九九繼續滾 20/2/99
牛池灣文娛中心劇院
鳴謝DJ Harda寫上o既分享 :
Unique姐,你都算手下留情,0係萬七個人小呢個show之際,你竟然收晒火,無乜點鬧.....
我諗都係啦!好多0野都唔係我同你同佢0地控制得到!總之佢0地有用過心機我已經好滿足!!
其實,相信0個晚每隊band都玩得異常辛苦.....因為0的聲實在太雞.....
實在要在此向每一隊當晚有份表演0既樂隊致敬!!!!!
萬七人小呢個show,小anodize無encore,小anodize玩舊歌,玩慢歌,小NT玩新歌,無得跳.....
究.....究.....究.....究竟咩事??
點解一定要有encore??
無0野0下話??!你估玩得0既話,人0地唔玩咩??唔通特登吊你癮咩??
仲有呀!咩舊歌呀?
人0地有隻新歌"也許",太新你0地唔識當0左係舊歌呀??
仲有....."男與女"都只係唔知第二定第三次玩.....
我今次就只係第一次睇.....
因為上次無睇hard rock個live,一路都恨佢0地玩live玩呢隻.....
所以今次好開心!!!!!
咁多位大佬.....唔通又玩"活受罪","陌生都市"呀??!
呢0的玩到爛咁滯.....到時你班友又亞0支亞0左0者.....
成日嘈!又要"恆",又要encore.....
如果真係佢0地樂迷,不如聽真0的人0地加0左0的咩新0野好過啦!
睇佢0地0的新0野成日玩programming,loop,就知佢0地前路想點.....
亞Unique姐真係講得0岩,anodize真係加新0野之餘都仍然保留到佢0地獨有0既聲音!
上次0個隻"夜幕"好係佢0地.....
唔係話咩.....我覺得anodize好0岩玩呢0的feel 0既歌.....
local係佢0地先玩到呢0的feel.....我覺得.....
今次"也許".....好係亞其呀!
其實我覺得anodize每次加新0野都處理得好好,恰到好處,唔會失控.....
(本人覺得失控例子:我惜日0既頭號選擇be記)
大佬.....聽音樂又好,玩音樂又好(都幾廢話.....真係鍾意,聽得多就會想玩埋出0黎).....
睜大對眼,睜開對耳仔,先知呢個世界發生緊咩事嘛.....
咪一味沉淪自瀆呀大佬.....
一味自閉,同外面完全脫節,唔加新0野,玩得幾好都假.....
會悶0架.....最終都係被人遺棄.....
我唔係話要跟潮流走,不過唔係成世做自閉仔呀??
唔好唔理外面發生咩事,一味玩自己覺得好x型,好x勁0既0野0羅.....
聽到0的新0野0岩0既,咪試0下自己都玩0下0羅.....
唔0岩咪算0羅.....
總之唔好興乜玩乜,亦都唔好做自閉仔啦.....
死喇.....講講0下已經變0左唔係"show後感".....
入番正題先.....
講埋NT呀!
嘩!真係一係唔出,一出就嚇死你.....
大佬,你有幾何見NT一0野玩咁多新歌(自己0野)??
0的人淨係識嘈話無得跳.....
真係.....無計.....咁叻.....你又唔跳先??
對我0黎講,佢0地一0野玩咁多新歌,真係好感激呀!!
嘩!大佬!你估出新0野唔駛時間0架.....??!
仲要一0野過咁多.....
仲有!有中文呀!我忽然覺得好感動喎!!繼續努力呀!NT!!
0個日的聲咁雞,搞到.....唉.....真係覺得有0的0徙0左佢0地0的(anodize 0個0的都係!)新0野.....
呀.....好開心喎.....原來呢兩隊band 0係lazy過後都仲記得自己原本隊band.....
有新0野出.....哈哈.....
係咁多.....
0拿,呢篇0野絕對係一個全職anodize fan屎同兼職NT fan屎0既人所寫0既.....
所以只係講呢兩隊band.....
其他0個0的一係就唔方便講,一係就提唔起勁講.....唔好意思.....哈哈.....
不過我唔講唔代表我唔想睇佢0地0既表演喎.....
我好鍾意睇0的新band玩.....睇過先知而家發生緊咩事.....
今年u sound就0黎喇!到時都會有唔少新band玩.....
大家睇0下啦!
<HOME><樂隊資料庫><大碟資料夾><演唱會資源中心><問答題>
<樂勢力><廣告時間><新聞提要><歌詞集中營><寵物勝地>
<GUEST BOOK><VIEW GUEST BOOK><作者小傳><亞龍大保護罩>
<COOL LINKS><靚靚小相集><六線譜><正SHOW大鑑賞>