高山劇場 15/10/97
鳴謝亞雲寫上o既分享 :
期待已有一個月多o既 <組 band 時間亞龍大與摯友 rock show>終於都舉行o左啦，今晚呢 show 實在唔知點形容；整晚o既氣氛都好高漲, 真係熱血沸騰, 從來無試過睇一個 show 會流咁多汗，亦從來未試過睇完一個 show 會咁疲倦, 也未試過睇一個 show 由開場到散場，都興奮到不得尖叫, 攪到連聲都變晒！更未見過一個 show 一開場就有人擁到台前, 實在有太多太多驚喜o既事呢！
除o左以上前所未有o既驚喜外，在音樂方面，當然亦有不少驚喜啦; anodize 分別同 screw. nt. joey. 阿B. 林海峰及阿 paul 合作, 當中亦可見到 davy 彈結他同 joey jam 歌, 阿華亦有彈 bass及 guitar, 當中有玩嘉賓o既歌，亦有不少舊英文歌, 當然仲有 anodize o既歌啦; 而壓軸出場o既係阿 paul, 今次係我第一次見到佢o地兩兄弟同台演出, 眼見台上有兩位都係我好欣賞o既結他手，真係覺得好開心!
另外, 在表演期間, 阿華被人舉起拋到台下, 當時立刻有好多人擁埋一堆, 連阿華o既影都唔見, 好彩好快就被人救番上台, 呢樣真係驚多過喜啦！無論如何，今晚呢個 show 真係好正!
睇完亞雲分享o既< show 後感>之後, 勾起我點點回憶......
最後我都忍唔住走去搵番盒帶o黎聽......
......呢個 show 稱呼為<亞龍大與老細 Rock Show><Session 與摯友 Rock Show>應該會更為適合......請亞龍大問o下自己, 有幾多真係你o地o既摯友, 有幾多係因為人o地係老細呀? o下? 所謂o既摯友請得太多, 玩自己歌就得小貓三四隻, 如果當晚正正經經全個 show 都玩自己歌o野, 我相信出o黎o既效果、feedback 會好好多, 亦都會係 band 壇名垂千古, 不過既已過去, 亦無法修改, 只望此情不再!!
P.S: 亞其當晚演出失準, 我都係頭一次聽到佢彈結他彈到走晒音......對我o既說話身同感受嗎, 還是另有別情?
......每一次要寫我對亞龍大o既感受都覺得自己俾o的滾油炸緊咁......自問每一次都落盡心機、每一次都出心出力去寫、每一次都想寫好佢o地......但...良心、魔鬼、公義...霎時間一次過走晒出o黎.....你叫我點寫o者? o下?...又要寫事實、又要寫到唔好咁 hurt 、又要維護佢o地、得閒仲要遊說o下其他人聽佢o地o的歌.....你估寫咁大個 homepage 真係唔駛時間唔駛心機咩, 你估我玩緊o野呀, 你估我真係唔欣賞佢o地咩, 就係因為太欣賞、太愛惜, 所以先唔想睇住佢o地衰......爭氣o的啦......求o下你o地.....
<HOME><樂隊資料庫><大碟資料夾><演唱會資源中心><問答題>
<樂勢力><廣告時間><新聞提要><歌詞集中營><寵物勝地>
<GUEST BOOK><VIEW GUEST BOOK><作者小傳><亞龍大保護罩>
<COOL LINKS><靚靚小相集><六線譜><正SHOW大鑑賞>
<SHOW後感><生日禮物><先舉手後發問><睇唔過眼就出聲><有咩睇唔過眼呀>