臨時音樂會 21/11/98
香港太空館演講廳
其實我覺得音樂會至少都要好似今次"臨時音樂會"咁, 講緊o既唔係燈光音響加場地, 想講o既係請o的咩band上去玩! 我唔係話今次演出o既樂隊卡士好勁, 玩得好好, 我係講緊...能夠請5隊玩同一音樂類型o既band上去, 咁先係最值得參考及嘉獎並為現時各大band show所缺少o既重要元素!! 當晚個show得已空前成功兼且氣氛濃厚...我諗一半應在於o的band o既演出狀態, 一半應歸咎於o的觀眾o既反應! 就係因為當晚全個show都玩hardcore為主, 到場o既觀眾一早就有晒心理準備並為著喜歡o既音樂類型先會買飛入場(不過我不排除部分觀眾因特別原因才到此一遊!!), 唔似平時o的雜錦band show, 鍾意某一隊band為睇某一隊band先到場, 其他唔順耳o既就廁所、電話時間!! o的人成日話睇band show o既人唔識得尊重人......對!! 我曾經都係咁講過......不過諗深一層...當你聽到high high o地o既時候, 無拿拿整隊唔o岩feel o既band上去, 咩鬼mood都無晒啦, 你腦下髓中央神經線好自然就會產生兩種激素, 其中一種會直接影響各位o既膀胱, 令到此器官要即時需要排解水份出體外, 第二種激素會引致"口部急性抽筋症", 醫治方法為吸食大量尼古丁, 所以的確怪不得o的觀眾要走出走入, 不根治的話嚴重者可導致其他併發症!!< Doctor Unique Ho wrote>......哈!哈!...講笑講笑......即使個show幾悶都好, 在此呼籲各觀眾們走出走入時都請盡量細聲, 盡量尊重台上演出嘉賓!!!期望第時多o的真正為音樂類型而搞o既show出現, 起碼睇完成場show之後, 我會知道自己睇過o的咩聽過o的咩走!!
Cracker--之前未睇過Cracker o既演出, 不過聽講佢o地今次比已往o既show進步o左好多, 而當晚o既演出亦出乎我意料之外!!! 絕對值得留意!!Tat flip—唔係話佢o地玩得唔好, 不過上個禮拜又見, 個show完o左第二日又見…我又唔係你女朋友…唔駛咁痴纏嘛…長始落去遲早分手o家咋…亞Jan越睇就越似馬騮精…唔知當我唸緊箍咒o既時候, 佢會唔會跳得仲利害?
大合唱歌舞團—哈!哈! 都未見過一大班人玩到要全部望地下, 一係就要手執貓紙, 雖然睇到佢o地準備唔係太充足, 但係一次過要班大帝聚首一堂夾o野..都知道難能可貴, 假如準備功夫能夠做得好o的, 相信情況會更為壯觀!!!!聽完佢o地玩o既一大埋cover之後, 好想搵o下o個o的碟o黎聽o下, 所以你都唔好話Band show冇影響力!!!!(o係度盡量寫o下當晚佢o地玩o左o的咩歌出o黎.....有興趣可以自己買o黎聽....)<有錯請指點>(1.)Replica from Fear Factory( 2.)Stway from Coal chamber(3.)Bull on parade(4.)Irreponsible hate anthem from Manson(5.)These eyes(have seen) from Biohazard (6.)chaos A.D. (7.) Killing in the name from Rage against the machine(8.)Blind from Korn(9.)Authority from Biohazard(10.)Refuse/resist from Sepultura最後特別要係度盛讚一o下搞"臨時音樂會"o既朋友, 如果有睇開"臨時"o既朋友都會知道個show唔係次次都會高朋滿座, 能夠o係蝕本o既情況之下都繼續維持落去頂o左咁耐, 真係要感謝搞手對本地獨立樂圈o既鼎力支持及不離不棄!!!!
o係度亦都要感謝"第三屆臨時音樂會"帶比我一次精彩難忘o既show…此乃本年最能觸動到我o既一場表演!!! 成日都覺得音樂係要用耳聽用心去感受而唔係要用手寫…假如大家認識我的話, 其實都會如常見到我出席各大band show…不過等極都等唔到我寫o既show後感…唔係因為懶..更加唔會係因為被強權迫壓, 只係寫得太多新鮮感欠奉, 有興趣o既你可以好似亞邦一樣寫o下你o的感想出o黎....歡迎!!
<HOME><樂隊資料庫><大碟資料夾><演唱會資源中心><問答題>
<樂勢力><廣告時間><新聞提要><歌詞集中營><寵物勝地>
<GUEST BOOK><VIEW GUEST BOOK><作者小傳><亞龍大保護罩>
<COOL LINKS><靚靚小相集><六線譜><正SHOW大鑑賞>