嘆嘆呀?? $200一個鐘頭少就少o左o的, 不過我諗咁又唔可以叫佢o地回水o既, 因為事實上佢o地今次玩得並不差, 其望不久o既將來會有更大型更震撼o既 Concert 出現!!

P.S:(1.)好鍾意亞華個頂帽呀!! 係邊度買o架??

     (2.)點解佢o地每隔一分鐘就會望向左手面o既女仔一次??

<HOME><^{樂隊資料庫><大碟資料夾><演唱會資源中心><問答題>}

<樂勢力>^{<廣告時間>}<新聞提要><歌詞集中營>^{<寵物勝地}>

<GUEST BOOK^{><VIEW GUEST BOOK>}<作者小傳><亞龍大保護罩>

<COOL LINKS><靚靚小相集><六線譜><正SHOW大鑑賞>

<SHOW後感><生日禮物><先舉手後發問><睇唔過眼就出聲><有咩睇唔過眼呀>