一連兩日睇o左 3 個 band show 真係有點飽和現象出現, 所以唔會寫晒每場 show o既感覺, 加上自己又唔係咁專業......有機會的話會老屈朋友幫手寫, 有時間的話會親自補上......(相信你o地都唔想 Virus Homepage 遲遲都未能面世掛!!)
(發覺之前o既[ show 後感 ]都俾自己規限o左, 亦發覺有o的o野, 有 feel 就有 feel 冇 feel 就冇 feel......所以今次只會隨心所欲, 想寫咩就寫咩...!!)
......朋友講呢個 show 只值 $20......
......朋友講呢個 show 似勁歌金曲現場版......
......朋友講呢個 show 佢悶到差o的目訓著, 並去o左數次廁所......
......而我......我講呢個 show......或許我期望太多......亦都期望錯o左.......
......唔係 Rock show 就唔好叫 [搖擺xxx] 啦!!!
Black Box----玩o左咁多年結他...連 Volume 都唔知係邊, 真係笑爆咀!!!
式--差o的老貓燒鬚, 打錯o野...伸月利擰頭o既小動作...配合緊張凝重o既神情......差點以為自己認錯此乃張以式!!!
Edmund--下次張 chord 紙不妨大張o的啦, 因為眾人視線並不在此!!
大家應以此為鑑...即使更好更專業o既樂手都需要充足排練時間...可況我o地係一班初出茅廬o既小子!!
Fever----個[ 大元 ]膠袋好正, 可唔可以送俾我? 佢o地玩o既o野好簡單, 不過都幾好 feel !!
LMF
Jimmy----都成30歲人啦, 仲周圍打筋斗...睇住扭親腰骨呀!!
Prodip----我想睇你彈 Bass 多過彈 Guitar...可以重拾以前 Martyr o既美好回憶嘛!!!
Davy----不如自組過另外一隊 Band 啦, 結他、Bass、鼓、Vocal 一個人殺晒, 其他人點同你爭呀!!
唔好一路跳一路禁住頂帽啦, 一方面跳得又唔暢快, 一方面又跳得唔好睇, 另外仲會好易失平行o架!! 傻仔!!
後台咁多人淨係識得坐係度同執o下o野, 出o黎跳o下唔駛死o架!!
......可能係我o地未 warm-up 夠, 可能係你o地太早出o黎, 可能係新歌太多一次未能消化, 可能係氣氛唔夠......真係好可惜、好可惜 LMF 都未能勾起興奮意慾......(我知道玩o個班人一定會鬧到我 PK , 聽舊歌又話悶新歌又話未能適應, xyz#%^*......不過係o丫嘛, 你o地都玩得有點呆滯啦, 何況我 wor !!)
Rap o個首歌好正, 想聽多次得唔得??
楊乃文----有人話佢o地好悶, 但我就覺得個 Vocal 把聲好靚......結他手真係好帥!!
陳奕迅----請陸明身邊o既朋友食糖o個時唔好發出o的奇怪膠袋聲, 人o地唱緊 unplugged o架!!
<HOME><樂隊資料庫><大碟資料夾><演唱會資源中心><問答題>
<樂勢力><廣告時間><新聞提要><歌詞集中營><寵物勝地>
<GUEST BOOK><VIEW GUEST BOOK><作者小傳><亞龍大保護罩>
<COOL LINKS><靚靚小相集><六線譜><正SHOW大鑑賞>