我寫o左咁大個 Homepage, 可以俾少少地方發洩下嘛:
如果當晚有人肯借把刀俾我, 我會殺人......坐我後面一班不知所謂o既人, 唔該玩拔河就去運動場, 有膀胱炎就長留廁所, 傾計唔該去公園, 如果唔係我亞媽家教好, 如果唔係我想繼續睇 Show, 我一早就會同佢o地打交, Xyz#$@^&...
Huh?!--缺少o左肥仔明澎湃o既鼓聲, 換o黎斯文、溫柔o既 Huh?!, 再加上亞 Tim 同 Edmund 心情演繹o既 Beautiful Night、究竟應該點等名曲.....一開場就印象難忘, 容許我講句: <亞 Tim 出品, 必屬佳品>嘛!! (當然我會公平地選寫, <必屬佳品>只在於當晚表演, 其他另計!!)
Virus-- Virus 係 Virus, 請留意! 請記住!!
Virus 有四位成員: 式、武、清、嘉強, 請留意! 請記住!!
--亞武o既結他一次比一次出色, 請留意! 請記住!!
--亞式o既鼓聲一次比一次重型, 咁係咪意味著 Virus 一步一步邁向新方向!!
P.S: 前幾日已經知道亞式剪o左新髮, 不過萬萬估不到佢會以真面目見人, 好正呀! 好可愛呀!!
William Tang & friend--當晚 William 同一班 session 玩得好放, 隨心所至 Jam 得好開心, 現場識o野o既人, 就報以熱烈掌聲, 唔識o個o的就走出走入廁所時間, 不過我就厭 William 玩口琴部分少o左o的, 加多少少同 session 一整 Jam 就仲好, 不過......好還好...似乎玩得長o左少少....短番o的o的, 點到即止, 方為上策!!!
P.S: William 唔好唔扣鈕啦, 殺死人啦!!
飄蟲: 好可惜人太多, 我又唔多願企起身, 所以錯過o左吊帶迷你短裙...!!
感覺好台灣...一聽就知道o黎自台灣...幾位朋友都玩得好放, 不過就有少少甩歌詞o既情況發生......
P.S: 可以熄番o的燈嘛, 好"殘"眼!!! 衝台都可以係一件好安全o既事o黎o架!!!
亞龍大--係咪真係咁趕住走呀, 場世界盃好似3點先開始, 你o地番到 Band 房食埋宵夜目訓陣都仲得, 駛唔駛走到裙拉褲甩, 結他都未玩 "慶" 就走呀, 呢o的唔係叫點到即止, 係未點就止o左, 次次都係咁, 試o下搵一次玩到 "lur" 住唔肯走, 你睇o下我又點寫你o地! 我o係度講真o架, 你o地俾我睇到o既只係求其交貨, Davy 一玩完就仆都仆唔切咁走, 可以俾少少誠意嘛! 一次差過一次.....有膽o既就淨係出o黎玩一首, 我睇你o地唔擺低五個頭都唔駛旨意走!! 我唔係發緊脾氣, 我o係度心痛緊咋, 眼見一班又一班欣賞你o地o既人走完一個又一個, 你o地o既聲勢一日弱過一日......成日都覺得你o地o既地位不單至於此, 可以爭氣o的嘛, 可以勤力少少嘛, 可以有o的骨氣嘛? o下? 可唔可以呀? 我知道路難行, 但請行得型少少, 好多人睇住你o地o架!! 我唔想有一日連我自己都隱瞞唔到自己, 我唔想有一日連我都開始睇唔起你o地呀!!.....講番個 Show----演出一般, 但群情洶湧, 可能係餓得太耐, 飢不擇食掛!!
鳴謝Czarina寫上o既分享 :
荃灣大會堂對我來真不是一個好地點,
坐了地鐵那麼久還要行, 真可惡!
回歸正題, 8.15pm 開 show
第一隊係只有兩個人的o既 Huh!?
燈光暗 = 氣氛好?
那氣氛是太好了一點。
兩個人總以為會欠缺了一點, 但表現是比想像中好, 兩枝 guitars 也絕不失色, 但當然不及阿 Tim
的魅力, 甫出場即惹來全場鼓掌。阿 Tim
亦沒有令人失望, 兩首舊作實在回味, 究竟 Huh!?
何時會重組?
(在此特別鳴謝後一排的一介蠻人, 全不懂尊重二字之含意,
仍在表演期間不斷發出巨響! 俾足凌厲眼神27個仍然無動於衷,
搞到我眼都凸埋! 你當呢度遊樂場咩?
我當我後面係動物園! 多謝你o地同場加演o既馬戲表演!)
Virus呢, 對唔住, 我真係聽唔清楚 Season
唱緊粵語、國語定英文。更徨論聽到歌詞講乜, 不過呢o的可能係個人風格,
但係下次可唔可以出埋字幕。阿式o既鼓同阿武o既結他都非常出色, 亦覺得 Virus 正在轉變緊,
係好o既方面。
William Tang & Patrick Murdoch - 無疑高超o既技術加上 William
落力製造氣氛的確帶來一陣高潮, 十分令人佩服o既精彩演出!
但係唔知係唔係之前晚睇波唔夠目訓,
玩過一段時間後竟然有少少睡意加幻覺, 兩度介紹隊友兼有 spotlight o果隻加上一氣呵成o既表演一度疑幻疑真以為係 x'yan
演唱會。無論如何佢o地o既表現絕對有四粒星
(五粒星滿分), 有半粒係俾唔識見好收扣o左。
台灣女子 band 飄蟲 (臨時拉伕多o左個唔係好知自己做緊乜o既男性結他手) 技術唔算好, 雖然有人覺得佢o地冇料到但係我覺得佢o地 punk 得o黎幾有創意又幾得意,
冇局限住, 一分鐘又係一首歌, 最冇創意係著條吊帶短裙搏收視o既 bass 手。(在此又想講o下坐o係前面o果三條人型燈柱,
知唔知你o地走企到咁直係會令你o地之後十行人睇唔到台上發生乜o野事, 不過最搞笑係完全唔知後面o的人串緊佢o地。我知係睇唔到, 但係你o地生得咁英偉又唔駛企到咁直o架囉! 伸長o的條頸咪算囉!)
Anodize......不過不失,
我諗我都開始習慣四首舊歌兼冇 Encore o既模式。
嘈乜o野o丫 Unique,
咁多次咯唔係仲未慣係咪呀? 算吧啦......
趕住走, 收檔!
<HOME><樂隊資料庫><大碟資料夾><演唱會資源中心><問答題>
<樂勢力><廣告時間><新聞提要><歌詞集中營><寵物勝地>
<GUEST BOOK><VIEW GUEST BOOK><作者小傳><亞龍大保護罩>
<COOL LINKS><靚靚小相集><六線譜><正SHOW大鑑賞>